#قانون_الكرامة
ورود الخالدي
البارت٦
امال::؛
من سألته مجاوب بقى يباوع لحسوني بنفس النظره رحت يمه لزمت ايده حيل وكتله
مهران ليش متحجي شبيه ابني وليش هالنظرة بعيونك اله ..احجي مهران الدكتور شكال ..ابني بيه شي موزين؟؟
التفتلي وابتسم رغم عيونه مبيهن اي اثر للابتسامة :
ماكو شي امال شغلات بسيطة لتخافين!!!
ضغطت حيل ع ايده وكتله:
اذا..اذا شغلات بسيطة ليش وجهك انكلب من حجة الدكتور وليش عيونك كولهن الم هو الطبيب شكلك بالضبط
امال شنو السالفه لا وجهي انكلب ولا شي ومبيهن شي عيوني منين دجيبين هالحجي!؟؟
لا..لا اكو شي..الطبيب كلك فد شي مو زين اني اعرفك وحافظة ملامحك من تفرح لو تضوج صح انت متحجي بس اعرفك مهران اكو شي..والله اكو شي!!!
هو عاد ابتسم وحاول يغير ملامحة حتى تصير مريحة ورفع ايديه لزمني من زنودي هيج بهدوء يعني بهوه ايده وكلي:
ههه..لج شبيج متواخذه كتلج ماكو شي والطبيب هم طمني وكلي اخذله عينات يعني عادي مجرد فحوصات عاديه؛؛
هزيت راسي وعيوني بعيونه اريد اقره الحقيقة بيهن:
لا ..لا ابد..مو عاديه كلبي يكولي اكو شي..بعدين شنو كانسر شنو هاي الكلمة من سمعتها انت وجهك تغير ..يعني هذا مرض خطر لو شنو!!؟
ضحك بس اعرف الضحكة مغلفه اني مو غشيمة عنه:
ها....كانسر يعني التهابات قويه بس ميعرفون مكانها وين وعلاجها بطيء شويه..لهذا راح يسووله زرع عينات ويعرفون مكان الالتهابات وينطو علاج مناسب ويطيب ويرجع مثل الورده
بعدني عيوني. بعيونه
هاا..هالشكل ..يعني مضام عليه غير شي؟؟
هههه..وج انتي مو هسه كلتي حافظتك..واذا حافظتني تعرفين زين اني بحياتي مجذبت عليج؟؟
اي..اي انت ابد مجذب ؟؟ بس اني ليش كلبي مقبوض؟؟
اكيد كلبج ينقبض يعني صارلج ٨محبوسه بهاي الغرفة وهي المستشفى اصلا تقبض الكلب شوفي ذاك عشاج ثلج وممتعشيه لحد الان اكيد الحبسه وقله الاكل تأثر على حالتج النفسية وتحسين روحج مقبوضه..
اي..صح..يمكن كلامك صحدد
هدني فكتله:
انت راح تروح هسه مو!!
اي راح اروح بس راجعلج
ترجع!!
اي رايح اجيب عشه النا تره اني هم ميت من الجوع ..اجيبلج مشاوي ادري تحبين المشاوي شكلتي!؟
