اتمني حياه هادئه

part 9💜

اتمني حياه هادئه البارت 9 انهارده هحاول اخلي محمد هو بطل الحلقه .. عالشان فيه احداث كتيير جايه بالنسبه لمحمد وريم ..😊💜

صلوا علي من جلس علي ركبته يواسي طفل مات عصفوره🌸🐥
صلوا علي حبيبنا المصطفي صلي الله عليه وسلم .

وبالفعل اتي يوم االجلسه .. كان محمد جالس ويفكر حتي لمح محامي الخصم هو وعم أحمد. وابتسم بخبث وهو يتذكر ليله امس ..
____________________________________________________
فلاش بالك
.. محمد كان جالس في المكتب يراجع ملفات القضيه .. حتي خبطت السكرتيره
السكرتيره : استاذ محمد الاستاذ ** عم الاستاذ أحمد موجود برا ادخله لحضرتك

محمد باستغراب : ايه الا جابه ده .. تمام دخليه ..لتخرج وبعد دقائق يدلف عم احمد
محمد : اهلا وسهلا إيه الزياره السعيده دي .. اهلا بيك في مكتبي المتواضع 😒
ليكمل محمد تشرب إيه . استني هقولك لسكرتيره ..

عم أحمد وكان يدعي سالم ..
سالم : انا مش جاي اضايق .. انا جاي اقولك تاخد كام وتخليني اكسب القضيه .. وانا مستعد من 10 الاف لمليون ..

محمد ويداه تحت المكتب اخذ هاتفه وبدأ يسجل
محمد باستفزاز : اه يعني انت عارف اني هكسب القضيه وانك مزور الامضه .. طب لييه تعمل كدا دا حتي المرحوم اخوك ..

سالم : هو فعلا اخويا بس عمري كنت بعتبره كدا .. طول عمره أهلي بيحبوه اكتر مني كانوا بيعملوه كانه ابنهم االوحيد .. معظم وقتهم كان ليه .. نسوني خالص .. وحتي هو كان اكبر مني بسنه يعني الفرق مش كتيير . حتي لما كبرنا وفي بنت في الكليه كنت بحبها روحت قولتيله اني بحبها وبعد فتره لقيته قاعد معاها في كافتريا الجامعه .. طبعا اتنرفزت وروحت زعقتله قام ضربني قدام الناس .. وبعدها بفتره حبيبتي ماتت في حادثه كان بيوصلها للبيت وهو طلع من الحادثه وهي ماتت بسببه ..

كان يقولها بحرقه .. ..

محمد : مش يكون انت فاهم الموضوع غلط .. ده مهما كان اخوك ودول ولاده .. هما بقوا يتما .. وانت هتاكل مال اليتيم .. وهتقول ايه لربنا ..

سالم : ده ميخصكش في حاجه .. المهم هتاخد كام ولا هاخد الفلوس وامشي

محمد : لا شكلك هتاخد الفلوس وتمشي .. مش انا الا اعمل زيك انا خلاص بعتبر أحمد اخويا .. وهجيب حقه ..

محمد : بس مقولتيليش انت ازاي زورت الامضه ..
سالم بضحك :ح وانت مالك .. انا خلاص اخدت حقي والقضيه دي تبلها وتشرب ميتها

محمد : لا بجد مش بهزر ..
سالم بعدما احسه غبي : هحكيلك بس عالشان تكون عارف وبرده هكسب القضيه
انا زورت امضته بعد ماكنت معاه وخليته يمضي علي ورقه ساعتها
جه في بالي اني انتقم منه بإني اخد كل فلوسه .. وزورت الامضه وعملت ورقه ..وبانت زي الحقيقه بالظبط مع إني دفعت دم قلبي

محمد بابتسامه : ياه كل ده دا الشيطان تاب علي ايدك
سالم وهو ينهض : خلاص الكلام ملوش نتيجه.. مع اني هكسب برده بس قولت انفعك .. بس باين عليك فقري