The Girl Under His Red Sheets [The Rozovsky Heirs 2]

CHAPTER 22

Chapter Twenty—Two

One Night Stand

My breath hitched at what Charlotte said! Sa gilid ng mga mata ko ay nakita ko rin ang pagsitayuan ng mga kaibigan ko dahil sa sinabi ng babae. Soraia's eyes winced when Charlotte pulled her arm aggressively.

"C-Charlotte, tama na..."

"Anong tama na?! Bakit? ayaw mo bang marinig ng lahat na magpapakasal ka sa daddy kong biyudo para lang sa pera? Nakakahiya ba 'yon? Eh hindi nga nahiya 'yong pamilya n'yo na pumunta sa bahay para magmakaawa kay Daddy na tulungan kayo kaya huwag mo akong artehan! You're here to please me kaya gawin mo ang gusto ko!"

"Charlotte!" sigaw ni Nial nang maiyak na si Soraia lalo na't ang mga tao sa paligid ay kami na rin ang naging sentro ng atensiyon!

Pilit niyang hinila ang braso sa pagkakahawak ni Charlotte pero ang babae ay walang balak na bitiwan siya.

"Charlotte, let me go–"

"Oh, right! Pera nga pala ang habol mo at ng pamilya mong palubog sa hirap! Kung sabagay, lahat ng tao dito ay mayaman kaya simulan mo na kay Thelonious tutal siya ang pinakamayaman rito at baka bigyan ka ng pera pambaon mo sa kung saang iskwater ka pupulutin kapag napapayag ko si Daddy na itigil ang kahibangan sa pagpapakasal sa 'yo!"

Mas lalong tumulo ang mga luha niya nang maghiyawan ang lahat sa paghila sa kanya ni Charlotte palapit sa swimming pool pero bago pa siya nito maitulak sa tubig ay maagap ko nang nahawakan ang kamay ni Soraia para bawiin sa pagkakahawak ng babae!

"Thelonious!" natitilihang sigaw ni Charlotte nang makita ang ginawa ko pero hindi na nito nasabi pa ang mga gustong ibulyaw nang walang pag-iisip ko siyang itinulak sa swimming pool.

Kung kanina ay malakas ang hiyawan dahil sa pagpanig ng lahat sa babae, para namang naging sementeryo ang kabuuan ng bahay dahil sa aking ginawa.

I pulled Soraia's body closer to mine when she tried to escape and run away from the scene.

"How dare you!" sigaw ni Charlotte habang pilit inaahon ang sarili sa tubig.

Napasiksik si Soraia sa likuran ko pero nanatili akong walang emosyong nakaharap kay Charlotte.

"Pull her out of the water and fucking throw her out of this place. She's no longer welcome here or in any in house party, you all fucking understand?"

I heard gossips and shit. Namutla si Charlotte sa sinabi ko. Ilang sandali lang ay pinagtutulungan na siyang buhatin paalis sa pool at ilabas sa kasiyahan.

Everyone shouted while she was being drag out of the place. Sa pagkawala niya at ng kanyang mga sigaw ay bumalik kaagad ang sigla ng lugar na parang walang nangyari.

Hinarap ko si Soraia pero bago pa ako makapagsalita ay agad na siyang nakawala sa pagkakahawak ko.

Isang malalim na buntong-hininga ang kumawala sa aking bibig pagkatapos ay sinulyapan si Frank kaya agad niyang hinarangan ang daraanan ng paalis na babae.

"Ano ba! Aalis na ako! Pabayaan mo ako!"

Ibinulsa ko ang aking vape at pinanatili ang mga kamay doon habang tamad na naglalakad palapit sa nagwawalang babae.

Ilang ulit niyang itinulak si Frank pero nanatili itong nakaharang sa daraanan niya.

"Tumabi ka na! Uuwi na sabi ako! Hindi ako bagay rito! This is just a mistake!"

Lumagpas ang titig ni Frank sa akin, nagtatanong kung ano ang gagawin. Tumango lang ako pero bago niya tigilan si Soraia ay hinawakan niya ang magkabilang balikat nito pagkatapos ay ipinihit paharap sa akin.