The Crazy [Completed]

The Crazy Ep. 11

Ep. 11

နေ့လယ်က အလုပ်ကိစ္စနဲ့ အပြင်ထွက်ရင်း လက်ဝတ်ရတနာ ရောင်းတဲ့ ဆိုင်တစ်ဆိုင်ထဲ ဝင်ရင်း ထိုဆွဲကြိုးလေး မြင်တာကြောင့် ရှောင်းလေးအတွက်ဝယ်ပေးခဲ့သည်။

"ချစ်စရာလေးနော်....ဘာလို့ပေးတာလဲငါ့ကို..."

"ကိုယ့်ချစ်သူကိုယ်ပေးတာပဲ မပေးရဘူးလား..."

"ဘယ်သူက မင်းချစ်သူလဲ...ရိပေါ်နော် ငါ ရန်မဖြစ်ချင်ဘူး မစလာနဲ့..."

"ကိုယ်မစဘူး အတည်ပြောနေတာ ဒီက ရှောင်းလေးကို ရိပေါ်ဆိုတဲ့ ကောင်က သိပ်ချစ်တယ်တဲ့..."

"စကားတွေတတ်နေတာ...."

"ကိုယ်အတည်ပြောနေ‌တာ..."

"အွန်း..ငါအိပ်ချင်ပြီ သွားအိပ်တော့မယ်..."

ရှောင်ကျန့်က အိပ်ချင်ပြီ ဆိုကာ ထသွားလေရဲ့...

ကျွန်တော့်အတွက် ရှောင်းလေးရဲ့ ဒီလို အပြုမူတွေက ရိုးနေပါပြီ...ကျွန်တော်ချစ်တယ်ပြောတိုင်း စကားလမ်းကြောင်းတွေ လွဲ သွားတတ်သလို တစ်ခါတစ်လေဆို အကြောင်းတစ်ခုခုပြကာ ကျွန်တော့် ကို တစ်ယောက်တည်း ချန်ထားတတ်သည်....

မင်းကိုယ့်အပေါ်မှာ ကြိုက်သလို ဆိုးခွင့်ရှိတယ် ကိုယ့်အချစ်တွေကို လက်မခံချင်လည်း ရတယ် တစ်ခုပဲ ရှောင်းလေး ကိုယ့်ရင်ခွင်မဟုတ်တဲ့ တခြားတစ်ယောက်ရဲ့ ရင်ခွင်ထဲကိုတော့ မခိုလှုံချင်ပါနဲ့.....

တွေးလက်စတွေကိုဖြတ်ကာ ရိပေါ်လည်း အိမ်ထဲပြန်ဝင်ခဲ့တော့သည်။
ရှောင်းလေးအခန်းရှေ့ ‌‌က ဖြတ်သွားရတာကြောင့်ရိပေါ်လည်း အခန်းတံခါးလေးကို နည်းနည်းလေးတွန်းဖွင့်လိုက်တော့ လော့ခ် မချထားတာကြောင့် တံခါးဖွင့်ကာ ဝင်ခဲ့လိုက်သည်။

အခန်းမီးပိတ်ထားကာ ညမီးရောင်အောက်မှာ အေးချမ်းစွာ အိပ်စက်နေတဲ့ ရှောင်းငယ်...

ရိပေါ်လည်း ခုတင်အစွန်းနား ဘေးတစောင်းလေးထိုင်ကာ ရှောင်းလေးကိုငေးကြည့်နေမိသည်။

"ဟက်...."

ရှောင်းလေးကိုကြည့်ရင်း တစ်ချက်ရယ်ကာ ဖိအိပ်ထားတာကြောင့် စူနေတဲ့ပါးတစ်ဖက်ကို လက်မလေးနဲ့ ပွတ်ဆွဲလိုက်သည်။