The Crazy [Completed]

The Crazy Final

Ep.17

Wb Enter ရဲ့ training room ရဲ့အလယ်မှာ ခန့်ညားစွာ မတ်တပ်ရပ်နေတဲ့ ကျွန်တော့်ရဲ့ ချစ်ရသူ...

ပြုံးရွှင်စွာ ရပ်နေတဲ့ ရိပေါ်ကို မြင်မှ စိတ်အေးသွားရတော့တယ်။ ဒီလူမှာဖြင့်စိတ်ပူလိုက်ရတာအမော...

ရိပေါ်အနားကို တဖြည်းဖြည်းသွားလိုက်ရင်း..ရှေ့တည့်တည့်ရောက်တော့..

"ကိုယ့်ကို လက်ထပ်ပါ ရှောင်းငယ်..."

အရှေ့မှာ ဒူး‌တစ်ဖက်ထောက်ထိုင်ချကာ လက်ထဲမှာလည်း လက်စွပ်ဘူးလေးဖွင့်ကာ ပြောလာတော့..
လူက ဝမ်းသာရမလို ဝမ်းနည်းရမလို ..မျက်ရည်တွေကလည်း ပါးပေါ်မှာ ရွှဲနေအောင်ကျဆင်းနေကာ ဘေးနားက ဝနထမ်းတွေကလည်း 'လက်ခံလိုက်' ဟု သံပြိုင်အော်နေကြသည်။

ခေါင်းကို တစ်ဆက်ဆတ်ငြိမ့်ပြလိုက်တော့ နှင်းဆီပန်းတွေ ပွေ့ထားတဲ့ ကျွန်တော့်လက်တစ်ဖက်ကို ဆွဲယူကာ သူဝတ်ပေးလာတဲ့ လက်စွပ်လေးတစ်ကွင်း...

ကျွန်တော့်လက်သူကြွယ်မှာ နေရာယူထားတဲ့ အေးစက်စက် အတွေ့အထိနဲ့ တလက်လက်တောက်နေတဲ့ စိန်ပွင့်လေးပါတဲ့ လက်စွပ်ကလေးကို ကြည့်ကာ .မျက်ရည်ကျမိပြန်ပါသည်။

လက်ထဲမှာပွေ့ထားတဲ့ နှင်းဆီပန်းတွေ ကို ပစ်ချကာ ရိပေါ်ရင်ခွင်ထဲကို သာ ပစ်ဝင်ပစ်လိုက်တော့သည်။

ရင်ခွင်ထဲမှာ တရှုံရှုံ ရှိက်ငိုနေတဲ့ ရှောင်းလေးခေါင်းလေးကို ဖွဖွပွတ်ပေးရင်း တင်းကြပ်စွာ ဖက်ထားမိသည်။

"စိတ်ပူလိုက်ရတာ သိရဲ့လား ဟင့် သူကတော့ ပြုံးလို့ ပျော်လို့...ဟင့်..ထပ်မတွေ့ရတော့ဘူးထင်နေတာ...ဟင့်...မင်းက ငါ့ကို အရူးလုပ်တယ်..ဟင့်.."

ပြောရင်းငိုရင်း ငိုနေတဲ့ ရှောင်းလေးကို ကြည့်ကာ တစ်ချက်ရယ်လိုက်ရင်း ပါးပေါ်က မျက်ရည်စလေးတွေကို သုတ်ပေးလိုက်တော့..မျက်လုံးလေးဝိုင်းကာ...

"ရိပေါ်...ငါမင်းနဲ့ လက်ထပ်မှာကို မား ဟင့် လက်ခံပါ့မလား...တကယ်လို့ မားလက်မခံရင် ဟင့် ငါတို့ ခွဲရတော့မှာ ပေါ့နော်.."

ဘယ်လောက်တောင်ဝမ်းနည်းနေလဲမသိ စကားပြောတာတောင် ရှိုက်သံက ပါနေသေးသည်။