بارت 2
اني ملابسي محتشمه و فضفاضه
عكس بعض البنات الي وياي
ملابسهن مدري شلونها و يطكن علج
و يتشاقن شقة ماصخ
و ابو المعمل عنده غرفه خاصه بيه
بيها سرير و ثلاجة و مسجل
اربعه و عشرين ساعه يغني دك و ركص و حتئ مشروب يشرب بيه
و اكو بناته يدخلن وياه للغرفه و يتعطلن يمه جوه
اني اجي خايفه و اطلع خايفه
و ما مرتاحه هنا
بس مضطرة و ما باليد حيلة
ابن عمي بعد فترة اجت منه اخبار و الاخبار زينه
اتعين ع شهادة بمؤسسه مهمه و راتبه كلش زين و حتى كام يدز ورق لاهله و دا تستعدل امورهم و عيشتهم
و بعده ما ناسيني
و يدزلي رسائل اشتياق و حب و حنين
اني جانت حياتي ظلمة
و بيها بس هاي الشمعه تضوي من بعيد
اقصد حبي لابن عمي و حبه الي
المهم
بعد فترة خطبني رسمي
كلف امه اجت هيه و بتها و خطبني من امي لابن عمي
بس شنو يريدني اسافر اله عن طريق الاردن اطلع و اعيش وياه
و حتي تعيين امحصلي بالمؤسسة الي يشتغل بيها
اني هاي اهم لحظة بحياتي جنت منتظرتها بفارغ الصبر
بس الظروف مو بصالحي
شفت حياتي و سعادتي بكفه
و حياة اخواتي و امي بكفه ثانيه
اذا هاجرت اشلون بيهن و هنه ما عدهن معيل غيري و غير امي
امي بذاك الوكت كل الناس تخبز بالبيت لان العيشه صعبه مو مثل هسه
فواردها شي بسيط
اذا اعوفها وحدها يعني اخذلها و هيه بامس الحاجه الي
امي كالت روحي يمه و شوفي حياتج
اختي الازغر مني اسمها لمى
كالت اذا نور تهاجر
اني ابطل من السادس
و اشتغل بمكانج بالمعمل
طبعا هيه طفله و يكدر اي شخص يستغلها و فكرت حتى يمكن اذا اشتغلت بهذا المعمل تنحرف و تجر وياها باقي اخواتها
لان هيه فقيرة و العوز ما يرحم و هاي الناس ذئاب و تستغل هاي المواقف
اي
امي نصحتني اهاجر
كالت اني ادبر العيشه و ربج ما ينسى عبده
انتي سنه سنتين هم يصير عندج راتب انوب تدزيلنه ورق
اني كلت هاي فرصة عمري و لازم ما اتخذ القرار بسهولة
فكرت اخذ اختي لبنى وياي باجر للمعمل اشوف شراح يصير
صدك ثاني يوم اني اختاريت ملابس لبنى
و رحنه للمعمل بداية الدوام كل يوم ابو المعمل ما يجي من وكت
بس عنده واحد مشرف ع العمل
هذا شاب شكله وسيم و هو يرتب استغلال البنات لمالك المعمل
يستدرج البنيه و يقشمرها و ينسق لابو العمل
اول ما وصلنه حذرت اختي منه
كلت الها هذا واحد بلا ضمير
و انسان منحل
وكفت اختي وياي ع المكينه
اني اشرحلها و اعلمها
و هيه تتبادل النظرات ويه هذا الشخص التعبان
اكرص بيه ازمخ بيها
بس هيه بعمر مراهق و هذا واحد لعبي و عنده اساليب خاصه و متمرس بهذا المجال
اني الوقت كام يمشي عندي عالبطيئ
ردت الدوام يخلص باسرع ما يمكن حتى اخذ اختي و اشرد منا
انوب كلت خلي اخذ اجازة
طبعا ذولي المايعات بكيفهن يطلعن يجن ما يجن براحتهن
و اني ولا يوم ماخذه اجازة
فرحت للولد كتله اريد اجازة
كالي ماكو اجايز
كتله بدون راتب عندي شغله مهمه
كالي حتى لو بلا راتب
ماكو اجازة
كتله ليش
كالي فلانه ما جايه و يصير عدنه نقص
هذا الحجي هوه و اختي واحد يباوع للثاني و يبتسم
و اني كلبي محروك و اريد انجلط
طكت روحي
كمشته من زيچ قميصه و جريته عليه
و مطلته ع الميز مالته
خليت وجهه ع الطبله
و انسحل نص جسمه و صعد ع الميز
و ردت ابسطه
بس بهاي اللحظة
دخل ابو المعمل
و شافني ساحله مديره بغيابه
... يتبع
أنت تقرأ
أم بلا زواج
Short Storyالقصة قصيرة و باللهجة العراقية، تتكلم عن معانات شابة بين ليلة و ضحاها باتت مسؤولة عن رعاية و اعالت امها و خمس اخوات بعد ان توفي والدها بحادث دهس، القصة اجتماعية واقعية
