اسم القصة " ام بلا زواج "
هلو اني نور
عمري 43 سنة
بايام شبابي جانت عندي علاقة حب ويه ابن عمي
ابن عمي جان يحبني و اني هم احبه و رايدني بالحلال
و اهلي و اهله يدرون و موافقين
اني جنت طالبه بالمعهد سنة ثانيه
و هو ستوه اتخرج من كلية الهندسة فرع كيمياء نوويه
جنه متفقين ع الزواج من اني اتخرج و ما باقي ع تخرجي غير شهرين
بس للاسف ابوي اندعم بسيارة و مات
ابوي جان يشتغل بالغذائية بذيك الفترة يبيع و يشتري بمواد الحصة التموينيه
و عايشيين منها
اني البنت الجبيرة اله و عنده غيري خمس بنات و امي
البنات ازغر وحده ست اشهر و اكبر وحده بيهن بعدي 18 سنه
احنه ما عدنه والي غير الوالد الله يرحمه
امي ربت بيت و من اهل الله يعني لا طالعه و لا عدها شهادة و لا تعرف الناس و الحياة عن قرب
احنه اول الفاتحه الناس مهتمه بينه و حوالينا بس يوم بعد يوم الناس نستنه
شفنه ارواحنه نسوان بلا معيل
امي اضطرت تخبز للجوارين بالاجره
كامت تبيع خبز
بهاي الفترة صارت احداث الانتفاضه
و من دخل الجيش نزحنه
رحنه للسماوة
هناك الشباب خافوا من الاعدام راحوا لقوات التحالف
و من بينهم ابن عمي
ابن عمي طلع لرفحاء و بعد فترة طلع للنيروج
انوب انكطعت اخباره
اني شفت امي بعد ما تلحك ع عيشتنه
اضطريت اشتغل بمعمل مال علاليك بلاستك
الشفت اغلبه بنات
بس المشكله ابو المعمل مو راحه
و اني بنيه حلوه و شابه و زغيرة
يعني اني ناعمه و يبين عليه ازغر من عمري
و المشكله هواي من البنات الوياي
امسووي وياهن علاقه
و الميانه بيناتهم
ما تطاق
... يتبع
أنت تقرأ
أم بلا زواج
Cerita Pendekالقصة قصيرة و باللهجة العراقية، تتكلم عن معانات شابة بين ليلة و ضحاها باتت مسؤولة عن رعاية و اعالت امها و خمس اخوات بعد ان توفي والدها بحادث دهس، القصة اجتماعية واقعية
