بارت 5
طلعت منه اجر اذيال الخيبه مثل ما يكولون
شكد فرفحت و احجي و حلگي يابس تالي عمي يفكر بس ابزايز خيطة
رحت للبيت تاليها
ما اعرف ابات بره
و لا اكدر اتاخر قبل المغرب
فرجعت دخلت زعلانه
بس امي تلكتني و طبطبت ع جتفي و سولفت وياي
محد سئلني وين جنتي، ماكله شاربه
المهم
ظليت سهرانة اصفي بالحسابات مال عمي
شفتها ما بيها فرق مهم لو جبير
بس اكو خلل بالمخزن و الخلال هواي و ما ادري بيه متعمد لو سهو
لان الي لازم المخزن ابن عمي الجبير
و هذا معروف عنه خوش ازلمه
و هيبة
المهم رحت لعمي و كلت هم اعيد وياه الموضوع بلكي يجي و يحجي ويه اخواتي و يخوفهن
رحت لبيت عمي طلع رايح بواجبه و يتاخر
فكلت اروح لابن عمي الجبير
هم اجيك المخزن و هم اسولفله
هو بمثابة اخوي الكبير
و عنده خبرة زينه بالحياة لانه ماخذ اثنين نسوان و مسيطر ع بيته زين
المهم
رحت اله و شرحتله الخلل الي بالسجلات
كالي كل الحسابات اني مضبطها
بايدي و انتي مشتبهه
طبعا اني متاكدة و ما عجبني ردة
المهم صار جدال بيناتنه
بعدين شفته مصر و قافل
كلت اله خليها ع جيت عمي اني اشرحله الخلل و هوه يصفيها
كالي عليمن ع جيت ابوي
هذا المخزن و شوفي بعينك
اني ردت اعرف الحقيقه
اني غلطانه لو هذا عنده لعبة و دا يبوك ب ابوه
فرحت وياه للمخزن
ليش اول ما طبيت سد عليه الباب
و راد يختلي بيه
اني كمت ارجف
كتله شدا اتسووي
كالي اش ولا كلمة صيري حبابه و لا تقاومين تره انتي الي تتاذين
و كام ينزع بحزامه اني ما ادري لحد الان هذا اشناوي
كتله يمعود اني اخيتك و من سديت عليه الباب هسه شيكولون عني عمالك حباب طلعني و اني مالي علاقه بشغلكم
كالي اااااانجبي و صرخ بوجهي صرخ
اني كامت اعظامي ترجف و احتاريت شسووي
انوب فتح السحابه مال البنطلون
اني اتاكدت هذا نيته حقيره
باوعت اكو هواي شبابيك
بس كلهن بيهن من برا حديد يعني ما اكدر اطلع منهن
بس اكو وحده فتحتها زينه ويه جسمي و بلا حاجز حديدي
فركضت عليها هوه دا ينزع ببنطلونه و مترهي عباله اسلم روحي اله
حاولت افتحها ما كدرت
فضربت الجامه بايدي اكثر من مره لحد ما كسرتها بس شنو مزكت ايدي و الدم اخذني
بالكوه طلعت وجان يلحك بيه
و يكمشني من شالي و راد ينزعني اياه
اني حسيت كلبي راد يوكف من النزف
بس ما خليته ينزعني حجابي
نتلت ايده
فركزت ايده بين زاوتين مال جام امكسر
فهو جمد ابدمه
يخاف يحرك ايده حيل و ينجرح
اني من شفته بعد ما يكدر يتحرك
رجعت اله و نتفت كم شعره من شاربه و تفلت بوجهه
و مشيت
جان يتلفظ عليه لفظ نابي و عيب ينحجي
فرجعت عليه
و حشه اليسمع نزعت النعال و ضربته
كل قوتي ع وجهه بحيث طبعت ع وجهه طبع
و كتله بعد وين ما اشوفك اذا شلت عينك هاي القذرة و حطيتها بعيني
اله اضربك بالنعال ع وجههك
حتى لو ابنص ديوان كله زلم
... يتبع
أنت تقرأ
أم بلا زواج
Short Storyالقصة قصيرة و باللهجة العراقية، تتكلم عن معانات شابة بين ليلة و ضحاها باتت مسؤولة عن رعاية و اعالت امها و خمس اخوات بعد ان توفي والدها بحادث دهس، القصة اجتماعية واقعية
