طبعا هاي اختي مراهقة و هاي امانه بركبتي
لان ابوي دوم جان يوصي بيه
بويه اني ما طلع من ظهري ولد و امج مره فقيرة و ع كد حالها اي شي يصير بيه ذوله امانه بركبتج
ذني مو اخواتج
ذني بناتج
و امج اختج الجبيرة
اني هاي الكلمات جنت دوم اسمعهن من ابوي و عاديات عندي بس من مات والدي
كمت افكر بيهن كلمة كلمة
و حفظتهن عن ظهر قلب
فهذا السافل
يباوع اختي
صعدت الغيرة عندي و كلت اليوم اسحله بالكاشي كدام اليسوه و المايسووه و شيصير خلي يصير
المهم
سحلته و جطلته ع الميز
اختي الفوصه حشه اليسمع
ذبت جسمها ع جسمه
عود تحجزنه
اني كمشتها من شعرها
و كمشت هذا اللعين من گذلته
و صفكتهم راس براس
بهاي اللحظة
دخل ابو المعمل
شافني ساحله وكيله
و ناويه حتى اقتله خلاص
دخل كالي هاااي شكو يا ستار
خيررررر
نورررر عوفيه يمعوده
اني كتله هذا الحقير لو يتادب لو اادبه و الله
كالي دعوفي خوانيكه لا يموت بيدج
و شتردين اني بالخدمه
اني اتعوذت من الشيطان و هديت
كالي بس كولي اامري اني خادم
طبعا هو مستغرب
لاني هادئة و ما ينسمعلي صوت
يسموني النمله من كد ما بس اشتغل و خرسه ما احجي ويه احد
المهم
كتله اريد اجازة و هذا الشي
و اشرت ع وكيله رفض
كالي كل هاي الهوسه
علمود اجازة روحي يمعودة و اجازتك براتب مو بدون راتب
انوب التفت ع اختي
و كال امممممم شنو هذا االملاك
هاي منووو
و عيونه اتمطگ عليها
اني خزرررته بعيون كلها شرررر
اي اني
خزرته و كتله شنوووو؟!
كالي ع كيفك عود اريد الطف الجو
اخذي راحتج
و اني ااجرلكم تكسي
كتله لا ما اريد
و جريت اختي و طلعتها
مناك
و بالطريقه ختلت وجهي و كمت ابجي
كلت اشلون بيه هاي اشلون راح ادبرها وياهن
و ذني ماكو رجال يخوفهن و هاي الدنيا غبره و كلها اوحوش و ما تتامن
االمهم
وصلت للبيت كمشت اختي و بسطتها
و كلت الها بعد ماكو طلعه للجوارين
و كل اخواتي زمخت بيهن و خوفتهن
حتى امي خطيه خنست
و قررت كل يوم انوب اوصل اختي و ارجعها من المدرسة
جانت ماكو خطوط بذاك الوقت
اني ابن عمي
بعد موت والدي صار عندي بمثابت اخ و اب و حبيب
ما اظم عليه شي
و ادزله رسائل بكلشي يصير وياي
بدون تزويق
جانت االرسائل صعبه تروح و ترجع
لان النظام قوي و شديد
و ذوله يسموهم عملاء صفحة الغدر و الخيانة
المهم اشهر االرسالة تروح و من اتخضر اعيوني يرجع الجواب
فما
ظميت عليه
كتله هاي اختي اخاف عليها و اصبر عليه ع ما اشوف فد صرفه الها
هو جان برسالته
كايل اذا علمود العيشه ما تكدرين تجيين
اني كل شهر ادز ورقه ورقتين لاهلي
اكسمهن بالنص
نص الكم و نص لاهلي
اني بهاي الرسالة
كتله مو بس شغلت افلوس
ذولي كومت بنات و بركبتي
و اريد اامن عليهن اول
فدوة انتظرني
تره ما عندي بالحياة امل غيرك
اذا اتعوفني و الله اموت
المهم
رحت لامي و قفلت عليها
الباب و سولفت وياها
كلت الها هاي بنتج
لا تكعديها بالبيت
اول ما يجيها نصيب انطيها
تره مراهقه و تخوف
خلي عينج عليها
انتي صادقيها
و اني انطيها العين الحمرة
منا لمن الله يسهل عليها
انوب دزيت ع اختي لمى
و هم اختليت بيها
نصحتها و خوفتها
و حجيت وياها حجي خشن
و كلت الها اول ما يجي نصيبك
ما نوكف ابطريقكك انمشيك
و روحي شوفي مستقبلج
و كوني حياتج ويه رجلك
جان ترد عليه و تكول
لا بببببطه
انتي اتعشكين حلال الج
و اني تردين تزوجيني ياهو الجااان
... يتبع
أنت تقرأ
أم بلا زواج
Short Storyالقصة قصيرة و باللهجة العراقية، تتكلم عن معانات شابة بين ليلة و ضحاها باتت مسؤولة عن رعاية و اعالت امها و خمس اخوات بعد ان توفي والدها بحادث دهس، القصة اجتماعية واقعية
