أم بلا زواج

بارت 7

بارت 7

للاسف امي ماتت و ماتت وياها كل احلامي
لان طلعت من بالي فكرة السفر
جانت امي عايشه و اني ما اكدر اعوف اخواتي
اشلون بعد ما ماتت الله يرحمها
يعني دفنت ويها حسيت نفسي
و ما ظميت هذا الشي عن ابن عمي دزيتله خبر
كتله ماقصرت صارلك 6 سنوات بديار الغربه و يمك اشكال و ارناك من الاشكال الحلوة للبنات
و انته ظليت وفي وياي و ما تركتني
اتوكل ع الله و اخطب لنفسك مره و راح ادعيلك من كل كلبي الله يهنيك و يسعدك
تستاهل يا ماي العيون كلشي حلو بهاي الدنيا
اني يالغالي وراي مشوار طويل مكتوب عليه اكمله
عندي بس سارة الله سهل عليها و اتزوجتت و باقي اخواتي اظل ناطرتهن سنين يا بوو سنين
روح يا روح الروح عيشت حياتك و اتهنه
طبعا موت امي مصيبه و طامه كبرى راحت من وكت و عافتني حايرة بزماني
جنت من اطلع اشتغل عندي امان اكو شخص حكيم وراي بالبيت
و بالاخص هاي الطلفه الاخيرة خطيه بعجل انحرمت من حنان الاب و دلاله و هسه الام هم فقدت حضنها و رعايتها
شكول و شحجي الوكت صعب و هاي الدنيا ما ترحم
جان بس اكو شي فادني بوفاة امي
هو ان اللبس الاسود
لان اجه الدوام بالمعهد و اني ما عندي ملابس و لا اكدر كل يوم البس شكل مثل باقي الموظفات
فداومت
و جان وجههي شاحب و امبين عليه تعب الحياة و مرارتها
مع ذالك رئيس القسم ما بطل يتودد الي
انسان كبير بالعمر مقارنه ويه عمري و بنفس الوقت هو انسان مثقف و محترم و اله مكانته العلميه و الاجتماعيه
اني داومت بالمعهد ك معيدة و كمت اشتغل بالمعمل شفت ليلي
المشكله مو لكون العمل صار 24 ساعه و جهد و تعب
المشكله اني دوم ماكو و ذني بنات و لازم احد يكون وياهن
لا اكدر اترك الوظيفه لان فكرة الهجرة طلعتها من راسي و الراتب الي احصله منها دا يعيني
و لا اكدر اعوف الشغل بالمعمل لان اعتماد عيشتنا كله عليه
اختي سارة اتزوجت ابن ناس غنايه
بس انشغلت بسعادتها و حياتها و نستنه
لا تجي اتزورنا و لا تسئل عني او عن اخواتها
حتى انكطعت اخبارها
اني استغل العطل و اروح الها
اروح متعنيه و ما اكدر اخذ تكسي
اظل اتلطلط بالمواصلات و ينشلع كلبي ياله اوصل الها
و تاليها تتلكاني ببرود
و من اريد اطلع تذكر كلاص مي ما قدمتلي
تروح و تجيبلي ماي
ما فد يوم كالت الي ابقي للغدا
يمكن حتي زوجها اذا يشوفني ما يعرفني

اااوف ضيم هاي الدنيا و الله

...  يتبع