_ انت لا اهبل او عبيط
انا قولت كدا وهو بصلى من فوق لتحت وبعد كدا اتكلم بكل استفزاز
- هاتيلى حد كبير اكلمة يا برنسيس
كنت لسة هرد علية اهزئة بس هو مدانيش فرصة ودخل الشقة وقفل الباب فى وشى وانا واقفة مصدومة ! طلعت شقتى وانا مش طايقة نفسى يعنى دا كان نقصنى كمان انا اساسا راجعة من الكلية لا طايقة الكلية ولا نفسى ولا حد خالص ويجى دا فى الاخر وانا طالعة على السلم يحدفنى بمياة يغرقنى كمان طب وللة هشتكى لماما عشان تنزل هى تهزئة على اللى عملة دا
_ مااااااما شوفتى واحد فى الشقة اللى تحتنا اول مرة اشوفة دلق عليا مياة ازاى
اكيد دلوقتى هتنزل تزعقلة صح اكيد
- اية دا معلش يا ملاك انتى متعرفيش دا مين دا فارس اللى كان بيلعب معاكى هو واختة حور وانتى صغيرة وبعد كدا عزلوا اهو رجع تانى معلش تلاقية مكنش يقصد
قالت كدا ودخلت المطبخ تانى هو اية دا يعنى اية فارس معاة واسطة يعنى! شهادة معاملة اطفال مثلا انوا يحدف الناس بالمياة عادى ... دخلت اوضتى وانا متعصبة غيرت هدومى وقررت الجئ للحل الوحيد للهروب من كل مشاكلى وهو النوم بس الباب فضل يخبط وماما فى المطبخ عمالة تنادى عليا عشان افتح بما ان انا وهى بس اللى فى البيت واخواتى فى مدارسهم قومت وانا خلاص على أخرى وبفتح الباب لاقيت نفس الشخص اللى حدفنى بالمياة
_ هو انت
بصلى ولف مرة وبص الناحية التانية بسرعة
_ ناديلى حد كبير يا برنسيس
- انا كبيرة
مرضيش عليا وانا خلاص على اخرى وبفكر ازاى احدفة من فوق العمارة اصلا بس ماما اللى جت وانقذتة منى لما زقيتنى وهمستلى ادخل جوة فدخلت وانا مش فاهمة فى اية بس بصيت على نفسى فى المراية لاقيت شعرى منكوش وانا لابسة بچامة عليها كورتى البعبع عشان كدا لف وشة عشان بشعرى طب وللة محترم وكمان ممكن طب قالى ناديلى حد كبير عشان البچامة هو اية الهبل دا !
تانى يوم كنت نازلة الكلية وانا مش طايقة نفسى كالعادى لان انا مش حابة كليتى انا كان حلمى اثار بس ربنا موفقنيش ودخلت اداب ولغايت دلوقتى مش عارفة انى اتأقلم ان حلمى ضاع...... وكنت نازلة بسرعة على السلم كالعادة عشان متأخرة فخبط فى حد ولما بصيت مين لاقيت نفس الشخص عفريت مصباح علاء الدين بتاعى
- مش تاخدى بالك يا برنسيس
بصتلة وانا خلاص على اخرى ولسة هزعقلة بس هو لحق نفسة وقالى
_ انا اسف انا اسف خلاص
بصتلة من فوق لتحت زى ما بصلى اول مرة شوفتة ونزلت ومرديتش علية ومشيت وروحت اول الشارع عشان اركب فبصيت وريا لقيتة مشى وريا واستنى لما ركبت وشاورلى بمعنى باى ! حاولت اتجاهل الموضوع ومفكرش فية وروحت الجامعة حضرت محضراتى وانا خارجة من الكلية شوفت كلية اثار قدامى فضلت بصالها شوية وانا حاسة انى من جويا مقهورة بس لفيت ومشيت وانا عمالة احاول دموعى متنزلش روحت بيتنا ودخلت بس لاقيت فى الصالة تقريبا ضيوف عشان ماما شديتنى على المطبخ على طول واديتنى صنيية فى ايدى
+ دخلى دى للضيوف اللى فى الصالة عشان انا ايدى متعورة مش قادرة اشيلها كويس انك جيتى
بصيت على ايد ماما لاقيتها متعورة فعلا فضريت اشيل الصنية وانا بدعى متقعش منى هى ودموعى واول لما دخلت الصالة لقيت فى وشى فارس قاعد وجمبة بابا بس بابا جالة تلفون وخرج وسابنى انا وهو فحطيت الصنية على الطرابيزة وكنت خارجة بس هو وقفنى
- انا اسف على كل المواقف الرخمة اللى حصلت منى ليكى وياريت تسامحينى
مرديتش علية وكنت مكملة وخارجة بس هو وقف قصادى فى اللحظة دى مكنتش قادرة اسيطر على دموعى فضلت اعيط وانا بكلم
_ لو سمحت اوعى عشان اخرج
- ممكن اعرف بتعيطى لية
_ ملكش دعوة اوعى
- احكى مالك
_ هتفرق لو حكيت
_ يمكن ترتاحى جربى
بصتلة وسكت راح هو مسك ايدى وخدنى وقعدنا وفضل باصيليلى مستنينى اكلم وانا كنت مستنية من زمان حد يدينى فرصة انى احكيلة الكل شايف ان خلاص جتلك الكلية دى لازم ترضى عصبن عنك انا مش عارفة اعمل كدا حاسة بكسرة فى قلبى ومحتاجة حد يسمعنى
_ انا كان حلمى كلية اثار ومجموعى فى الثانوى كان قليل ودخلت اداب انا مش عاوزة اداب وفى نفس الوقت حتى لو حولت هحول اية ومحدش حاسس بيا وبالمعاناة اللى انا فيها انا .....انا تعبت
