اسكريبتات فارس وملاك

اسكريب 5 الجزء الثانى

الجزء الثانى والاخير

*انا ابن عمها وخطيبها ولو مش مصدقنى اسألها
مروان بصلى وانا مش عارفة اقولة اية لوقلتلة الحقيقة يوسف ممكن يموتة ودلوقتى ومش هيهمة ولو وافقت على كلام يوسف هيبقى كدا اتحكم على قلبى وقلبة بالموت
- حور الكلام اللى بيقولة دا صح
بصيت لمروان وعينى اللى فيها دموع ووقعت على الارض وغمض عنيا
- حور حور فوقى
كان لازم امثل ان اغم عليا لانى اخترت اكون مع مروان واخترت ان احكيلة الحقيقة بس لما نبعد عن يوسف حاليا مروان شالنى وحاول يوسف يوقفة بس مروان كان خايف جدا عليا ويوسف مقدرش انوا يقف قصادة وحطنى فى عربيتة من ورا وساق هو ومشينا بعيد عن يوسف اول اما حسيت اننا خلاص بعدنا فتحت عينى
:مروان
- حور حور انتى كويسة
كان فى صوتة لهفة وخوف اكيدتلى ان قرارى صح لو بنحب بعض فعلا لازم نحارب مع بعض ضد يوسف لو كنت اخترت اوافق على كلام يوسف كنت هتدمر انا وهو
: لازم نروح اى مكان دلوقتى يوسف ميعرفش يلاقينا
-لية
: هفهمك كل حاجة بس الاول لازم نبعد خالص عنة
- هنروح بيتى
مروان كمل سواقة وكلم اخوة فارس فى التلفون وعرفة ان فى مشكلة وهو محتاجة مساعدتة
ان يبقى عندك اخ متأكد ان لو عوزتة هتلاقية معاك دى حاجة حلوة جدا وعلاقة مروان بأخوة فارس بحبها جدا يمكن لو كان عندى اخ كان مقدرش يوسف يعملى كدا
- اتفضلى
فوقت على صوت مروان واحنا واقفين قدام بيتة كنت خايفة ومروان حس بدا
- متخافيش عيلتى كلها فوق
كنت عاوزة اقولة انى مش خايفة منة انا خايفة علية هو من يوسف نزلت من العربية ومشيت   ورا مروان وطالعين السلم ورجلى اتلوت وكنت هقع بس مروان مسكنى فضلت مركزة فى عيونة اول مرة اخد بالى ان عيونة عسلى اية دا اللى بقولة دا !؛فوقت من سرحانى فى عيونة على ضحكتة
- معجبة بقى ولا اية
: هااا
- لا دا انتى مش معايا خالص
كان بيكلم وهو بيضحك كانت ضحكتة حلوة اوى خت بالى من الوضع اللى احنا فية رحت عدلت. نفسى على طول
: يلا مش ....مش هنطلع
فضل باصيليلى ومبتسم بعد كدا طلع وانا وراة وكل شوية يلف ويبصلى ويبتسم دخلنا البيت لاقيت كل عيلتة موجودة واول لما شافتنى ملاك جريت عليا
_ انتى كويسة
: كويسة متخافيش
+ اهلا يابنتى
: ازى حضرتك يا طنط
+ الحمدلله اتفضلى
كانت مامتة شكلها ست طيبة قعدت جمب ملاك وكانوا كلهم واقفين مستنينى احكى فبدأت وانا باصة على مروان
_ الولد اللى انت شوفتة فى الجامعة دا يبقى ابن عمى..... ابن عمى وبس يوسف ديما كان بيحاول يقرب منى وانا كنت ببعدة لغايت اما طلب ايدى وانا رفضت واكيد هتسألوا رفضت لية لانى مش بحبة ولا بطيقة وهو انسان مش كويس كل شغلة حرام اصلا انا مامتى متوفية ومليش اخوات ابويا كان بيخاف من يوسف وموافق انى اتجوزة بس قال ليوسف استنى اما اخلص الجامعة ويوسف وافق بالعافية وانا كنت مستسلمة لدا كلو
كنت لسة هكمل واقول لغايت اما شوفتك يا مروان قررت اقف قصادة بس قطع كلامى صوت رنة تلفونى وكان يوسف فامروان اتنرفز وكان هياخدة يرد هو بس فارس منعة
= سيبيها هى ترد عشان نعرف اخرة اية
- لا يا فارس انا هرد علية وخلينا بقى نتقابل راجل لراجل
= اسمع الكلام يا مروان خليها ترد وتفتح الاسبيكر
بصيت لمروان مستنية قرارة راح هز دماغة بمعنى ردى فارديت وفتحت الاسبيكر
* اسمعى بقى لو مفكرة انك هتعرفى تهربى منى تبقى بتحلمى انا مسافر 3 ايام لو رجعت ملقتكيش اعتبرى الواد بتاعك دا ميت
مستناش ردى وقفل وانا فضلت باصة لمروان راح مروان قرب منى وخد التلفون من ايدة
- اوعدك فى خلال 3 ايام دول هكون انا اللى مخلص علية
: لا لا متضيعش نفسك هو اساسا شغال فى المخدرات وحاجات زى كدا نبلغ البوليس احسن
مروان فضل باصيليلى ومبتسم
- بعد 3 ايام هكون نهيت كل حكايتة وارجع تقوليلى قرارك واى كان هحترمة سواء قبلتى تكونى امانى اللى ديما بلجألة او لا وفى الحالتين هفضل احميكى ديما
مروان قام وكان ماشى رحت قومت جريت وراة
: مروان ..... شكرا
لف وبصلى وفى عنية لمة غريبة
- عايزك تعرفى ان لو الدنيا كلها اتخلت عنك انا هفضل جانبك
قال كدا وفتح  الباب ومشى ورواة فارس وانا واقفة مبتسمة وفى قلبى احاسيس اول مرة احس بيها لغايت اما فوقت على صوت ملاك
_متخافيش ان شاء اللة هيحل كل حاجة ويرجعلك
خت بالى من ملاك اللى واقفة جمبى ومبتسمة
_ تعالى يلا اوضتى غيرى هدومك عشان فى حاجات كتير عاوزين نكلم فيها
دخلت اوضة ملاك وقعت معاها و لاول مرة اكون حاسة بالامان حاسة ان فى حد مستعد يدافع عنى طول عمرة ومش هيمل وكانت متأكدة ان مروان هيسجن يوسف ويرجعلى وساعتها اقدر اقولة اللى فى قلبى من اول يوم شوفتة فية ومحستش بنفسى غير لما رحت فى النوم
_ يا حور ....انتى نمتى طب انا هعمل اية دلوقتى
قومت خرجت من الاوضة وسيبتها تنام شكلها مرهق اصلا رحت قعدت مع مرات عمى لغايت اما يجى فارس ومروان لغايت اما لقينا باب الشقة بيفتح رحنا جرينا لقينا فارس فسألتة
_ هاا عملتوا اية ؟
= انا ليا صاحب ظابط فاروحنالة طلع اصلا ابن عمها دا مطلوب وبيدوروا علية طلع تاجر مخدرات فكان عاوز حور تساعدة او نعمل فخ لية مروان رفض وقال انوا هو هيساعدة لكن حور لا وقال انوا مش هيجى البيت هنا غير وهو ابن عمها دا فى السجن يجى بقى ساعتها يسمع قرارها
_ انا بحب حبهم اوى بجد نفسى حد يحبنى كدا
مختش بالى اصلا من اللى قولتوا انا اتكلمت بسرعة وبعفوائية فمختش بالى عير لما لاقيت فارس يبصلى بطريقة غريبة
= ومين قالك ان محدش بييحبك كدا
_ يحبنى مين يا عم هو حد هيعرف يبصلى دنا باكل اللى بيكلمنى هيحبنى كمان
فارس ضحك  وفضلت  مرات عمى تبص علينا ومبتسمة وراحت قامت
+ وانا هدخل اوضتى بقى يا ولاد عشان تعبانة
دخلت اوضتها وفضلنا انا وفارس لقيتة هيطلع سجارة
_ انت بشرب
= اة
_ من امتى
= يعنى من ساعت ما دخلت الجامعة
_ تبطلها
= افندم
_ هو اية اللى افندم السجاير تبطلها انا مكنتش اعرف انك بتخن تبطلها اولا دى حرام ثانيا خطر على صحتك
= وان رفضت
_ معندكش خيار هتبطلها لاا هتبطلها مفيش حل وان رفضت زى ما بتقول متكلمنيش ابدا ولا ليك دعوة بيا
كنت هسيبة وامشى لاقيتة وقف قصادى انا مش عارفة لية اتضايقت لما عرف انوا بيدخن حسيت انوا بجد بعد عنى لدرجة انوا بيدخن من حوالى اربع سنين وانا معرفش وكمان السجاير خطر علية
= خلاص ياستى متزعليش هبطلها بس عندى شرط
_ اية هو
= انك تبعدى عن مروان
_ اية
لاقيتة اتعصب واتكلم بعصبية
= تبعدى عنة انتى ديما معاة ليية
كان بيكلم بعصيبة خلتنى اركز معاة بس الغريب انى فرحت معقولة بيغير عليا !! الفكرة نفسها خلتنى فضلت مبتسمة زى الهبلة فهو استغرب وسكت وفضل باصيليلى رحت انا كنت هجرى ارجع اوضتى لاقيتة مسك ايدى
= تتجوزينى ........ انا مش عاوز اسمع قرارك دلوقتى انا هرجع البيت بعد 3 ايام مع مروان ساعتها عاوز اسمع قرارك
بعد ما قال كدا قرب منى وباس ايدى ومشى وانا فضلت واقفة مش مستوعبة اية اللى حصل !!!!!!
___________________
صحيت من النوم لاقيت جمبى ملاك قاعدة جمبى وسرحانة
:مالك
_ فارس طلب ايدى
: وانتى رديتى قلتى اية
_ مدانيش فرصة ارد ومشى وقال انوا هيرجع بعد 3 ايام مع مروان يسمع قرارى
: وانتى هتقوليلة اية لما يرجع
_ مش عارفة
: انتى بتحسى بالامان معاة
_ مش فاهمة
: الحب عبارة عن امان ان الشخص اللى بتحبية دا يقدر ويوفرلك الامان والحماية طول العمر دا جواز طول العمر يعنى مش مسألة يومين هنستحمل لا لازم نختار صح تختار الشخص اللى انتى متأكدة ان لو قدر يفديكى بروحة يعملها من غير تردد
_وانتى بتحسى بالامان جمب مروان
: عمرى ما حسيت بالامان الا جمب مروان
_________________________
عدت 3 ايام وكل لحظة فيهم ببقى مستنية مروان اخيرا هيجى انهاردة طنط مش موجودة  نزلت تجيب حاجات من السوق و مفيش غيرى انا وملاك انا معرفش حاجة عن يوسف اساسا من ساعت ما مروان وفارس مشيوا وكل يوم بليل فارس يتصل بمامتة يطمنها عليهم ويطمن علينا بس محاولش مروان يكلمنى ولا فارس يكلم ملاك قطع تفكيرى صوت رن الباب اكيد دا مروان جريت عشان افتحلة بس اتصدمت لما لقيت
:يو.............يوسف
* انتى مفكرة انى مش هعرف اوصلك او حتة العيل دا هيعرف يحميكى منى
حاولت اقفل الباب بس هو زقة ودخل وانا مش عارفة اعمل اية راح يوسف مسكنى وكان عاوز ياخدنى فضلت اصوت خرجت ملاك وحاولت تشدنى منة وتضربة راح مسكنى انا وهى
* انتوا مفكرين انكوا هتقدروا عليا
- سيبهم وانا بقى اقولك مين هيقدر عليك
رفعت عينى لقيت مروان جمبة فارس
* وان مسبيتهمش هتعمل اية
كان مروان هيرد علية بس صوت صفارة البوليس قطعة راحت ملاك استغلت انوا انشغل راحت عضيتة فى ايدة وانا شوفت كدا رحت ضرباة برجلى فى بطنة راح وقع على الارض وجريت انا وملاك انا على مروان وملاك على فارس و يوسف مكنش عارف يهرب لان مروان بعد ما جرينا مسكة وفضل يضرب فية هو وفارس لغايت اما البوليس دخل وخدوة من ايديهم بلعافية والظابط شكر مروان وفارس على مساعدتهم ليهم وطلعوا اصلا كانوا مراقبين البيت عشان لو يوسف جة ومشيوا لاقيت فارس قرب من ملاك
= من اول يوم جيتى فية هنا وانا خت عهد على نفسى انك مسؤلة منى وكل ديما اقرب واحد ليكى والشخص اللى لما بتقعى فى مشكلة اول واحد تجرى علية لغايت اما دخلت الجامعة وجامعتى كانت فى محافظة تانية وبعدت عنك لما رجعت لقيت مروان خد مكانى اتوقعت انكم بتحبوا بعض مع ان كان اصعب حاجة عليا بس بعدت اكتر فى سبيل انك تبقى مبسوطة لغايت اما عرفت ان مروان بيحب واحدة تانية وان انتى اساسا بتساعدية عشان يقرب ليها حسيت ان باب الامل فى قلبى اتفتح مرة تانية وقررت ان عمرى ما هسيبك ملاك تقبلى تكونى ملاكى
_ اقبل
كنت بصالهم ومبسوطة اوى ليهم لاقيت مروان واقف جمبى وباصيليلى
- مقولتليش قرارك
: انا عاوزة ارجع لبيتى لو سمحت رجعنى
بصلى بصدمة وانكسار
_ تمام هغير هدومى وارجع اوصلك
فرحت اوى انوا هيدخل الاوضة كدا خطيتى هتنجح منا مش هقدر اقول اللى فى قلبى قدامة كدا فاقررت انى هكتب جواب زية واحطهولة فى اوضتة واخلية بشتى الطرق يدخلها وهو سهل المهمة دى بعد اما دخل الاوضة مشيت وراة ووقف على بابها وهو خد بالة ان فى حاجة محطوطة على الطربيزة فاخدة وفتحة
" انا كتبتلك الجواب دا وفى كل كلمة كنت بقولها فى قلبى ليك.....انا من اول يوم شوفتك فية وانت خطفت قلبى لدرجة انك كنت بتجيلى فى احلامى وكنت فى مرة هقولك على يوسف بس يوسف منعنى اجر ناس وضربوك وهديدنى ان لو روحتلك هيقتلك كنت بين اختيارين والاتنين اصعب من بعض ان اروحولك وانا عارفة ان يوسف هيأذيك او ابعد فاخترت ابعد وكنت شايفة ان دا القرار الصح لغايت اما طلبت منى الجواز وانا قررت انك لازم تعرف كل حاجة وانا تقرر عاوز تكمل او هتبعد .......مروان انا موافقة اكون امانك اللى بتلجألة ديما لانى عمرى ما عرفت طعم الامان غير معاك"
بعد اما خلص مروان قراءة الجواب لف وشافنى وانا واقفة راح جرى وشالنى ولف بيا
- يا أمانى اللى حاربت عشان اوصلة
تمت
"لنا لقاء يوما ما........."
#مروان_حور
#فارس_ملاك
اية رايكم 💜
#اسراء_ايمن
#كاتبة_المستقبل