اسكريبتات فارس وملاك

اسكريبت 3

اسكريبت
_ هو الولد دا ديما قاعد لوحدة كدا
+ من ساعت ما جة الحضانة هنا وهو مش بيكلم حد وقاعد لوحدة كدا ديما زى ماانتى شايفة

مش عارفة لية رحت للولد دا يمكن استغربت ان طفل زى دا قاعد وعلى وشة كمية حزن بالطريقة دى

_ هااى انا ملاك الميس الجديدة هنا فى الحضانة وانت اسمك اية

بصلى وبص النحية التانية ومردش عليا

_ شكلك مش بتحب تتكلم كتير بس انا رغاية اوى استنى هنا انا راجعة تانى

قومت وجبت شكولاتة وشيبسى كتير وصممت انى هصاحب الولد دا وافهم لية وحيد كدا
_ بص جبتلك اية
*لو مفكرة ان الحاجات دى هتفرحنى يبقى وفرى فلوسك وجهدك وروحى شوفى بقية الاطفال
_ ولية بقى متفرحكش انت مش طفل زى بقيت الاطفال
*لا
بصتلة بستغراب مش معقولة يكون فى طفل كدا فى الوقت جت الدادة قالت ان اهل مروان جم عشان يخدوة وهو لبس شنطة ووقام مشيت وراة وقلت لازم اشوف اهلة دول لقيت ان اللى خدو ست كبيرة مكنتش فاهمة مين دى بس قررت انى لازم اعرف كل حاجة عن الولد دا ولية حزين كدا. ! رحت سألت مديرة الحضانة علية قالتلى ان باباة ومامتة متوفين وعايش مع خالة

: مالك يا ملاك
_ مش عارفة يا ماما بس انهاردة كان فى طفل غريب اوى مكنش بيكلم وحزين اوى

:

الدنيا مليانة بلاوى يا بنتى بس لو تقدرى تساعدى الولد دا ساعدية يا ملاك

علاقتى انا وماما مش زى اى ام وبنتها هى اقرب حد ليا بعد وفاة بابا كنت ساعتها صغيرة لسة هى اللى بقت الاب والام ليا تانى يوم رحت الحضانة لقيتة قاعد لوحدة كالعادة رحت قعدت جمبة

_ عرفت امبارح ان اسمك مروان تعرف انا بحب اسم مروان دا جدا .........تعرف ان بابا انا كمان مات وانا صغيرة
لاقيتة بصلى وركز معايا
: يعنى انتى كمان زى
_ ايوة بس تعرف كملت وبقيت زى ماانت شايف كدا عشان بابا يبقى فخور بيا وكل اما افتكرة بدعيلة برحمة تعرف لما يكون حد وحشك ادعيلة صدقنى دا احسن من انك تكتئب وتسكت بالشكل دا هنا راحوا مكان احسن بكتير من هنا

عدت الايام وحسيت انوا استجاب لكلامى ولقيتة بدأ يندمج بالتدريج مع الاطفال فى الحضانة وبدأت انا اقرب منة وكنت فرحانة جدا انى قدرت اخلية يرجع طفل طبيعى تانى
_ طب مين المفروض يجى ياخدك
: خالوا فارس مسافر فاللى بتهم بيا الدادة وهى اللى بتجى تاخدنى ومعرفش مجتش لية لغايت دلوقتى

انا عرفت من مروان ان هو عايش مع خالة فارس انا مشفتوش قبل كدا بس مروان ديما بيحكيلى عنة بس هو طبيعة شغلة سفر برا فامعظم الوقت بيبقل مسافر ومروان بيبقى مع الدادة
_ بص هو تقريبا فى حاجة والدادة مقدرتش تيجى فاانت هتروح معايا اية رايك
* بجد هااااااااا
لقيتة فرح جداا انوا هيجى معايا واكتشفت ان مروان مش محتاج اكتر من اهتمام ومتهيألى بسبب شغل خالة وسفرة مش بيقدر يوفرلة دة بس الغريب ان انا حسيت انى مروان ملزم منى مع انى قعدت فترة قليلة مع مروان بس حبيتة فى اليوم دا كل المدرسين مشيوا تقريبا مفضلش غيرى وكل الاطفال اولياء اومورهم جم خدوهم ومفضلش غير مروان فاختة انا هى حركة مجنونة منى وممكن اتأذى بسبها بس مهتمتش