_حاسب حااااسب
كنت ماشية انا وحور ومختش بالى من العربية اللى كانت جاية بسرعة محستش بنفسى غير بأصوات عالية كتير وانا واقعة على الارض ورجلى بتوجعنى لدرجة انى مش عارفة اعمل اية
-ملاك انتى كويسة
فضلت اعيط وماسكة رجلى ومش بتكلم وحور مش عارفة تعمل اية فى الوقت دا نزل شابين من العربية اللى خبطتنى راحت حور مسكت فى تيشرت ولد منهم
- انت اللى خبطتها عارف لو حصلها حاجة انا هعمل فيك اية
*وسعى كدا انتى اتجنينتى
- ايوة اتجنتت عشان اكيد دى اهلك اللى جابوهالك وانتى ماشى تدوس بيها على خلق أللة
كنت شايفة حور وهى بتتخانق مع الولد دا وانا ماسكة رجلى وبعيط انا وحور اتوفى والدنا فى حادثة عربية وكنت انا عندى 10 سنين وحور 7 سنين واللى خبطة جرى ومن ساعتها واحنا عندنا فوبيا من اى عربية او بمعنى اصح من اى حادثة !!!!
=حور الحقينى رجلى بتوجعنى اوى
فضلت ماسكة رجلى وعمالة انادى على حور بس هى فى الوقت دا مكنتش سمعانى ومرة واحدة لقيت ولد من الولدين اللى نزلوا من العربية دول شالنى وحطنى فى العربية بسرعة وركب وساق ومشى بعيد عن حور !!!
-ملاك ملاك
شوفت الولد دا لما شال ملاك وحطها فى العربية بس ملحقتش امسكة وهو ركب العربية ومشى وانا كنت مشغولة بالخناقة مع صاحبة لفيت لصاحبة لاقيتة واقف مصدوم زى رحتلة
- وديت فين ملاك خطفطوها دا انا هوريكم
حط ايدة على بوقى ولاقيتة اتعصب ووشة احمر لدرجة انى خوفت من منظرة
*لو فتحتى بوقك تانى اوعدك هيكون اخر يوم فى عمرك
الناس فى الوقت دا اتجمعت هو انتوا لسة فاكرين تتجمعوا دلوقتى ! عضيت ايد الولد دا ولسة هصوت راح همسى فى ودنى
* لو اتكلمتى كلمة مش هتشوفى اختك او صاحبتك اللى كانت معاكى دى تانى
بخوف- دى اختى انتوا هتموتوها لا انا مليش غيرها ارجوك متعملوهاش حاجة
تقريبا هو حس بخوفى عشان لاقيتة اتكلم بهدوء
* انا مش عارف بس اهدى واوعدك اختك هترجعلك
سكت انا مليش غير ملاك وماما فى الدنيا دى بعد وفاة بابا ساعتها كنت عندى 7 سنين ومن ساعتها فقدت امانى فى الدنيا وانا دلوقتى عندى 22 سنة ولسة بخاف ومش حاسة بأمان !!! لما ملاك وقعت قدامى حسيت انى هبقى لوحدى انها هتسيبنى زى بابا عشان كدا لما نزل الولد دا من العربية مسكت فية بالطريقة دى حسيت انوا هو السبب فى انى افقد بابا ودلوقتى هفقد ملاك !!
: هو فى اية يابنتى انتى محتاجة مساعدة
بصيت كان واحد من اللى واقفين تقريبا الناس خايفة من الشاب اللى جمبى دا بصيت علية وخت بالى انوا لابس لبس نضيف جدا وحتى العربية اللى كان ركبها كان باين عليها غالية وهو اصلا شكلة ابن ناس طب وهو ابن ناس خطفوا ملاك لية هيبيعوا اعضئها ممكن !!! كنت لسة هرد علية بس الشاب قاطعنى
* لا شكرا لحضرتكم دى خطيبتى ودى مشكلة مابينا هنحلها
:والبنت اللى الولد التانى خدها
*دى مراتة متخافش يا حاج
بصتلة وهو بيكلم بثقة كدا خطيبة مين ومرات مين انت بتقول اية
: صح يابنتى الكلام دا
مكنتش عارفة ارد اقول اية كنت خايفة اقول انوا كداب يأذى ملاك بصتلة لاقيتة بيبصلى وبيهز دماغة بمعنى قولى اة!!
= ايوة صح
الناس مشيت وفضل انا وهو بس اللى واقفين
= اختى فين
* مش عارف
= افندم
* هو انتى اسمك اية
= وانت مالك
* بصى بقى هنبتديها كدا هسيبك وامشى
= تسيبنى وتمشى اية واختى انت قولتلى هتودينى ليها
* بصى اهدى متخافيش انا مروان والولد اللى كان معايا دا ابن عمى فارس واحنا اصلا مش حرامية ولا مجرمين زى ماانتى فاهمة
= مهوا باين عليك .......طب ما تتصل بية
لاقيتة فعلا طلع تلفونة وفضل يتصل بفارس دا
*تلفونة مقفول طب ما تتصلى انتى بأختك
= شنطتها معايا ..قبل ما تخبطها كانت مديانى شنطتها عشان كانت بتربط الكوتش ونسيت تاخدها
مكنتش عارفة اعمل اية يعنى فارس دا تلفونة مقفول وملاك شنطتها معايا وانا وافقة مع شخص غريب فى الشارع !!
* بصى انا مش عارف فارس خد اختك فين بس اللى متأكد منة انوا مش هيأذيها... ثقى فيا
بصتلة وانا مش عارف اعمل اية بس مقاميش حل غير انى اثق فية فعلا
_________________________________
بصراخ -انت واخدنى فين سيبنى
_ اهدى متخافيش
- انت واخدنى فين
_ انا هوديكى المستشفى متخافيش مش هخطفك يعنى
- بجد
ابتسم_ بجد
وصلنا فعلا المستشفى وانا رجلى الألم كان بيزيد فيها ومكنتش عارفة ازاى هنزل من العربية وادوس عليها لاقيت الشاب دا فتح باب العربية وشالنى كنت لسة هصوت واقولة ينزلنى
_ انا شيلتك عشان عارف انك مش هتقدرى تدوسى عليها اهدى
- لا نزلنى هعرف ادوس عليها
بصلى بنظرة شك وراح نزلنى اول اما رجلى لمست الارض الوجع زاد ومحستش بنفسى غير وانا عمالة اعيط راح هو شالنى تانى وانا اساسا متوترة من قربة دا
_ مش قولتلك مش هتقدرى
دخلنى المستشفى ورحنا اوضة الدكتور وفعلا الدكتور كشف عليا وقال انوا هيعمل أشاعة عملنا الاشاعة وكل دا والولد اللى معرفش اسمة دا معايا لحظة بلحظة ومسابنيش ، لغايت اما طلعت وطلع عندى كسر فى رجلى وجبستها
- انا عاوزة اكلم اختى ومش معايا فونى ممكن تدينى فونك
_ لأسف تلفونى فاصل شحن
سكت وانا مش عارفة اقول اية وازاى هاروح برجلى دى
- هو انت اللى خبطنى ولا الولد اللى كان معاك
_بصى انا اسمى فارس السيوفى والولد اللى بتقولى علية دا مروان واللى خبطك مروان وانا مستعد لأى تعويض انتى عاوزاة انتى متعرفيش احنا مين يعنى حتى لو عملتى محضر مش هتوصلى لحاجة
اتضايقت جدا من طريقتة دى هو شكلة اصلا غنى جدا بس دا ميدلوش الحق انوا يكلمنى بالطريقة دى وكنت قايمة من على السرير
- وانا مش عاوزة حاجة انا عاوزة اروح بس من هنا
_ طب استنى اهدى وانا هاروحك
- شكرا مش عاوزة حاجة
اتعصب واتكلم بعصبية شديدة
_ قولتلك هوصلك
- وانا قولت مش عاوزة منك حاجة انت مفكر عشان معاك شوية فلوس هتدوس على غيرك انت اساسا من غير فلوس بابا وماما بتوعك دول انت ولا حاجة اسمع انا مكنتش هعمل محضر اصلا بس عشان الكلمتين بتوعك دول هعمل محضر وهحبسك انت والولد التانى انت مفكر الدنيا كلها ملك ايديك لا فوق انت ممكن فى ثانية كل فلوسك دى تروح ابقى ورينى ساعتها هتعمل اية
سبتة واتحاملت على رجلى وكنت خارجة عشان امشى لاقيتة جة ووقف قصادى
_ انا اسف
بصتلة بستغراب مش معقولة نفس الولد اللى كان بيكلمنى بغرور هو نفس اللى بيعتذر قدامى دلوقتى
_ بصى انا اسف انا مكنتش اقصد اللى فهمتية .....تعالى هوصلك بس بيتك واوعدك مش هتشوفينى تانى
بصتلة وهزيت راسى بمعنى ماشى ومشيت وراة انا مش هعرف اروح لوحدى برجلى دى وكمان حسيت ان فارس فى حاجة غلط هو ازاى اعتذر وباين علية انوا شخصية مغرورة ومتعجرفة ؟!! ركبت فى العربية من ورا وهو ساق ووصفتلة عنوان بيتى وفضلنا ساكتين طول الطريق وباين على فارس الحيرة ! وصلنا عند بيتى وانا نزلت
_هتعرفى تطلعى لوحدك
- ايوة
سبتة ومشيت حتى مشكرتوش انوا وصلنى وطلعت عند بيتنا بس وانا طالعة لفيت لاقيتة واقف وبيبصلى!! رجعت بصيت قدامى تانى وكملت طلوع السلم لغايت انا وصلت بيتنا وخبط وفتحتلى ماما
: اية اللى جرالك ومالها رجلك وفين اختك
- مفيش يا ماما اتصلى بس بحور وقوليلها ان انا جيت خليها تروح
: هى فين
- مش عارفة .....ماما ختى علاجك
بتوتر : ايوة ايوة
ماما استغربت من ردى و راحت تتصل بحور وانا دخلت اوضتى وانا مش بيروح من بالى فارس !!
___________________________
كنت وافقة مش عارفة اتصرف ازاى ولا اعمل اية
* ممكن يكون فارس خدها المستشفى
= ايوة صح ممكن يلا نروح
* استنى محنا مش عارفين انهى مستشفى
= يووة طب هنعمل اية
* انتى مقولتليش اسمك بردوا
= حور اسمى حور
* حتى اسمك حلو زيك
= افندم
* هاا لا لا مفيش
بصيت الناحية التانية وانا بفكر هعمل اية
= منا لازم اتصرف انا هبلغ البوليس
* اهدى ومتخافيش
= مخافش ازاى دى اختى الوحيدة عارف يعنى اية اختى الوحيدة يعنى مليش غيرها فى الدنيا دى
بصلى وقرب منى ولاقيتة اتكلم بهدوء
* وانا اوعدك ان مش هيجرالها حاجة
قبل انا ارد علية لاقيت تلفونى رن بعدت عن مروان وطلعت تلفونى من الشنطة لاقيت اللى بترن ماما مكنتش عارف ارد عليها اقولها اية
* مامتك اللى بترن
= ايوة
* ردى
بصتلة وسكت
* ردى بس
سمعت كلامة ورديت فعلا
= ماما
: ايوة يا حور انتى فين
دمعت وفضلت ساكتة لاقيت مروان وقف جمبى وشجعنى انى اتكلم
= ملاك ياماما
: ايوة يا حور ملاك هنا
= هنا؟! ملاك عندك
: ايوة يا حبيبتى انتى فين
هديت وضحكت لما عرفت ان ملاك روحت وبصيت على مروان لاقيتة بيبصلى ومبتسم
= طيب يا ماما انا مروحة سلام
قفلت مع ماما لاقيت مروان وقف قدامى
*روحت صح قولتلك متخافيش فارس مش هيأذيها
= ايوة شكرا ليكم عن اذنك
مشيت من قدامة بسرعة وشاولت لأول تاكس شوفتة وركبت ومشيت وهو فضل مصدوم من ردت فعلى دى بس انا كان لازم امشى مكنش ينفع اقف مع حد غريب اصلا من الاول وصلت بيتنا واول اما دخلت شقتنا جريت على اوضة ملاك وحضنتها
-كنتى خايفة عليا اوى كدا
= واكتر انا كنت هتجنن
- متخافيش انا ديما معاكى ومش هاسيبك
فضلت حضناها وسكتنا احنا الاتنين علاقتى انا وملاك مش اخت واختها عادى لا انا وهى اقرب اتنين لبعض بنعمل كل حاجة سوى ؛ عدى اسبوعين على الحادثة دى والمفروض انهاردة ان ملاك تفك الجبس اللى فى رجليها
: اجى معاكم
- لا يا ماما منا معايا حور اهو متخافيش
نزلنا انا وملاك وكنت انا بسندها ووقفنا عشان نشوف تاكسى نركبة
= مع ان ماما كانت مصممة بعد ما حكينالها على حوار الحادثة واللى حصل انك تعملى محضر وانتى رفضتى وكل اما اسألك لية تتهربى من الرد ممكن دلوقتى تهمينى بقى
اتنهدت- هتصدقينى لو قولتلك مش عارفة يمكن مرضتش اعمل محضر عشان مشفش وش الولد دا تانى ثم تعالى هنا انتى لما عرفتى ان اللى خبطنى مروان قولتيلى لاء بلاش تعملى محضر يا ملاك دا معناة اية بقى
سكت وبصيت الناحية التانية لما حصلت الحادثة ولا انا ولا ملاك شوفنا مين اللى كان سايق فا انا اتوقعت ان طلاما فارس اللى جرى خد ملاك للمستشفى هو اللى كان سايق قولتلها ان لازم تعمل محضر بس لما عرفت ان مروان اللى خبطها قولتلها تلقائى لاء بلاش!!
______________________________
رحنا انا وحور للمستشفى اللى انا شغالة فيها اصلا منا ممرضة وفكينا الجبس وكنا نازلين مروحين بس لاقينا عربية وقفت قصدنا ونزل منها فارس
_ ممكن اتكلم معاكى فى موضوع مهم
- لا مش ممكن
شديت ملاك اللى كانت مصدومة اصلا من اللى بيحصل وكنا ماشيين بس وقف قدامنا فارس
- انا عارف انك مش طيقانى من ساعت اخر مرة بس اسمعينى ولو موقفتيش على اللى هقولة همشى ومش هتشوفينى تانى
بصتلة كان بيكلم بجدية شديدة مكنش قدامى حل غير انى اوافق وكان فية كافية قدامنا فارس طلب اننا نقعد فية فاقعدنا وحور مش فاهمة حاجة بس ماشية معايا
_ بصى انا عارف انك ممرضة........ وانا امى قعدية فاهى محتاجة ممرضة ترعاها
- واشمعنا انا .. يعنى انت تقدر تجيب ميت ممرضة غيرى
_ عارف بس حسيت انك انتى هترعيها وهتهتمى بيها وانا مستعد اديكى المبلغ اللى انتى عوزاة
- اولا الف سلامة على مامتك وثانيا انا اسفة مش هقدر اقبل
لاقيتة قام وادانى ورقة كدا
_ ودا الكارت بتاعى فية رقمى لو غيرتى رايك
قال كدا وراح دفع الحساب ومشى وانا وحور قاعدين مكانا
= انتى هتعملى اية
- رفضت زى ماانتى شايفة
= لية
- عشان مش مرتاحة مش معقولة واحد شوفتة مرة واحدة وفى المرة دى اتخانقت معاة هيعوز يشغلنى كدا للة وللوطن
= صح
ضحكنا انا وحور وقمنا مشينا وروحنا بس فضلنا نخبط على الباب ماما مفتحتش فاطلعنا المفتاح بتاعنا ودخلنا لقينا ماما واقعة فى الارض جرينا عليها وفضلنا نصوت اتجمعت الجيران ووديناها المستشفى وبعد ما الدكتور كشف عليها
: للاسف والدتكم عندها القلب وبقالها فترة كبيرة مش بتاخد علاجة والقلب ضعف اكتر وهى حاليا محتاجة عملية
- ماشى اهم حاجة ماما تكون كويسة
: تمام بس العملية هتتكلف ......
قعدنا انا وحور على الارض واحنا تايهين مش عارفين هنعمل اية وهنجيب المبلغ دا منين فافتكرت الكارت اللى فية رقم فارس معايا فاطلعتة واتصلت بية
- انا موافقة
_ ملاك فى اية ومال صوتك
- انا موافقة يا فارس بس عاوزة مبلغ .......
_ ملاك انتى فين
- فى مستشفى ....
معرفش لية قولت لفارس انا فين بس يمكن لانى حسيت انى محتاجة حد جمبى انا وحور لو كان بابا عايش دلوقتى كان هيكون جنبنا لكن انا وحور لوحدنا ضعاف فضلنا قاعدين انا وحور لغايت اما جة فارس وكان معاة مروان
* انتوا كويسين
= ماما يا مروان
حور فضلت تعيط ومروان قعد جمبها
* اهدى واحكيلى فى اية وانا اوعدك كل حاجة هتبقى كويسة
بصيت عليهم حور ضعيفة محتاجة حد جمبها وهى حبت مروان يمكن مرة واحدة اللى اتقابلوا فيها بس هى حبتة وانا لاحظت دا لما كانت بتتكلم علية ديما طول الاسبوعين اللى فاتوا قمت انا ووقفت قدام فارس
_ انا موافقة على الشغل اللى حضرتك عرضتة عليا بس عاوزة مبلغ ......
بصلى شوية وسابنى ومشى وراح للدكتور اللى مسؤل عن حالة ماما بعد كدا رجعلى تانى وانا واقفة مكانى
_ مامتك هتعمل العملية بكرة متخافيش
- الفلوس
_ متشليش هم حاجة
مشى وسابنى وتانى يوم فعلا ماما عملت العملية ونجحت وفارس ومروان كانوا ديما جمبى انا وحور
____________________________
*اتفضلى يلا كلى
= لا شكرا
*كلى يا حور متخافيش مش الدكتور الدكتور قال العملية نجحت
= ايوة
* يبقى تاكلى يلاا
ضحكت وخت منة الاكل وكلت مروان فضل جمبى طول فترة عملية ماما ومسابنيش رفعت عينى لقيت مروان بيبصلى
*تتجوزينى
الاكل وقف فى زورى وشرقت وفضلت اكح
*اهدى اهدى
= انت قولت اية
*تتجوزينى
= ازاى
*هو اية اللى ازاى
بصتلة وجيت اقوم عشان امشى راح هو وقف قصادى
* انا بحبك ......حبيتك من اول يوم شوفتك فية لما كنتى بتتخانقى معايا عشان اختك مع ان كنتى بتبانى انك اقوى من ملاك بس عيونك كانت فضحاكى كنت عارف انك اضعف من كدا بكتير بعظ ما سيبتك كنت بفكر ديما فيكى انا اول مرة احس بالاحساس دا .....انا بحبك
= ايكادولى
* اية
= لما تعرف معانها ساعتها هوافق اتجوزك
* اية يا حور اية اللى انتى بتقولية دا حور
_____________________________
كنت واقفة وشايفة حور ومروان كنت مبوسكة ان حتر لقيت اللى هيكون سندها ومش هيسيبها لوحدها ابدا لانى حاسة بحب مروان لحور وانوا بيحبها بجد لاقيت فارس وقف جمبى
- شكرا
_على اية
- على كل حاجة
_ عارفة انا مش عارفة لية هقولك دا كلو بس انا هحكيلك........انا اتولدت وانا فى بقى معلقة دهب زى ما بيقولوا كان عندى كل حاجة تتخيليها بس معنديش حاجة واحدة هى حب العيلة ابويا كان كل حياتة شغلة وامى كانت قعيدة كان اقرب حد ليا مروان لغايت اما شوفتك فوقتينى ان فعلا من غير فلوس ابويا انا ولا حاجة قررت اشتغل واعتمد على نفسى وساعدنى فى دا مروان وعملنا شركة وبابا موقفش فى طريقة بالعكس ساعدنى عشان اتغير وكنت ببقى موقف حد تحت بيتك عشان لو نزلتى ومتسألنيش لية ولما عرفت انك روحتى للمستشفى عشان رجلك جيتلك ولقيت نفسى بقولك الكلام دا وبعرض عليكى العرض دا
- يمكن حصل دا كلو وقبلتنى عشان انت تتغير وانا كمان اتغير
_ تتغيرى ازاى
سكت ومردتش علية منا مش هقولة انى كمان اتغيرت بقيت بحبة مثلا ؟! عدت فترة وكان ديما فارس معانا انا وحور هو ومروان لغايت انا ماما فاقت وبقت كويسة
- دا فارس يا ماما ودا مروان اللى حكيتلكم عنهم
: اهلا بيكم مش عارفة اشكركم ازاى
*لا جوزينى بنت حضرتك وانا مش عاوز حاجة تانية
= مروان
* ايكادولى
= عرفت معانها
= احبك بلغة النوبة دنا دروت وجبت الرواية وقرئتها كلها
ضحكت عليهم اصل حور مجنونة روايات فانتازيا ومن ساعت ما قرائت رواية ايكادولى وهى معلقة معاها
_ وانا كمان بطلب ايد بنت حضرتك
- اية
_ تتجوزينى يا ملاك
فضلت بصالة ومبتسمة وهزيت دماغى بمعنى ايوة وفعلا بعدها بشهر اتجوزنا انا وفارس ومروان وحور فى نفس اليوم وعيشنا مع بعض فى نفس الڤيلا
- انا عاوزة اعرف انتى مش بتولدى لية دا انتى بقيتى فى العاشر
= بس دنا لسة فى السابع على فكرة
* بس يا ملاك سيبى حور عينى
بصتلهم وضحكت ولاقيت فارس جاى وهو شايل ابننا زين وقعد جمبى
_ يا ملاكى اللى لون حياتى
تمت
#فارس_ملاك
#اسراء_ايمن
#كاتبة_المستقبل
اية رايكم 💜
