اسكريبتات فارس وملاك

اسكريبت 9

-انتى كويسة يا هانم
= هانم !
"كنت وافقة تايهة  فى مكان غريب كدا معرفش انا جيت هنا ازاى ولا اية المكان دا لغايت اما لقيت الشاب دا قالى كدا بصتلة ولسة هرد علية لقيت صوت عالى مرة واحدة عمال يقول اهربوا الانجليزى جايين انجليز! مكنتش فاهمة حاجة لقيت كلو بيجرى حتى الشاب دا كان جرى وانا وافقة متحركتش راح الشاب دا رجع ليا تانى "
- انتى وافقة لية اهربى
= اهرب لية
- من الانجليز
" فضلت بصالة وسكتة راح هو مسك ايدى وشدنى وجرينا انا مكنتش فاهمة حاجة بس جريت معاة بصيت حوليا واحنا بنجرى لقيت البيوت شكلها غريب حتى الناس اللى بتجرى هدومها شكلها غريب!!
وقفنا فى مكان كدا شبة الحارة عند بيت من البيوت دى "
- انتى ساكنة فين
= معرفش
" بصلى وهو مش عارف يعمل اية وعمال يبص حوالية عشان الإنجليز اللى بيقولوة عليهم دول راح شدنى مرة واحدة ودخلنى البيت دا "
- الانجليز كانوا هيشوفونا
= انجليز مين انا مش فاهمة حاجة
- الانجليز جنود الاحتلال
= احتلال اية
" بصلى بستغراب وهو مش عارف يقول اية هو للدرجة دى اللى بقولة غريب "
-انتى شكلك مش من هنا بهدومك الغريبة دى وانك تقفى فى الوقت دا فى الشارع
" بصيت على هدومى لاقتنى لابسة بنطلون وتشيرت عادى بقى انا اللى هدومى غريبة !!"
- بصى يا هانم انا اللى اقدر اعملة حاليا انى اديكى الاوضة دى تباتى فيها لغايت الصبح
" دخلت الاوضة اللى شارولى عليها وقفلت الباب وفضلت افكر انا ازاى جيت المكان دا واية المكان دا اصلا طب اية اخر حاجة فاكرها انى كنت مع مامتى فى بيتنا فى زمنى انا، انا مش من الزمن دا  !! صحيت تانى يوم على صوت عالى واصوات كتير بتقول سعد سعد يحيا سعد قومت بسرعة وحاولت افتح الشباك الغريب دا لغايت اما فتحتة لاقيت ناس كتير ماشيين وعمالين ينادو سعد سعد يحيا سعد محستش بنفسى غير وانا عمالة اقول معاهم لاقيت مرة واحدة حد شدنى لاقيتة نفس الولد اللى شوفتة امبارح وكان باين علية انوا متعصب اوى "
- انتى ازاى تخرجى كدا
" انا خوفت منة ورجعت لورا وكنت لسة هجرى راح هو مسكنى "
- انا مش بكلمك
= سيبنى
" لما شاف خوفى بالطريقة دى هدى وسابنى "
- انا اسف بس انتى تقرييا مش من هنا احنا عندنا هنا الستات مش بيخرجوا من البيوت وانتى وقفتى فى الشباك وناديتى كمان وانتى بشعرك ....انتى منين واهلك فين
= مش عارفة  ...انا مش فاكرة اى حاجة غير ان اسمى ملاك وانى مش من الزمن دا صدقنى
" بصلى بستغراب انا عرفت انى مش من الزمن دا انى عارفة الثورة دى ثورة 1919 ثورة سعد زغلول انا تقريبا رجعت بالزمن عشان كدا انا عارفة الأحداث "
- انا مش فاهم اى حاجة بس اللى اقدر اعملهولك انى هسيبك فى البيت هنا لغايت اما تفتكرى اى حاجة عن اهلك واوديكى ليهم وبلاش تبصى من الشباك
= على فكرة الستات هتخرج من البيوت وهيشتركوا معاكم فى الثورة دى
"فضل بصيلى شوية هو تقريبا اتعود على اللى انا بقولة وفكرنى مجنونة مهوا الستات فى الفترة مش بتخرج من البيوت لوحدها  تقوليلوا هتخرج معاكم فى ثورة !"
- انا خارج ياريت تعملى زى ما قولت
"خرج وانا قعدت انا تقريبا رجعت بالزمن بس انا مبسوطة طول عمرى نفسى اعيش مغامرة زى اللى بشوفها فى الافلام او الرويات فقررت انى اعيشها حسيت انى جعانة فقومت ادور على اكل لاقيت فى المطبخ اكل فكلت وقعدت رحت لاقيت الباب بيخبط "
= مين
- انا فارس
= فارس مين
- صاحب البيت دا
" فتحت الباب لاقيت نفس الشاب دخل وكان باين علية انوا حيران "
= مالك
- انتى عرفتى منين ان الستات هتنزل فى الثورة انتى مين
=  بص انا مش من زمنك دا ومعرفش ازاى جيت بس انا عارفة الحاجات اللى هتحصل واكيد فى يوم هرجع زمنى فاخلينى قاعدة عندك لغايت اما ارجع
" فضل باصليلى شوية وساكت
- انا مش عارفة اقولك اية بس انا موافق انك تفضلى هنا
" فعلا قعدت مع فارس وكنت بقولة ديما على اللى هيحصل زى ان الثورة هتنجح وانجلترا هترجع سعد وصحابة"
- الانجليز بيستعملوا اقسى انواع العذاب مع المصريين
= صدقنى ثورتنا هتنجح
- يعنى مصر هتحرر
= هتحرر
"مش قادرة انسى فرحتة لما انجلترا اصدرت قرار برجوع سعد من نفية فى جزيرة مالطة "
- ثورتنا نجحت يا ملاك وهنحرر مصر من الاحتلال
" كنت مبسوطة معاة انا كنت ديما بذاكر ثورة 1919 او كنت بسمع عنها بس اول مرة احس بيها احس باحداثها واحس بالانتصار اننا نجحنا وانتصرنا "
- هو انتوا الزمن بتاعكم شكلوا اية
= ملهوش طعم
- ازاى
= حياة مملة كل واحد عايش لنفسة وبس مش زى هنا كلكم قلبكم على قلب بعض وكلكم مع بعض يمكن فى زمنى التكنولوجيا اتطورت ووسائل الاتصالات اتطورت بس كل شخص اتسجن جواها ومحدش بقى مهتم بغيرة
-تتجوزينى
= اية
- اتجوزينى وعيشى معايا هنا
"كنت لسة هرد على فارس بس لقيت سحابة سوداء على عينى ومحستش بنفسى وسمعت صوت ماما عمالة تنادينى "
_ ملاك قوفى يلا عشان امتحانك
"فتحت عنيا لقيت نفسى فى بيتنا وانا نايمة على الكتاب والكتاب مفتوح على ثورة 1919 يعنى اية كل دا حلم وفارس مجرد حلم "
_ يلا يا ملاك يابنتى عشان امتحانك
" بصيت لماما وسكت المفروض افرح انوا كان حلم بس انا لاء انا عاوزة ارجع تانى عاوزة يبقى حقيقة بس دا مستحيل دا كان حلم مجرد حلم جميل !؛ قومت بسرعة عشان متأخرش على امتحانى لبست ونزلت وانا بجرى بس خبطت من غير قصدى فى حد
= انا اسفة
-انتى كويسة يا هانم
= هانم !
" رفعت عينى لقيتة هو .... فارس فضلت بصالة ومبتسمة انا لاقيتة لاقيت حلمى ومش هسيبة "
=هسألك سؤال لو جاوبت علية هتتجوزنى
- ماش....اية
= تعرف اية عن ثورة 1919
-هو احنا فى امتحان
= رد
- ثورة قام بيها الشعب المصرى ضد الاحتلال البريطانى عشان نفى سعد زغلول
= هتيجى تتقدملى امتى
-اية
= اية
تمت
#فارس_ملاك
#اسراء_ايمن
#كاتبة_المستقبل
اسكريبت صغنون خفيف يارب يعجبكم 💜