احببتُ رجُلاً بلا قلب

البارت الـ١٨

ماتسوون ..

اسكت ما اعاتب واصبر الروح واصبر ع المصايب ..
منكم كاطع الياس تمشون بحجي الناس ...
ضيم المر علي بي غربلتكم ....

رواية احببت رجلاً بلا قلب.....

بقلمي عنود ال فهد.......
..
.
.
.

هدى: يمممهه دخيلك يا ابو الحسن.. منين هلدم

- جاوبتهة بثكل ..من خشمي ..

هدى: شو اكعدي غسلي وبدلي

- خليني جسمي كلة يوجعني

هدى: كومييي يمعودة شكلج يخوف المخدة متروسة دم كومييي

- مابيييه حيل والله مابية اتحرك ماحس بأطرافي ابددد

هدى:شو بلة اكرصج تحسن لو لا

- لج مابية والله عوفيني

هدى: معقولة ماحسيتي من كرصتج

- لا والله

هدى: يمة اسم الله شجاج ولج شوو اكعدي

- سندتني كعدت ... لج هدى ادية منملات احس مثل الابر بيهن ... اباوعلهة وجهة صار اصفر وتباوعلي بنضرة استغراب

هدى: اكعدي هسة اجيج.

- راحت جابت ماي حار واجت ...

هدى: خلي رجليج بي بسرعة

- خليت رجلية... وهية كعدت يم رجلية بدت تدلك بيهن وتغسل بأدية ... وتقرا قرآن ..

هدى: حبيبتي هسة اديج تحسين بيهن

- شوية .. ادية بديت احس بيهن

هدى: دخيلج يا ام البنين اوكفيلي

- هدى .. شسويتي

هدى: شنو شسوييت

- صكر كلج ضمين وتسترين شسويتي

هدى: اني حذفت المحادثة

- رديت بصدمة .. شلون؟

هدى: من طلعتي للحديقة كتلهة ماصدك عنود تحجي وي زلم كالتلي هاج اقري ونطتني المبايل بيدي اني كبل سويت تحديد كامل للمحادثة وحذفتهة ... وماخليت اثر

- كبل بجيت ... كعدت بصفي ولمتني لحضنهة .. وحجت

هدى: لج تعبت بيج كبرتج على ايدي شلون اخليج تنضرين .. اني اثق بيج انتي متسوين شي غلط ..

معقولة اشك بتربيتي وحتلو حاجية مستحيل تغلطين بشي ....لاتشوفيني اغلط عليج وشقانة الثكيل ترة انتي اول طفل الي تعلمت الامومة براسج ههههههه

- ضحكت بتعب هههههه..

هدى: رغم كبر سنج تبقين طفلة بعيني دوم اشوفج هيج والسبب تصرفاتج العفوية وطولج جنج قوطية ببسي

- ضربتهة بخفة ع جتفهة وبجيت ..

هدى: كافي لاتبجين والقرآن الكريم كلبي محترك عليج اجيت اموت من شفت منضر وجهج بي دم ونايمة افكار سوداوية اجت ابالي