"سنموت جميعًا، ورغم علمنا بهذا الوداع المؤكد، لا نزال نؤذي بعضنا بأشد انواع الاذى."
رواية احببت رجلاً بلا قلب.....
بقلمي عنود ال فهد.......
..
.
.
.
فرح : والقران مثلج بس شنسوي لاعتراض ع حكم الله
- يمتة يجون ....
فرح: همة و 4الفجر
- لج ونبي لحد الان ممصدكة انو راح يدفنونة ويجون
فرح بدموع: لا اعتراض ع حكم الله
- امي شصار بيهة وين راحت لاتموت نوب بعد ما اتحمل اخسر احد
فرح: جوة ويمهة ليلى وهدى
- كمت من مكاني لميت المصلاية وحطيتهة ع الكرسي وطلعت رحت لغرفة البيهة النسوان لكيت امي تبجي
وتون وليلى كاعدة يمهة تهدي بيهة كعدت كبالهة وحاولت ما ابجي حجيت والغصة ببلعومي لزمت ايدهة ..... يمة كولي يا الله فدوة لطولج لايصير بيج شي
الام: ولجج اخويييييي راح منييييي راح الجنت اذب حملي علية راحححححح
- كامت تعيط وتبجي والنسوان وياها حسيت كلبي تكطع عليهة كمت ع حيلي طلعت واني ابجي بصوت
عالي وكل دمعة احسهة تحفر خدي من حرارتهة مر الوقت والنسوان عياط وبجي بذيج الليلة عم الهدوء بس صوت النحيب والبجي مسموع بكل غرفة ادخل
الهة كاعدات يبجن محد نام لوجه الصبح كلهة منتضرة الي راحو يدفنون خالي ....... احس روحي احتقنت من الديصير وادعي يارب يطلع حلم وافز منة باوعت يمنة
يسرة شفت فرح لازمة راسهة بثنين اديهة وكاعدة ع الكرسي وتبجي رفعت راسهة باوعتلي اني درت وجهي ومشيت ..... فتحت الباب وطلعت كعدت ب الحديقة
الكدام البيت كلش جبيرة ومتروسة شجر تطل ع الشارع سمعتهة تصيح وراي مجاوبتهة مشيت كبل ...
بس صوت الجلاب وصوت يخوف والدنية ضلمة وهمة منطقة ريفية طلعت وراي فرح تصيح .......
فرح: لجج عنوددد اوكفي موجاي احجي وياج اني اوكفيييييييي
- رديت عليهة بصوت مبحوح هاااا
فرح: لج الدنية ضلمة وانتي طالعة لايعضج جلب ياكلج حيوان الدنية مو امان
- خليني بلكي الله صدك حجيج اني هاي كعدي ما اتحرك
فرح: استغفرالله يربي امري ل الله راح اضل يمج
- طبي جوة
فرح بأبتسامة: شلون اعوف توئمي واطب
- رديت بضحكة باهتة بس اني اكبر منج امج جابتج للدنية وراي بساعة ضلي يمي حتة الذيب الياكلني ياكلج هه
أنت تقرأ
احببتُ رجُلاً بلا قلب
Romanceهي طفلة بريئة رغم كبر سنها وهو قاسي متملك لايعرف معنى الحب 💔........... وتنسج له (الحمقاء) خيوط من وريدها التاجي ولا تعلم انة ذئب نرجسي مغرور لايؤلمه حنين ولايوجعة اشتياق 💔
