احببتُ رجُلاً بلا قلب

البارت الـ٣٨

‏وين انروح ؟
ياروحي وبدينة انشيل ضبة اجروح ..!

- عريان السيد خلف

رواية احببت رجلاً بلا قلب.....

بقلمي عنود ال فهد.......
..
.
.
.
.
.ذياب:فتحي عيونج لاتغمضين بابة باوعيلي فتحيييي

- فتحت وغمضت

ذياب:لكك امشيييي البنية ماتت ....

-اغمض وافتح اريد استجمع قوتي واضل صاحية عيوني احسهن نطن من مكانهن حسيت حرارة صارت

بركبتي وجهي اشتعل نار كتمت النفس وزفرت قوي ذياب لازم ايدي وعيونة حمر يباوعلي بخوف

ذياب: يابو الحسن بشاربك باوعيلي بس باوعيلي لاتغمضين سولفي وياي شوو

- غمضت عيوني احسة يضرب ع خدي خفيف ويحجي

ذياب: وج بوية حاجيني لاتغمضين

- حسيت نفسي وكعت بحفرة غميجة وضلمة زفرت بتعب صحيت ع وخزات بأيدي فتحت بتعب شفت ممرضة تشدلي مغذي ويمهة دكتور يحجي وي صكر وذياب

:- معافاية حبيبتي

- غمضت وفتحت وهمست شكراً التفت ذياب بسرعة اجة كعد يمي

ذياب: بعد جلاي انتي شلون صرتي

- هزيت راسي اجيت اوخر الاوكسجين

صكر: لاتشيلنهة اخذي نفس صار بيج هيج نفسج مامنتضم

ذياب: عزيزتي عندج نقص فيتامينات ليش هيج ماتاكلين حيلج بايد ليش يابة

- كوة حركت اصابعي لزمت ايدة همست ذياب طلعني منا

ذياب: اطلعج والله بس صيري زينة

- مابية شي طلعني

صكر: بوية اسكتي واني اطلعج بس تحسني وبيدي اجيب ورقة خروجج منا بس عيني روحج

سعد: خوية بس ها الاسبوع تحملي تكومين ع حيلج ونطلع منا

- نزلت دمعتي درت وجهي حتة محد يشوفني ابجي حسيت ذياب مد ايدة مسح دموعي وهمس يم اذني

ذياب: معليج بيهم يخربطون باجر اذا وكفتي على حيلج اطلعج

- هزيت راسي دخلت نفس الدكتور انطاني ابرة ب الكانونة

:- ورا ٣ساعات اجي اغيرلج السيروم

ذياب:ليش ٣ساعات

:-نقص حاد عدهة والسيروم يساعدهة تعوض النقص والابر مهدء اعصابهة تعبانة تاخذهم وتسترخي

الاعصاب تأثر ع عضلات القلب اذا تسارعت دقات القلب لاسامح الله صعب تنتضم بسبب الاضطراب العدهة

ذياب: لاسامح الله نشاء الله مبيهة شي بنيتي قوية وباجر ترجع وياي للبيت مو حبيبتي

- ابتسمت بتعب وهزيت راسي ب اي