احببتُ رجُلاً بلا قلب

البارت الـ٢٩

إلك بگليبي بيدر شوگ...
                 وجروح او عتب وايمان
إحبك من گلب  والسان ...

كاظم الرويعي

رواية احببت رجلاً بلا قلب.....

بقلمي عنود ال فهد.......
..
.
.
.

حسن:ذياب نايم ولحد الان مصاحي الدكتور كال اذا تقيئ ينضرب جلطة

-وجلطة هاي شتسوي

حسن:ينشلل

- من كال هيج كبل كعدت ب الكاع حسيت رجلية بعد ماكدر اوكف عليهن من الرعبة دموعي وحدهن نزلن وبجيت بصوت عالي..

حسن:اششششش كافي لاتبجين ادعيلة  يكوم بالسلامة

- حسن ماريد ذياب يروح جيبو وياكم

حسن:والله نجيبة لاتبجين كافي..

- اجاني صوت صكر يحجي بتعب  ..

صكر:عنود بوية

-هااء

صكر: كافي حبيبتي لاتبجين نشالله يكوم ب السلامة

-انشالله بس فدوة لاتخلونة يروح اريدة يرجع وياكممم

صكر:حبيبتي والله يرجع يرجع ويانة لاتبجين امج لاتسمعج  ماريد امي تدري ب الي صار  اذا سئلتج كليلهة مرتفع عندة الضغط وواكع هاهية بنيتي

- تمام

صكر: عفية بناتي

-نهيت المكالمة بس مابية حيل اكوم وادعي مايصير بي شي شفت هدى وريم طلعت من غرفة امي ..

هدى:هاااا ليش كاعدة ب الكاع

- مسحت دموعي ورفعت راسي

هدى:شكوووو ليش تبجين شصاير

- ماباجية خابرت حسنن

هدى:ي وشكلج

ريم:شكوووو

- حسن كال نايم ومايكعدد هدي وريم كعدن بصفي وحجن

هدى:شنو ميكعد احجي عدل لاتخبليني

- الدكتور كال اذا يتقيء ينضرب جلطة واحتمال ينشلل

هدى:سترك ربيي

ريم:عزة بعيني

هدى:لحد تجيب طاري لعمتي ترة البيهة مكفيهة

ريم:تمام

- صكر كال اذا سئلت كلولهة ضغطة مرتفع وكع.. صعدت لغرفتي.. احس روحي مشتعلة بنار ماعرف شنو

الي ديصير بية ..  باوعت المبايل بيدي ٢٢مكالمة من زينب ومامنتبهة.. لان جان صامت

📞📞📞...

- لج زنيبههههه

زينب:لججج هااا مو كلبي راح يوكف

-ذيابب نايم وماكعد حد الان