عيش لوحدك كلها منتظره الرحيل وكلها تصعد لو يناسبها القطار
مظفر النواب
رواية احببت رجلاً بلا قلب.....
بقلمي عنود ال فهد.......
..
.
.
.
- حسيت روحي طلعت بعد متحملت كمت اضرب ع كلبي حيل من الوجع وهفيت الكلاص ب الكاع ريم صاحت امي وهدى اجن يركضن كمت ع حيلي حسيت
روحي نضربت بشي قوي اخر كلمة سمعتهة من امي هية ياعلي احضرهة وغمضت عيونيي ماحسيت بعد
صحيت ع ريحة عطر قوية بخشمي وضربات خفيفة ع
خدي فتحت عيوني بتعب شفت ابوي بس الرؤيا مواضحة عندي
الاب: عزيزتي تسمعيني
- هزيت راسي ونهضت نفسي كعدت سندني هوة
الاب: بنيتي شجاج شبيج كليلي
- ثكل الدنية كلة ع كلبي
الاب:اسم الله على كلبج بنيتي
- طلع مبايلة واتصل
الاب: هلابيك ابني .. تعوف البيدك وتجيني ..اي اي لا استعجل اختك لاتروح من ايدي استعجل هلة بيك الله وياك اصبري عزيزتي هسة يجي اخوج
- كمت ع حيلي مالي خلك هستوني ردت اصعد ماكدرت كعدت ع الدرج ولزمت راسي اباوع لريم عيونهة مدمعة وتبجي
ريم: عنود فدوة لعيوج كومي عيني روحج
- انتي ليش تبجين هااا فهميني ليش تبجين مابية شي كمت ع حيلي احس ثكل ع كلبي وكوة اجر النفس هياتني مابية شي لاتعضمين الامور
ريم: شلون مابيج شي مساع عبالي روحج طلعت
- باوعتلهة بابتسامةحجيت بهمس لو طالعة احسن وجع مينطاق ابد
ريم: شنو
- سلامتج مابية شي وامسحي دموعج منو ميت بعدني عدلة عود من يجفنوني اريدج تبدعين موبس دموع اريد تلطمين لطم مال معزايات هههههههه اااه يابة صكر
ريم: وسم وسم وسم ماريد اكول وجع بكلبج لان البيج كافيج
- تشمتين بية ولج ادبسز
ريم: مامشمتة بس انتي جلبة ليش هيج تحجين
- هههههه ااه ااه كلبي خرب لج ريم امشي خل ابدل كبل لايجي صكر
ريم: ايدج اسندج ذبي ثكلج علية
- دوليي اذب ثكلي عليهة صح مريضة بس ماريد اذب ثكلي ع احد خاف باجر يوكفلي ويكلي وكفتلج من تمرضتي
ريم: عزة بعينج اي والله تفكرين لذاك اليوم ياحقيرة
- ماحب احد يسوي فضل علية لو كان اقرب الناس الي لابد يجي يوم الصديق يصير عدو وهسة بلا تمسلت خل ابدل لان روحي جاي تطلع
أنت تقرأ
احببتُ رجُلاً بلا قلب
Romanceهي طفلة بريئة رغم كبر سنها وهو قاسي متملك لايعرف معنى الحب 💔........... وتنسج له (الحمقاء) خيوط من وريدها التاجي ولا تعلم انة ذئب نرجسي مغرور لايؤلمه حنين ولايوجعة اشتياق 💔
