احببتُ رجُلاً بلا قلب

البارت الـ ١

ولا بيهم دفو لروحي تهت بمعثّرات الشوگ .💔💔.
.
.
.

رواية احببت رجلاً بلا قلب.....

بقلمي عنود ال فهد.......
..
.
.
.
- جنت نايمة فجأة ندفر الباب ..........
:- لجج ما تكوميننن نايمة لضهاري كومييي ولج

- رديت علية بنعاس واني الف روحي ب البطانية : حسن شتريد لخاطر الله شتريد من الصبحح وخر وخر

حسن: امي دزتني كالت كعدهة اليوم يجون خطار خلي تنزل تساعد مرت اخوها

- وخرت البطانية ورفعت راسي بأستغراب منو حيجينة اكو واحد يجي من الصبح

حسن: لج راح يجون اصدقاء صكر ع الغدة

-اهووووو مالي خلك والله مالي خلك تعبانة

حسن: باعي لج اذا متكومين من يجي صكر اكلة عليج

-من سمعت اسم صكر طفرت كتلة انجب كايمة لاتلح

حسن: ماتمشين الة ب العين الحمرة ثول

-دنجب ولي لا اكل لابوي عليك نزل حسن واني كمت من فراشي اباوع لروحي ب المراية واسولف وي نفسي فديت الجماللللل يروحييي محححح شوية وسمعت صوت جوة امي تصيح علية

الام مريم: لججج عنوددد وينججج بعدج نايمةةةة

-يماا جاية والله جاية

الام : ديلا يايمة يلة مرت اخوج وحدهة تشتغل نزلي عاونيهة

-صار يمة نازلة والله لميت شعري بقراصة ونزلت دخلت للمطبخ صباح الخيررر هداوي

هدى: صباح الخيرات هلا يلا تعالي تريكي وساعديني

- ديلا والله جوعانة وهاذة الحقير حسن اني الة وين ولة

هدى: مادري والله طلع كال شوية وراجع وعمتي راحت للسوك

-مممم خوش ديلا كعدي الجهال خل نتريك اني وياهم مالي نفس اكل وحدي

هدى: لج انتي روحي كعديهم اني راح احضر ريوك. ونكمل شغلنة.. قبل لاتجي عمتي

-تمام رايحة رحت لغرفة صكر فتحت الباب شفتهم نايمين ضليت اكرص بخدودهم

يعقوب: عمة عوفينييي

-كوم خل نتريك يلا حبيبي باوعت ل اية تسحب ب البطانية وتغطي راسهة ضحكت وجريتهة من عدهة ولج كوميييي

اية: مااااا يمةة

-وعلي هسة اكتلج اذا مكمتي كومو يلاااا من شافوني عصبت طفرو يباوعولي بزعل وعصبية واني كوة كاتمة الضحكة كتلهم يلا اني رايحة كدامكم للمغسلة اريدكم وراي بسرعة رحت اغسل وهمة اجو يمشون بنعاس

يعقوب: ما الوح اريد اغسلل

-تعالو ثنينكم اني اغسللكم غسلتلهم ورحنة للمطبخ لكيت هدى محضرة ريوك