Unicode
“ကောင်းပြီ.. ကျွန်တော် အမှန်အတိုင်းပြောမယ်.. တကယ်တော့ ခင်ဗျားကို ပွင့်ဖတ်ကိုးလွှာကျောက်စိမ်းကြာပွင့်ပေးတာ တခြားအကြောင်းအရင်းရှိတယ်..”
ရွှယ်ယို့ရှန်းက သူ့ရဲ့အမှားကို ရင်းဆုယဲ့ဆီမှာ ဝန်ခံကတိပေးပြီးတာတောင် လိမ်ညာခဲ့ရတဲ့ အကြောင်းအရင်းကို ပြောပြဖို့ မမေ့ခဲ့ပါဘူး။
“အင်း..?”
ရင်းဆုယဲ့က ရွှယ်ယို့ရှန်းကို ‘ဆက်ပြော’ဆိုတဲ့ အမူအရာမျိုး ပြလိုက်ပြီး စိတ်ရှည်လက်ရှည် ဆက်နားထောင်ခဲ့တယ်။
“ကျွန်တော်တို့နှစ်ယောက်က အခုဆို အတူရှိနေရတော့မှာလေ.. အဲ့တော့ ခင်ဗျားအင်အားကြီးလာရင် ကျွန်တော်လည်း အင်အားကြီးလာတဲ့ သဘောပဲမဟုတ်ဘူးလား..?”
ရင်းဆုယဲ့ ယုံကြည်လာအောင် ပြောနိုင်ဖို့အတွက် ရွှယ်ယို့ရှန်းက အခြေအနေတွေအားလုံးကို အစအဆုံး သုံးသပ်ပြဖို့ ဆုံးဖြတ်လိုက်တယ်။ သခင်-အစေခံစာချုပ်ကို ဖြေရှင်းလို့ မပြီးမချင်း ရင်းဆုယဲ့အနားကနေ ထွက်မသွားပါဘူးလို့ ကတိပေးထားတာကိုလည်း ပြန်သတိရလိုက်တယ်။ စာချုပ်ကို အချိန်တိုအတွင်း ဖြေရှင်းလို့မရနိုင်ဘူးဆိုတာ သိသာနေတာပဲလေ။ အဲ့တော့ သူတို့နှစ်ယောက် အချိန်အကြာကြီး အတူရှိနေရဦးမှာပဲ။
“ပြီးတော့လည်း ပွင့်ဖတ်ကိုးလွှာ ကျောက်စိမ်းကြာပွင့်က သိုင်းစွမ်းအားကိုပဲ အဓိကတိုးမြှင့်ပေးတာ.. ဝိဉာဉ်စွမ်းအားကို သိပ်ပြီး အထောက်အကူမပြုဘူး..”
သူ့ကိုယ်သူ ‘ရှေ့ဖြစ်ဟောသူ’နဲ့ ‘မန္တန်အရှင်သခင်’ ပါလို့ မိတ်ဆက်ထားတာကြောင့် သိုင်းစွမ်းအင်ထက် ဝိဉာဉ်စွမ်းအင်ကို ပိုပြီး လိုအပ်တယ်။ အဲ့တော့ ပွင့်ဖတ်ကိုးလွှာ ကျောက်စိမ်းကြာပန်းကို သူ့အတွက် အသုံးပြုလိုက်ရင် ဖြုန်းတီးလိုက်သလိုပဲ။
“တခြားဟာတွေထက် ကျွန်တော်မှ မတိုက်ခိုက်တတ်တာ.. ကြာပန်းကို စားလိုက်လည်း တိုက်ခိုက်ရေးညံ့တဲ့လူက ချက်ချင်းကြီး တော်လာမှာမဟုတ်ဘူး..”
တကယ့်အကြောင်းအရင်းမှန်က ဒီအချက်ပဲ။ Combat Value 5 လောက်ပဲရှိတဲ့ ရွှယ်ယို့ရှန်းလို အိမ်တွင်းပုန်းလေးက အဆင့်မြင့် တိုက်ခိုက်နိုင်စွမ်းတွေ ဘယ်လိုလုပ်ရှိနိုင်မှာလဲ..? မဟုတ်ရင် ပြန်တိုက်ခိုက်ရမှာတောင် မေ့လျော့နေတဲ့အထိ ဝံပုလွေတွေကို ကြောက်နေခဲ့မှာမဟုတ်ဘူး။ သူ ဝိဉာဉ်ကူးပြောင်းလာခဲ့တဲ့ ဒီခန္ဓာကိုယ်ပိုင်ရှင်မှာ ဘာစွမ်းအားတွေ ရှိနေသလဲဆိုတာတော့ ရွှယ်ယို့ရှန်းလည်း မသိသေးပါဘူး။ အဲ့တာကြောင့် ပွင့်ဖတ်ကိုးလွှာ ကျောက်စိမ်းကြာပန်းသုံးပြီး စွမ်းအားမြှင့်တင်နိုင်ခဲ့ရင်တောင် ဘယ်လိုအသုံးပြုရမှန်း သိမှာမဟုတ်ဘူး။
YOU ARE READING
ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!
Fantasyဝိဉာဥ္ကူးေျပာင္းခဲ့ၿပီးေနာက္ ေသာက္တလြဲေတြ ျဖစ္ကုန္ၿပီ..! ... သူလုပ်ခဲ့မိသမျှထဲက အဆိုးဆုံးတစ်ခုကို ပြောပါဆိုရင် -'ရာဇဝင်ထဲက အင်အားအကြီးဆုံးအရှင်' ဆိုတဲ့ဝတ္ထုကို ရေးခဲ့မိတာပဲ... သူ့ဆီမှာ ဖြစ်ပျက်သမျှတွေထဲက ကံအဆိုးဆိုးတစ်ခုကို ပြောပါဆိုရင်တော့ -သူရေးခဲ...