🌼Fragile Kim🌼 CoMpLeTeD

🌼 5

[Unicode]

ထိုလူ တောင်းဆိုမှု အရ စတွဲဖြစ်ခဲ့သော ရက် မှ စ၍ သူသည် Company ရှေ့တွင် သွားရောက် စောင့်ဆိုင်းခြင်း မပြုတော့ပါ ညနေခင်းတိုင်း ဟန်မြစ်ကမ်း တွင် ထိုလူ့ အလာ ကို စောင့်ရသည် ထိုလူ ဟန်မြစ်ကမ်း သို့ ရောက်လာသည့်အချိန်တွင် မြက်ခင်းပြင်ပေါ် အတူတူ ထိုင်ပြီး နေဝင်ချိန် ကို ကြည့်သည် နေလုံးကြီးပျောက်ကွယ်သွားလျှင် မြို့အနှံ သူ နဲ့ အတူ ဆိုင်ကယ် လိုက်စီးသည့် ထိုလူ သည် သူ့ခါးအား ဖက်တွယ်ထားတတ်သည် တံတားပေါ်ရောက်လျှင် ခဏရပ်ကာ လေညင်းခံရင်း သူ သည် ထိုလူ့ ၏ ရစ်မူးဖွယ် နှုတ်ခမ်းများအား စားသုံးသည် ရစ်တွယ်ထားသော သူ့လက်မောင်းတစ်ဖက်ကြားရှိ ခါး သည် အနည်းငယ်သိမ်သည် နောက်လက်တစ်ဖက်ဖြင့် ထိုလူ့ခေါင်း ကို ထိန်းကိုင်ရင်း နက်နက်ရှိုင်းရှိုင်း ပုံဖော်‌နေမိသော အနမ်းသည် ရှည်ကြာသည် သူ၏ အနမ်းများအား ဘယ်သောအခါမှ ပြန်လည်တုံ့ပြန်ခြင်း မရှိသည့်တိုင်အောင် ချိုမြိန်ခြင်း တို့ မွှန်းထုံသည်
ထိုလူ၏ နှုတ်ခမ်းများ အနည်းငယ်ထူအမ်းလာချိန်တွင် အနမ်းတို့အား ရပ်တန့်လိုက်ပြီး ခန့်မှန်းရခက်သော မျက်ဝန်းသေ တို့ထံ စိုက်ကြည့်မိသည် သူ နမ်းလိုက်ချိန် ပိတ်ကျသွားတတ်သော မျက်ဝန်းသေ တို့ကိုလည်း သဘောကျလာတတ်ပြီ

အနီးကပ်ကြည့်မှ မြင်ရသော ညာဘက်မျက်ခမ်းစပ်အောက်ရှိ မှဲ့နက်လေး တစ်လုံး နှာခေါင်းလုံးလုံး‌လေး ထိပ်ရှိ မှဲ့နက်လေး တစ်လုံး ဘယ်ဘက်ပါးပြင်ပေါ်ရှိ မှဲ့လေးတစ်လုံး တခြားသူအတွက် အစက်အပြောက် တို့သည် ထို့လူ့ မျက်နှာ‌ချောချော ပေါ်တွင် မြတ်နိုးစရာ အမှတ်အသားများ အဖြစ် ဖြစ်တည်သည် ရှည်ကြာသော အနမ်းတို့၏ အဆုံးသတ်တွင် သူ စွဲမက်စွာ နေ့စဉ် နမ်းသော အမှတ်အသား တို့လည်း ဖြစ်သည်

သူ့စိတ်ကြိုက် နှုတ်ခမ်းချိုတို့အား စားသုံးပြီးလျှင်တော့ ထိုလူ နှင့် သူ သည် ဆိုင်ကယ် နှင့်အတူ အချိန်တစ်ခုကြာ ဆက်လက် လေလွင့်ဖြစ်ပြီး ဟန်မြစ်ကမ်းတွင် ပြန်လည်အဆုံးသတ်သည် ပြီးလျှင်တော့ ထိုလူသည် အဆင်သင့်စောင့်နေသော ကားပေါ်သို့ တက်ကာ ပြန်သည် သူ နှင့် ထိုလူ၏ တွေ့ဆုံခြင်း သည် နေ့ရက်တိုင်း ၏ နှုတ်ဆိတ်သောညနေခင်းများသာ ဖြစ်ပြီး တခါတရံသော ညနေခင်းမျိုးတွင်သာ စကားပြောလေ့ရှိသည်
ထိုလူ့ အတွက် သူ ၏ ဖြစ်တည်မှု သည် ဘယ်လိုအဓိပ္ပါယ်မျိုးလဲ ဟု တခါတရံ တွေးမိသော်လည်း ဂျစ်ပစီတစ်ယောက် ၏ သက်ရောက်နိုင်စွမ်း ကိုတော့ သူ အများကြီး မမျှော်လင့်မိပါ
မျှော်လင့်ချက် နည်းနည်းထားလေ ထိုလူ နှင့် သူ အတူတူရှိနိုင်ရန်အချိန်သည် ပိုကြာနိုင်လေဖြစ်သည် ဤသည်မှာ အစကတည်းက သူ နှင့် ထိုလူကြား ရှိ ပြောင်းပြန်အချိုးသက်ရောက်မှု တစ်ခု ဖြစ်သည်