နတ်သားငယ်၏ငိုကြွေးနေသောပုံရိပ်ကြောင့် အကုန်လုံးက ရပ်တန့်ကာ ကြည့်နေကြသည် ။ဝရန်တာကခုန်ချလိုက်ကတည်းက နတ်ဆိုးမြူငွေ့တို့ကကျန်ခဲ့ပြီး ရွှေရောင်အနားသတ်ပါအဖြူရောင်တို့နှင့် နတ်သားငယ််အသွင်ပေါ်လာခြင်းကြောင့်လဲ ဖြစ်ပေလိမ့်မည် ။
အိမ်ရှေ့စံ Joe Offin ကတော့ထိုနေရာမှာပဲ ဒူးထောက်လျက် အသက်မဲ့နေပါသောကျောက်စိုင်တခုလို ရပ်တန့်နေသည်။ နောက်မှရောက်ရှိလာပေါသော Han Bang Sin နှင့် စစ်သူကြီး Frank Huntinတို့လဲ ဘာမှတတ်နိုင်ခြင်းမရှိပါတော့ချေ ။
အရှင်နှင့်အရှင်မကလဲ ဝမ်းနည်းမှုကြောင့် ခေါင်းပင်မဖော်လာပါတော့ချေ ။
ထိုငိုကြွေးနေပါသော ပုံရိပ်လေးသည် တစုံတခု၏ တားဆီးမှုကို ခံရကာ ကြေးမုံပြင်ပေါ်မှ ပျောက်ကွယ်သွားတော့သည်။
ထိုအချိန်တွင် ယိုင်နဲ့စွာထရပ်လာပါသော အိမ်ရှေ့စံသည် ထူးခြားစွာ ရွှေရောင်မျက်ဝန်းတို့က အနီရောင်ပြောင်းလဲနေခဲ့သည် ။
" Gloria!!!! မင်းကြောင့်.....မင်းကြောင့် Honey ငါ့ဆီကထွက်သွားရတာ !!! အရင်ဘဝတုန်းကလဲ မင်းကြောင့် !!! အခုလဲမင်းကြောင့် မင်းမတော်နိုင်သေးဘူးလား !!! "
ကျယ်လောင်စွာအော်ဟစ်သံသည် လေနီကြမ်းတိုက်သကဲ့သို့ လူတိုင်း၏နားထဲကြမ်းရှစွာဝင်ရောက်လာသည် ။ Gloria လဲ မည်သို့မည်ပုံရှင်းပြရမှန်းမသိပါချေ။
ခေါင်းတခါခါ လက်တခါခါလုပ်နေရင်းနှင့် စကားသံတို့က ပျောက်ဆုံးနေသည် ။
" ရဲမက်တွေ အဲ့မိန်းမကို မြေအောက်အကျဉ်းထောင်ထဲ ထည့်လိုက်ကြစမ်း !!!! "
" မ... မလုပ်ပါနဲ့ အိမ်ရှေ့စံရယ်... ဒီအမတ်အိုကြီးက တောင်းဆိုတာပါ "
တုန်ရီသောအသံသည် လှိုက်မောဖွယ်ကောင်းနေသည် ။ မြေအောက်အကျဉ်းထောင် ဟူသည် သစ္စာဖောက်များနှင့် အပြစ်ဒဏ်ကြီးမားသူတို့အား သီးသန့် စီရင်နှိပ်စက်ရာ နေရာဖြစ်သောကြောင့် ဝန်ကြီးချုပ်သည် သမီးငယ်အစား ကြောက်ရွံ့စွာတောင်းပန်နေသည် ။
" ဝန်ကြီးချုပ်က ကျုပ်တို့တော်ဝင်မိသားစုကို သစ္စာရှိရှိတာဝန်းထမ်းခဲ့တာကြောင့် ပြစ်ဒဏ်မချချင်ဘူး ဝန်ကြီးချုပ်.....။
ခင်ဗျားရဲ့ သမီးကတော့ တော်ဝင်မိသားစုဝင်ဖြစ်တဲ့ ကြင်ယာတော်ကို စွပ်စွဲပြောဆိမှုကြောင့် ပြစ်ဒဏ်ချရလိမ့်မယ် ။
အပြစ်ဒဏ်ထပ်မတိုးစေချင်ရင် ခင်ဗျားပါးစပ်ကိုပိတ်လိုက်တာ ပိုကောင်းမယ် ဟက်"
YOU ARE READING
꧁ℝ𝔼𝔹𝕀ℝ𝕋ℍ 𝕀ℕ 𝔸 𝔽𝔸𝕀ℝ𝕐𝕋𝔸𝕃𝔼꧂ «♡Complete♡»
RomanceIf you rebirth in a FairyTale that full of hates, what will you do ? A fairy full of hate... A prince full of regret... Which way they will choose ? ꧁L.O.V.E ( or ) R.E.V.E.N.G.E꧂ #Not Translation #Not Normal ∆ My Own Creation ∆ BL & Bromance Publ...
