∞............« ♪٭★٭♪»...........∞
يوم جديد ونهار جديد
فتحت عائشة عيونها ببطئ .. وشوي شوي بلش الرؤية توضح لتشوف مروان رافع راسه ومادد ذراعه على جانبو وساند حالوا على راحة ايده وعم يراقبها بكل حب
مروان : صباح الخير
عائشة بنص نعسها :صباح الخير
مروان بابتسامته : ما حسيتي بغيابي وانا بالشغل برات الضيعة
عائشة وهي عم تحاول تقوم من الفرشة : ما غبت غير اسبوع ما لحقت حس .. وانت بتعرف شغلي لفوق راسي بالقصر
هز مروان براسه وسحبها من ذراعها لترجع على نفس وضعية نومها وقرب منها ليبوّسها بس عائشة تحججت وبلشت تتهرب منو وطلعت من الغرفة واتجهت عالحمام
دخلت وسكرت الباب وسندت ضهرها عالباب وحطت ايديها على تمها وبلشت تبكي بوجع ...
بالغرفة كان مروان بعدو بنفس الوضعية يلي تركته عائشة ..
اخد نفس وزفره بكل ضيق وندم وهو عم يهمس : اخ يا عائشة اخ مارح تسامحيني ابداً
اجت ذكرى مؤلمة وموجعة قدام مروان وغمض عيونه ليرجع 18 سنة لورى
🎬| ... : بترجاااك مروان بعد عني .. ببوس ايدك اتركني .. لا تلمسني ببوس ايدك .. ببوس ايدك بكفي بترجاك يا مروان ..
و صرخت بأعلى صوتها : اياااااات |🎬
رجعه عالواقع صوت ايفار هي وعم تركض لتزت حالها على ابوها وتسرق بوسة ومروان بدوره بيغمرها بحضنه
مروان : يا عيون ابوكي لك ايمت هيك كبرتي لك يابي
ايفار بغنج : من لما بطلت تاخدني معك لوين ما رحت
مروان : هههه يا روحي الله يطول بعمري لشوفك عروس
ايفار : الله لا يحرمني منك يا بابا ويطول بعمرك ويخليك فوق راسنا يا عيوني وتاج راسي
مروان وهو بغمرها بحضنه وببوسها من راسها : يا روح ابوكي انتي ...
∞............« ♪٭★٭♪»...........∞
بقصر كمال آغا كانت بعدها نايمة لما فجأة اجت امها ونترت حرام عنها وبلشت تفيقها
ديالة : يلا قومي يا بنت لايمت بدك تضلي نايمة
اروى بنعس : امم اتركوني نااام
ديالة : يلا قومي تصحصحي بعد ساعة بدنا نطلع مع بيت الآغا عالسوق لنشتري الدهب وغراض
كزت اروى على اسنانها فجأة ورفعت راسها وحكت : ماااني رايحة .. روحي انتي وزوجك اشتروا يلي بدكم ياه .. انا ما دخلني بشي .. مو عملتوا يلي بدكم ياه .. روحوا كملوا شي يلي بلشتوه لحالكن
ديالة : بلشتي تخبصي ؟!!
اروى : ما انا كلشي بحياتي تخبيص بتخبيص .. ليششش برأيييك؟؟ لانو حياتي بين ايديكم وعم تمشوها كيف ما بدكم
سكتت شوي ورجعت كملت : انا ماااارح روووح لأي مكان لا تطلعي فيني هيك .. ويكون بعلمك هاد المجنون مارح اتزوجوا واذا ما انفسخ هالخطبة رح اقتل حالي وريح الكل مني
نفخت ديالة وحكت بنفاذ الصبر : مارح عذب حالي معك رح اسألك لاخر مرة .. بدك تقومي ولا لااء ؟
أنت تقرأ
قصة العشائرية
Mistério / Suspenseبمجرد قلنا قصتنا هي قصة عشائرية لازم نفهم من هالكلمتين انو قدامنا كلمات بتعبر عن روايتنا ويلي هنن " الانتقام .. التار ..الحب .. الدم .. الفقد .. العذاب " 💔
