قصة العشائرية

جزء التاسع

كان مهفان عم يزبط كرفتة العريس " يلي قالب خلقته " وعلي يلي كان قاعد وساكت على غير عادته

مهفان : شبك انت التاني قالب خلقتك 
علي : ماني رايقتلك ..
مهفان : اهاا ..
علي : انا طالع ...
مهفان : اي تعااال تعال انا يلي طالع انت خليك عم تحرس هالبني آدم  هلق ما بتلاقيه غير علق مشنقته بنص الغرفة

طلع مهفان من غرفة عماد ونزل عالدرج بكامل اناقته .. طقم رسمي اسود وتحته قميص ابيض مع بابيون اسود وساعة فضية مع رشة عطر رجولي

لفت انتباه كل صبايا يلي بلشوا يتهامسوا
وهو نازل بكل اكابرية مو عاطي اي اهمية لحدا فيهن

وصل قدام بابا القصر وبدو يطلع طلعت ايفار بوجهه .. وقف وبلشوا يتبادلوا نظرات

بلعت ايفار ريقها بس شافته قدامها

مهفان : اوووووو شرفت ايفار خاانوم .. لك انا كيف نسيتك كل هالوقت
تحركت ايفار من قدامه من دون ما ترد وحاولت تدخل عالقصر من جنبه
بس مهفان وقف قدامها وسكر الطريق بوجها وحكا : لما كون عم احكي معك بتسمعي وبتردي
ايفار : رد على شو ؟؟ على انو كيف نسيتني !! .. اذا بتريد بعد .. بدي احكي مع امي كلمتين وطالعة
مهفان : وشو هالكلمتين
ايفار : ما دخلك
مهفان : اممم شي حلو .. لكن انداري وارجعي لمطرح ما اجيتي
اخدت نفس وردت : مهفان بعد اذا بتريد 
مهفان : يلا لشوف احكي هالكلمتين يلي جاية مشانو لهون
ايفار : ماني مضطرة احكيلك شي
مهفان : لكن مافي فوتة لجوا
ايفار : مفكر اذا قطعت طريقي ماعد فيني احصل على شي يلي بدي ياه
مهفان : هه جربي

اخدت ايفار نفس وصرخت بأعلى صوتها : اميييييي .. امييييي

كانت عائشة مشغولة ويادوب تسمع اصوات صبايا يلي عم يساعدوها بالمطبخ

مهفان : شوو .. ليش امك ما ردت

ايفار : اختي مرتفعة درجة حرارتها كتير

مهفان ببرودة : ايييي؟  امك دكتورة شي ؟!
ضغطت ايفار على اسنانها وردت بغضب : وانت شو دخلك بعد من وجهي خليني ادخل

مهفان : دخلة عالقصر مافي .. وهلق بتحملي حالك وبتنقلعي من هون
ايفار : لك انت شو نوعك من البشر .. عم قلك اختي مرتفعة درجة حرارتها كتيرر .. يعني ممكن
سكتت ايفار ودمعت عيونها وبلش شفايفها يرجف وهي عم تنطق : ممكن تموت .. بترجاك خليني ادخل ما رح طول والله ما رح طول

بقي مهفان صافن فيها ببرودة

بهالوقت وصل سيارة كمال آغا .. تقدم مهفان ليستقبل كمال بينما ايفار استغلت الفرصة ودخلت عالقصر بوجها للمطبخ بسرعة
اول ما دخلت اتفاجئت عائشة فيها وتركت كلشي بإيدها وراحت لعندها
عائشة : بنتي ايفار شو عم تعملي هوون
ايفار : امي مشان الله الحقيني لين مرتفعة حرارتها وشو ما عملت ما عم تنخفض
عائشة : ولي على آمتك يا عائشة
انتبهت سناء على عائشة وايفار وتقدمت وحكت : خير عائشة في شي
عائشة : بنتي الصغيرة يا خانوم .. مرتفعة درجة حرارتها
سناء : اي معناها روحي 
عائشة : بس....
قاطعتها سناء : يلا شو ناطرة .. اساساً ما ضل شغل كتير هون .. نحنا مندبر حالنا