قصة العشائرية

جزء الثاني عشر

∞............« ♪٭★٭♪»...........∞

المسا وبقصر مصطفى آغا كانت عائشة ساندة راسها على الباب ووراها مروان ماسك ب لين

كانت عم تبكي بحرقة : آآآآخ يا أمي آخ .. آآآخ يا روح امكن كيف ماقدرت احميكن ..اوووف اووف اووف

∞............« ♪٭★٭♪»...........∞

كانت سناء شفقانه على حال هالبنات ..كانت بتعرف انو ما الهن ذنب بفعل اخوهن هاد
اتوجهت للمطبخ وحملت شويت اكل ومي واتجهت للزريبة

بس بطريقها استوقفها صووت .. صوت عالي : سناااء

اندارت سناء لتلاقي مصطفى آغا بوجهها وعم يطلع فيها بكل غضب : انا ما قلت ما بتطعموهن ولا بتشربوهن شي ؟!!! يلا لشووف رجعي يلي بإيدك لمكان ما جبتيه

سناء : بس يا آغا ....

قاطعها مصطفى آغا : شوووو ماااسمعتي شو قلتلككك

هزت سناء راسها بخيبة ورجعت الأطباق للمطبخ وقلبا محروق على سارة وايفار

∞............« ♪٭★٭♪»...........∞

بالزريبة ...

كانوا عم يبكوا وناطرين يرجع يطلع صوت امهن وابوهن يطمنهن انهن ما راحوا لمكان .. مارح يتركوهن

رفعت سارة راسها وأشرت لإيفار بإيديها على تمها

ما فهمت ايفار
رجعت سارة اشرتلها ..
كمان ما فهمت ايفار

زمت سارة شفايفها بقهر ونزلت راسها وبلشت تبكي بوجع ..
ايفار وهي عم تبكي وتمسك بوجها لسارة : اختي والله ما فهمت عليكي .. لا تحرقيلي قلبي هيك الله يخليكي .. عم تخنقيني والله عم تخنقيني

رجعت اشرت بين دموعها هالاشارة "🤙 " على تمها

ابتسمت ايفار بقلب دموعها : اي اختي فهمت.. انتي عطشانه صح ؟!

هزت سارة راسها بالايجاب

فجأة تغير ملامح ايفار بس تذكرت كلام مصطفى آغا "بتحطوهن بزريبة ومي ما بتشربوهن "...."انا ما قلت ما بتطعموهن ولا بتشربوهن شي ؟!!! يلا لشووف رجعي يلي بإيدك لمكان ما جبتيه "

كانت بتعرف حتى لو صارت تضرب عالباب وتطلب المي مارح يجيبولها

اخدت ايفار سارة على حضنها وبلش ينزلو دموعها

ماكانوا حاطين شي على تمهم من يومين كاملين ..

بعد دقائق وفجأة في كيس انزت من فوق .. من برا الزريبة

انصدمت سارة وايفار وهنن عم يطلعوا بالكيس ..

اتجهت ايفار عالكيس وفتحته ..

كان فيها قنينة مي وسندويشتين ...

اطلعت ايفار فيهن وبكيت بحرقة .. اخدت الكيس وقربت من سارة وفتحت قنينة المي وعطتها