يراودني حبك الجزء الثاني بقلم(سُكر)

الحلقه العاشره ♥️

بدأ اسبوع جديد على ابطال روايتي مليئ بالأحداث والمغامرات..
...
دخل جهاز المخابرات :
أدهم.. محمد.. محمود.. احمد.. سيف باشا..
هتعملو اي
يا باشا انا هاهجم مش هستني
وانت لما تهجم مين ال هيبقى معاك
أدهم باشا انا اجيبهم ف شوال واجي
يا سلام يا محمد مش في خناقه ف الشارع احنا
وانا مقولتش اننا في خناقه
محمد أدهم مش عايزين خناق
انا عندي حل يا سيف باشا
اتفضل يا احمد
احنا نحضر وقت التسليم
مينفعش
معلش يا أدهم بيه انا اسف بس مين حضرتك
تاني
انا أدهم الشبح
ياني مااحنا عارفين.. بتعترض لي
مش يعترض انا اكبر منكم اكيد فاهم.. ولا اي يا محمود
ااه طبعا طبعا ياادهم باشا
والله في اي يا محمود
ولا حاجه يا محمد بيه
تمام على العموم انا هاهجم
وانا هحضر التسليم
وانت يا محمود
والله شوفو وانا معاكم
وانت معاهم فين يا محمود
وانا مع أي قرار صح
وانت مالكش قرار
انا اصلا شايف ان الموضوع صعب والوقت كله ضدنا وخطر علينا
كلام موزون جدا
يعني انت يا أدهم بيه شايف اننا منحضرش ولا نهجم وشايف اننا نقعد وخطر
ايوه يا احمد
ايوه اي
حضرتك يا سيف باشا ساكت لي
مستني اشوف عيالي ال مربيهم وهما بيقررو وبيتخانقو
يا باشا احنا مش بتتخانق احنا بنوصل لقرار
فين القرار ده
طب قول انت يا باشا
الخطه هتتنفذ كالتالي
محمد وبدون عصبيه وبدون تعدي في القرارات
نعم يا فندم
انت هتمشي على خطه 202
لي يا فندم
هو كده بدون نقاش
بس ده مش مكاني انا كده مش همسك سلاح اصلا
وهو ده ال انا عايزه
لا يا فندم اعتذر انا مش موافق
ماهو انت لو موافقتش مش هتبقى فيها
أدهم بيه انت مين طلب رايك
محمد يا حبيبي انا بعد سيف بيه ع طَول
وانا بكلم سيف باشا مش بكلمك
يا ولااااد كفايه بقي
اسف يا فندم كمل
انت يا محمد في 202مش هتتحرك الا للضروره..
اما انت يا احمد هتفضل مع الهدف لحد ما يسلمو كل حاجه
تمام يا فندم
اما انت يا محمود هتفضل مع العربيه وتتحرك ثانيه بثانيه
تمام يا فندم
بكرر تاني محمد 202 خالي من السلاح واذا احتاج سلاح في الهجوم يبقى من محمود
تمام يا فندم
احمد بتهكم... الا أدهم بيه مش موجود لي
ههههه لا يا حبيبي دي الف به عمليات انا للحاجه التقيله
والله
اه والله
ماشي يا باشا
لا لا أدهم بيه
اكتفي احمد بالنظر له
عن اذنك يا فندم
اتفضلو
خف شويه يا أدهم
يافندم دول بيدلعو
انا مش عايز حد يكرهك
وانت لما كنت بتعمل معانا كده كرهناك
لا معلش الوضع يختلف
يختلف ف اي يا فندم
عشان دول معايا من صغرهم ولسه موصلوش لسنك اني اخليهم يتعاملو بقسوه غير كده انت كنت معاك حق انك تقتل بدم بارد وواخد اكبر سلاح.. لولا الموضوع الاخير ده انت كان زمانهم اغتلوك دلوقتي
خير يا فندم ان شاء الله
ان شاء الله
انا هقوم انا اتابعهم
يلا ربنا معاك ومعاهم
يارب يا فندم عن اذنك
اتفضل..
***********************************
عند الاء
اخدت تقرير انها مسؤله عن حالته واي حاجه تحصل
المستشفى اخلت مسؤليتها تماما
وصلت هي ومصطفى الشقه ومجرد مصطفي ما دخل حس بخنقه فجأه وبدأت الدنيا تسود في عينه والأعراض دي الاء كانت فهماها كويس جدا
الاء
نعم
احنا فين
في بيتنا ي حبييي
احنا جينا هنا قبل كده
ايوه.. احنا عيشنا هنا أجمل أيام حياتنا
ازاي انا كل ال شايفه خناق وعياط
..
للأسف كل ال افتكره مصطفى اخر يوم ليه ف البيت
...
عادي يا حبيبي اي بيت بيكون فيه مشاكل واحنا كنا بنعدي وعدينا وانت جنبي
..
مصطفى م سامعها اصلا كل تركيزه في الحاجات ال شايفها
دخل جوه وفضل يبص ف كل حته لحد ما وصل لاوضه النوم دخل تلقائي هناك وابتدي يرزع ف كل حاجه والاء كانت مرعوبه هي عارفه عواقب ال هي عملته بس كانت لازم تتحمل...
...