يراودني حبك الجزء الثاني بقلم(سُكر)

الحلقه الخامسه والعشرون ♥️

عارف انت الحظ بعينه
كان وشك حلو عليا
كل ال الناس شايفينه
ميجيش واحد ف الميه
من ال انا لسه مقولتوش
عمرو دياب♥️
..
عند محمد..
وحشتيني
محمد محمد حبيبي (وذهبت مسرعه داخل احضانه امانها ودارها واحتوائها)
وحشتيني اوي ي ميرنا
ميرنا ببكاء.. وانت كمان وحشتني وحشتني ي محمد ارجوك متبعدش عني تاني انا من غيرك ولا حاجه
بس بس بتعيطي لي بس ف اي انا موجود اهه معاكي
متسبنيش تاني ي محمد حرام عليك
انا اسف ي حببتي غصب عني انا اسف كفايه عياط بقي ف واحده حلوه كده وعيد ميلادها النهارده تعيط
ميرنا وهي تمسح دموعها:كنت خايفه احضره لوحدي
عيب عليكي مينفعش اول عيد ميلاد ليكي عندي ومنحتفلش سوي
طب مقولتش انك جاي لي
عشان اي
كنت اجهز وابقي حلوه واعجبك
محمد بابتسامه وهو يتأمل ملامحها:المشكله انك جميله ف كل أوقاتك
...
عارفه ي ميرنا من زمان ايام م كنت اشوفك الكل كان يقول بتاعه مشاكل لسانها طويل مش بتحافظ ع علاقتها بحد بس انا كان دايما نظرتي مختلفه عنهم
ازاي  بقي
كنت دايما حاسس انك راسمه لنفسك شكل تعيشي عليه بتحمي نفسك وشخصيتك دايما تبيني انك قويه ومش فارق معاكي حاجه ورافضه المشاعر كلها لحد م حبيتك 
وطلعت اي؟
طلعتي اضعف من الصوره الل انتي موصلاها للناس بتحمي نفسك..
وضعت ميرنا يدها ع فمه:هشش هكمل انا كنت عامله نفسه قويه وانا اضعف من كل ده لحد م شوفتك رميت كل حمولي عليك عملت ميرنا جديده ميرنا حابه الحياه ميرنا مش عايزه تحكم ع الناس من غير م تتعامل معاهم حاولت تصلح حاجات انت مبوظتهاش حولت تكون ليا سكن وضهر وأهل وناس عملت بابا واخويا وحبيبي وصحبي عملت كل ال كان نفسي فيه انا فيك بتحامي من نفسي انا بيك نسيت القسوه كلها انت زرعت حنيه ي محمد وكان لازم تحصد كل ده انا اتغيرت بسببك عشانك انت اكشتفت فيا كل شي جميل انا بحبك اوي..
اي الحلاوه دي اسافر ع طول بقي ع اسمع الكلام الجميل ده
لا متقولش كده حرام عليك
بهزر ي روحي ربنا م يحرمني منك
يارب ي حبيبي
يلا بقي ع عايزين نحتفل
طب انا مش جاهزه
مش جاهزه اي بس ادخلي جوه كده هتلاقي الفستان بتاعك البسيه وانا مستني اميرتي ف البلكونه
بجد
اه والله يلا بسرعه انا منمتش بقالي اسبوع ف يلا
ثواني ي حبيبي واكون جاهزه
يلا ي روحي
ذهبت ميرنا مسرعه ودخلت للغرفه ونظرت للفستان كان غايه ف الجمال ابتسمت ميرنا ابتسامه بلهاء من جماله وحمدت ربها في قلبها ع وجود محمد في حياتها
ودخلت الي المرحاض استعادت هيئتها لتصبح أجمل فتاه ف العالم
اما محمد كان يستعد للقاء يجمع بينه وبين زوجته بعد تعب وما مرو به سويا كان يستعد وهو يحاول ان يعوضها لو جزء بسيط مما تستحقه..
خرجت الاميره وارتدت فستانها الذي زادها جمال فوق جمالها سبحان الخالق فهي ف كل مره جميله ولا يشبهها احد ذهبت له بعد ما وضعت بعض اللمسات الخفيفه من مساحيق التجميل و شعرها المنسدل علي ظهرها ف هو ما يزيدها جمال..
محمد
استدار محمد لها ويا ليته لم يفعل
..
محمد
...
انت متنح كده لي
..
اقتربت ميرنا له ف هي تأكدت ان مفعول سحرها قد ابتدي
وكان محمد ف انتظارها
ساكت لي،
كل مره بشوفك كأن اول مره اشوفك فيها وانبهر، م جمالك
يعني شكلي حلو
كالعاده ي اميرتي
للحظه نظرت ميرنا حولها
محماااااد الله انت عملت كل ده شموع وكيكتي المفضله وعلبه صغننه وانا لابسه دريس احمر وانت لابس طقم اسود الله ده ال كان نفسي فيه بالظبط اي الجمال ده
انتي تستاهلي اكتر م كده ي روحي غمضي عنيكي
واغمضت مسرعه وقبلها ثم اخذ العلبه من على الطاوله وفتحها
ميل خصل شعرها جانبا التي كان يتنفسها عشقا ووضع لها العقد الذي كان باخره فراشه وحرف الm وقبلها من رقبتها وهمس ف اذنها
فتحي عنيكي ي روح قلبي
ونظرت للفراشه بحب وهيام كالطفله الصغيره.
اي ده ي محمد دي تحفه اوي جميله خالص الله فراشه
هههه انتي فرحتي
اوي اوي ي حسن
محمد بغضب حسن مين
بهزر ي باشا ده افيه يعني شكلك نرم ولا اي
اي نرم دي كمان
لا بقولك اي لازم تبقي ميم لورد اد الدنيا كده عشان نكمل سوي
والله؟
اه والله
تمام انا هشيل الليله دي كلها واقعدي م نفسك بقي
لا خلاص خلاص بنهزر معاك
ماشي  ي اختي اقعدي دايما كده بتبوظي اللحظات
انا ي محما انا
محماااا؟اسكتي بجد اسكتي
طيب
يلا ع الكيكه ساحت
يلا ي اغلي م ليا
....
عند احمد
وحشتيني اوي ي ماما
وانت كمان ي حبيبي
عامله اي
كويسه طول م انتو كويسين
صحيح الواد اسلام عامل اي مسالش عليا م يوم م سافرت
معلش اعذره ده كان زعلان خالص
احمد باستغراب لي؟
مراته كانت غضبانه
بتهزري هما لحقو اصلا
اه والله زي ما بقولك كلمه منه ع كلمه منها سابت البيت ومشيت
طب وهي فين دلوقتي
معاه ف الاوضة
ماشي انا هبقي اتكلم معاه
تتكلم معاه ف اي
ف ال حصل ده مهما كان اي حصل مراته متسبش البيت كده غلط ومينفعش احنا واخدينها امانه من بيت أهلها ع نحافظ عليها مش تمشي زعلانه وغضبانه
ماشي بس متشدش عليه
لسه زي م انتي بتخافي عليه
بخاف عليكم انتو الاتنين
لا لا دايما عندك حته كده بتاعه اسلام بس
ي واد ي أحمد انت بتغير
مش بغير ي امي التمييز ال بتعملوه واحنا صغيرين للأسف بيفضل جوانا وبنفضل فاكرينه طول عمرنا وعندنا عقده منه وكمان اوقات بنحس انكم مش بتحبونا اصلل يعني ال انتو بتميزوه ده بيكون احسن مننا ف اي
هو ف ام ي ابني متبحش عيالها
انا مقولتش مش بتحب عيالها
انا بقول بتميز ف الحب بين اتنين والمعامله والاهتمام
ي ابني حقك عليا بس والله بحبكم زي بعض
ربنا يخليكي لينا انا هسيبك بقي عشان الحق انام
مش هتنام ف حضني
احمد حس بخنقه.. لا معلش سبيني ع راحتي
ال تشوفه ي ابني
ماشي ي حببتي تصبحي ع خير
وانت م اهل الخير
وأغلق احمد الباب وهو يلوم نفسه.. مكنش لازم اقولها كده هي اصلا م فاكره حاجه وإسلام كان صغير اصلا يعني كان طبيعي الاهتمام ده غبي ي أحمد غبي
قطع صوت أفكاره الهاتف وكان المتصل أدهم رفع احدي حاجبيه
خير يارب بيتصل لي ده احنا الساعه ٣ الفجر هرد وأمري الي الله..
الو
ايوه ي أحمد
أدهم بيه ف حاجه حضرتك
اه تعالي ع الجهاز
دلوقتي.؟
اه
بس الساعه ٣ الفجر
معلش ضروري
تمام
سلام
وأغلق الهاتف وهو يلعن نفسه الف مره ع رده
...
عند محمد بعد مكالمه هاتفيه
ميرنا
متحاولش
ميرنا
انا مش هقول تاني
ميرنا اسمعي بقي
اسمع اي
ده شغل انا مش بمزاجي اكيد بدليل اني فضيت الوقت ده ليكي ع اساس اني هفضل معاكي يومين
يومين اي انت مكملتش ساعتين هو ده اليوم المميز هو ده اول عيد ميلاد ليا معاك
ي ميرنا ي حببتي مش بإيدي والله أدهم مش هيتصل الا وكان ف حاجه ضروريه
يستنى للصبح م هيحصل حاجه
مش هينفع ي حببتي
تمام ي محمد بيه اتفضل
محمد بيه؟
اه محمد بيه شغلك اهم من ميرنابتركز ف كل حاجه تخص شغلك وانا اولع  شغلك اهم من أهم حاجه ف حياتك ال هو انا يعني المفروض
ي ميرنا انتي اهم حاجه ف حياتي
وكأن ميرنا قد انفجر داخلها البركان.. مش واضح ي محمد بيه كل ال انا شيفاه اني كميرنا عايشه بستحمل بس ال بتعمله وايا كان هو اي والمفروض ابقي راضيه وساكته وصابره واتحملك وماليش حقوق ولا ليا حاجه واحده ابوها مهددها بالقتل ف اي وقت ومكان وانت تقولي متخافيش واحده ابنها ال بتتمناه م الدنيا مات ف بطنها ومكنش في مواساة منك اصلا تشفي ال جوايا وبرضه استحمل واسكت تسبني بالشهور وتسافر ولازم اسكت ومعترضش انا مهمشه عندك مشاعري اشتياقي ليك حبي ليك كل ده ف داهيه
يعني خلاص بقيتي انتي الضحيه
انا مش ضحيه ي محمد ولا اي حاجه اتفضل انزل شغلك انا كده كده هنام وقامت مسرعه من امامه تكبت دموعها خشية ان تنزل أمامه الي ان دخلت غرفتها واغلقت الباب ودخلت ف نوبه بكاء هيستيريه..
اما محمد كان ينظر ف طيفها ف صدمه مما سمعه
انا ي ميرنا انا بعد ده كله اطلع م حاسس بيكي وقاسي ووحش انا؟؟
وقام من مكانه متجها في طريقه الي الجهاز.
...
عند محمود
لؤي نام
اه من بدري
اومال كنتي فين
بعمل كيك
خلصتيها
ف الفرن خلاص اهه
طب تعالي
نعم
تعالي اقعدي ي يمني
اي ي محمود
وحشتيني
والله
عندك شك
اومال يعني مشوفتش لهفتك دي اول م شوفتني
انا ملهوف عليكي ع طول ي هبلة
والله
انتي جايه النهاردة تستغربي بس
هعمل اي يعني
لا لا شكلك زعلان بجد
الاحساس نعمه بقي
ههه والله
...
طب تعرفي ان شكلك حلو وانتي متعصبه
ي محمود ان...
انتي لسه هتردي تعااااالي انا ورايا شغل للركب الصبح
بعد وقت
محمود
اممم
محمود
ايه
انا شامه ريحه حاجه بتتحرق
مبشربش سجاير والله
لا مش سجاير الريحه دي قريبه اوي ي لهوي ي محمود ي لهوي
ف اي
الكيكه اتحرقت الكيكه اتحرقت منك لله ي محمود منك لله انت وافكارك القذره دي منك لله
وجرت مسرعه وف الخلفيه لم يستطيع محمود كبت ضحكاته
وقاطع صوت ضحكاته الهاتف وبالطبع كان المتصل أدهم..
الو
ايوه ي محمود
أدهم باشا خير ف حاجه
عايزك تيجي ع الجهاز دلوقتي
لا ي باشا ف اي
معلش ي محمود وفر الاسئله دي لما تيجي
احم تمام ي فندم سلام
وي تري أدهم عايزني ف اي ده انا ملحقتش انام
في هذه اللحظه دخلت يمني وقام محمود مفزوعا م مكانه
بسم الله الرحمن الرحيم انتي مين
انامين اي ف اي ي محمود
ف اي ي محمود انتي يمني
والله
والله اي مش وقته استغراب انتي اتفحمتي كده لي
ولا حاجه الفرن بفتحه الكيكه نطت ف وشي من حلاوتها مصبرتش اني أقطعها ع أكلها
لم يستطيع محمود ودخل ف نوبه ضحك عليها
ههههههههه
انت بتضحك لي
ده انتي هتموتيني يعني مفيش كيك
منه لله ال كان السبب بقي
طب بالمناسبه دي عايز اقولك حاجه
قول ي اخويا قول
انا نازل
نازل فين... اه عشان الدخان يعني لا ما انا فتحت البلكونات والشبابيك اطمن يعني مفيش حاجة
لا انا نازل ومش راجع دلوقتي
نازل فين ي محمود
شغل
نعم
شغل بقولك
شغل اي
نازل شغلي ي يمني
اومال انت كنت جاي منين
جاي منه بس أدهم كلمني والله ومديني امر اني لازم اروح دلوقتي ع الجهاز ومش لوحدي اكيد زمان محمد ساب ميرنا ونزل هو كمان
..
يمني مش بتردي لي
..
الوووو انتي سمعاني
اه سمعاك
اومال مش بتردي لي
هقولك اي ي محمود
هتقولي اي يعني انا بعرفك بس
تمام عن اذنك
راحه فين
انام جنب ابني
كمان
اه
ده عقاب ولا اي
معرفش
ع فكره انا ممكن مرجعش
...
طب ع الاقل طلعي ليا لبس اروح بيه
عن اذنك ي محمود
واغلقت يمني باب الغرفه وأخذت هاتفها من ع النيش وذهبت لغرفه لؤي اغلقت الباب خلفها وانتظرت حتي تأكدت انه غادر المنزل وطلبت ميرنا
..
كانت ميرنا غارقه ف بحر احزانها ندمانه ع ما قالته بسبب انفعالها وف نفس الوقت حزينه بسبب اهماله المتكرر لها وفاقت م شرودها ع صوت الهاتف.
يمني بتتصل لي دي دلوقتي؟
الو
ايوه ي ميرنا ازيك
انا كويسه ي يمني انتي فين وخرجتي أمته
مش مهم دلوقتي هو محمد عندك
محمد؟؟
ايوه محمد عندك
لا محمد نزل
طب الحمدلله
مش فاهمه الحمدلله ع اي
اصل محمود قال عنده شغل وقال انه م لوحده وان محمد كمان معا...
ميرنا
نعم
انتي صوتك مالو
مفيش
مفيش اي انتي جالك برد ولا  اي
لا انا كويسه
متأكده انك كويسه
اه م هبقي كويسه لي
طب احكيلي محمد جابلك اي هدية
يمني معلش انا م عايزه اتكلم
عرفتي بقي انك م كويسه
..
طب اي تستني للصبح واجيلك
لا لا انا هبقي كويسه انا بس محتاجه انام
ماشي ي ميرنا هسيبك ع راحتك تصبحي على خير
وانتي م اهل الخير
وأغلقو هواتفهم وذهبت كل واحده منهم الي عالمها
.....
عند اسلام
..
مريم
نعم
انتي لسه صاحيه لي
مش جايلي نوم
لي ي حببتي
م عارفه
تعالي ف حضني
..
مالك بس في اي
انا زهقانه م قاعده البيت ومامتك بتبقي مضايقه م شغلي وانا يعني لسه صغيره وعايزه اعمل حاجات كتير
ي حببتي انتي حامل وانا م عايزك تعملي اي مجهود
الحمل لسه ف أوله ي اسلام وبعدين اكيد مش هفضل قاعده التسع شهور كده شبه البطيخه
لا ي روحي مش بطيخه ولا حاجه قوليلي انتي عايزه اي
عايزه اشتغل
اسلام وهو يعقد حاجبيه
تشتغلي تشتغلي اي ي مريم
انا كنت شغاله محاسبه ف بنك ي اسلام وانت بتفتح شركه جديده فيها  اي لما اجي اشتغل عندك مديره الحسابات
هههه مديره الحسابات مره واحده
اه فيها أي يعني
ولا حاجه ي روحي ادعي بس كل ال انا راسمه يحصل
ان شاء الله ي روحي وابننا يجي ويفرح معانا
ابننا
اه
اشمعني
اشمعني اي
لي مقولتيش بنت يعني
لا انا عايزه ولد شبهك
بس انا عايز بنت تشبهك وهسميها مريم
ي سلام
اه
هتعيد اسمي تاني
من كتر م بحبه و بحبك
انا ال بحبك
ده احنا ليلتنا عنب بقي وغمز
دفنت وجهها في احضانه
اسلاااااام
اسلام اي بس هو ف كده تعالي اقولك بس
وانتقل بها لعالمهم الخاص
......