نص ألي و نص لعيالك

بارت 2

غفران لا ام حمودي فهمت اخذي راحتج و تدللين
و من مشت هاجر
غفران بينها و بين نفسها
اي نامي و انخمدي 😠 عساج فلا گعدتي😈
و عالسريع اخذت المسواگ و نظفت البيت و رتبت السمچ مال الغده
و انوب طلعت المواد مال الكليچة و سوت الكليجه بواهس و حب و طلعت شغل حلوو و اشكال تجنن اليشوفهن قبل الشوي بوده ياكلهن
و اول صينية حطتها بالفرن و منتظره شوكت تطلع بكل لهفه حتى
تشوف شلغها و الشكل النهائي للابداع السوته
بس هيه بحالة قلق و ترقب عينها ما نزلت عن الساعه
لان موعد جيت اخوها مصطفى قرب و لازم تتحضر للغدا
المهم
بهاي اللحظة و ما تحس اله شعرها ينجر من وره
و باللگوه التفت و اذا تشوف
هاجر دا تجر بيها من شعرها و تعيط
ولج حقيره شنو هالجساره
شنو تلعبين بكيفچ شفتيني نمت شويه حسبالك البيت صار الج
غفران : عفيه ام حمودي ابوس ايدج هدي شعري دخيلج راح ينشلع راسي ، الله يخليج عوفيني و اني افهمج
هاجر : اكلي ( خرا ) اليوم اله اربيج و اعلمج شلون الاداب يا قليلة الادب و الاخلاق
يلا تعالي للغرفه اليوم اله اسجنج لحد ما يجي مصطفى لو اني لو انتي بهذا البيت اني بزعت روحي منجن و من شكولاتجن (الزفره)

و فعلا جرت غفران جر و سجنتها بالغرفه و خلت الكليج بالفرن لحد ما فحمت و طلعت الطاولي و شمرته على طول الطرمه مال البيت

انوب كالت بينها و بين نفسها
هاي ميلها هاي الفلوس؟!! و ليش مسويه هالگد عجين هاي ضامتلها ضمه و مو خاليه؟!!
كل هذا الحجي و ام غفران تتوسل بهاجر يمه اروح فدوة الج استري علينا دخيلج مصطفى بس يشوف حالتج يطردنا من البيت و حتى الجيران التمت بباب البيت يمه مروتج فوتي حالها الله يخليج
هاجر : هو كل البلاوي من وره راسج و محد خلاها مهيلگه و فلتانه
غيرج و غير دلالج الزايد
اليوم يجي مصطفى و لازم يسويلي حل وياجن
كافي طفرتن روحي مشاركاتني برجلي و ببيتي لا اگدر اضحك ويه رجلي براحتي لا اگدر البس اليعجبني اليوم اله احرگجن مثل ما حرگة الكليجه
بهل الاثناء اجه مصطفى
هاي شكو يا ستار شصاير صوتكم واصل لسابع جار و ليش نعمة الله مشموره عالگاع( طبعا مصطفى رغم كل مسآوءه ابد ما يقبل على نعمة الله واحد يرفسها او يهينها )
هاجر : اهئ اهئ اهئ تعال يبو حمودي و شوفهن شسون بحالي امك و الخاتون اختك المدللة المايعه
اني بعد مالي گعده بهذا البيت لو اني لو هن
شنو البيت تايه ماله چبير كلمن بكيفه !!!
نمت ربع ساعه لگيت اختك گالبه البيت گلابه و فوگ هذا كله امك صافه وياها و كل ووحده شطول لسانها الواحد يبتلي يحچي حجايه ياكلنها اكل
و هاي امك حتى حمودي راح تفسد اخلاقه كلما اريد اادبه تختله وراها و تحميه مني هيلگة بتها و راح تهليگ حموودي و البيت كله راح يضيع
مصطفى : على كيفج ام حمودي اهدي لا يصير بيچ شي
هاجر : شلون ميصير بيه شي و كل هاي البلاوي على راسي احس راسي راح ينفجر اظن انجلطتت
مصطفى: على كيفچ ام حمودي يمعوده بس فهميني شصاير مو يبستي ريگي
هاجر : شسولفلك و شضم عليك متدري اختك الحقيره شسوت و شلعبت ، خلاص هذا البيت ماله چبير و كلمن صاير بكيفه
تدري غفران شمسويه
مصطفى : هاي المنلعونه شمسويه من عمله چبيره الي خلت ملاك مثلچ هيج يتعصب !!
هاجر اختك طالعه بكيفها بدون محد يدري و مشتريه غراض و مسويه كليجه بدون متکلي و لا عبالك البيت بيه احد و لا اكو احد صاير بعينها
مصطفى اي حقچ بس الشغله تره متحتاج كل هذا العياط و الصياح
و اكو شي ثاني تره نعمة الله حرام تنگطف هيج على الصبه مال الطرمه تره كلشي و لا نعمة الله
هاجر : انته تدور زلات عليه و صاف ويه امك و اختك
مصطفى اتعصب و جاوبها بزمخ و بصوت عالي كلامي واضح امشي انجري لغرفتچ لا بالحزام اوذرچ توذر .. غبره نعمة الله تنباس و تتخلى على الگصه تشمريها بالگاع ، اشمرچ بالشارع و روح ابويه
يلا امشي من وجهي لا افلش وجهك
و عناد من مصطفى لهاجر لكونها شمرت النعمه على الارض و ما احترمتها
قرر يخلي غفران تكمل الي بدت بدون ما يسئل ليش و المن و عليمن .. و و و

مصطفى : غفراااااااان لج غفرااااان
الام : يمه غفران ما ترد عليك
مصطفى : ليشش اليوم اكسر راسها و الله شنو اصيح و مترد !!!
الام : يمه مو مرتك ساجنتها بالغرفه
مصطفى : معقوله !!!! معقولة ام احمد هيج تسوي
الام : اي و الله و داعتك
مصطفى فتح الباب : غفران اش اش بلا كلام و لا نص حرف
روحي للمطبخ و كملي الكليجة
و هاي هاجر اليوم الا اادبها هل ادب سز

..... يتبع