نص ألي و نص لعيالك

بارت 3

مصطفى فتح الباب : غفران اش اش بلا كلام و لا نص حرف
روحي للمطبخ و كملي الكليجة

غفران مثل الطير و هدوا من الفقص گبل طارت للمطبخ
و كيفت اكثر لمن مصطفى ما حاسبها منو طلع يشتري المواد و المن هاي الكميه كلها
لانه كان معصب و صار عناد ويه هاجر و هيه الربحت من كل هذا الشي
بس تدري كلش زين مصطفى بس يبرد حيرجع يتوسل و يحرمص لمرته هاجر
يعني هذا الانتصار مؤقت
و اكو عاصفه راح تلحق هذا الهدوء النسبي
غفران  كملت شوي كل الكليجة
وره اشوية اجت سجى
سجى : ها ولج بعدچ عايشه !!!
ولج اني من يمي و يبس الدم بعروگي سولفيلي شسوو بيچ !!!
غفران : مو فد شي جديد عادي
خلي انسولف بالمهم
طلعي موبايلك و صوري الكليچه
سجى : امممم الله شلون مرتبتهن يمه يخبلن و الله
غفران يلا حياتي صوريهن و نزلي نشر بيهن بس بسرعه قبل لا تلعب هاجر بعقل مصطفى و تحيله عليه
سجى شكتب
غفران : اااا   ااااا و الله ما ادري اوگفي اكتبي كليجة شغل بيت الطعم فد شي النكهة تجنن التصميم روعه
سجى زين السعر بيش و شلون نسلمهن للشراي ؟
غفران : السعر اكتبي 6 الاف دينار
و التسليم اكتبي مع توصيل يصير السعر 10 الاف دينار يعني 6 الاف سعر الكليجه و 4 الاف كروت التكسي و خلي رضاوي اخوج الزغير هو يوصلهن
سجى ياااا مخبله انتي شدعوه الكيلو ب 6الاف ابدي بسعر رمزي
و حتى التكسي اذا قريب خليها الفين تلاثه و اني احاجي رضاوي اخليه يقبل بهذا السعر
غفران : اسمعي سجاوي هاي مني علمتني الحياة هاي الحكمه
سلعتك اذا تذلها هيه هم تذلك
ما عليچ اكتبي مثل ما گتلج و على الله
سجى اوكه بكيفچ

بعد ربع ساعه
سجى ولج غفرررررررران
غفران : ها شكو
سجى : ولج الفيس انگلب گلاب الكل يريد
غفراان يا اااااالله عرفت ربي ما يفشلني و الله
اللهي لك الحمد و لك الشكر على كل حال
و رتبت كل المعجنات بكراتين حلووه و دزتهن بيد سجى لاخوها رضا و جمعهن بالجنطه مال السيارة و گام يوزع بيهن على الي طلبوهن
ع العناووين و الارقام الي اندزت
انوب التفاعل زود الواهس قاطات
كل الي استلم الطلب مالته
صور الكارتونه شلون وصلته من اناقه و ترتيب
و المدح ع الطعم ما يتصدك

غفراان يا اااااالله عرفت ربي ما يفشلني و الله
اللهي لك الحمد و لك الشكر على كل حال
بعد ما رضا وزع كل الطلبات اخذ كروته و دز الفلوس لغفران بيد سجى

گعدت غفران حسبت الايراد 42 الاف دينار
كلش فرحة اول مرة تصير بين اديها هالكد فلوس و مو اي فلوس فلوس من كدها و تعبها
صفنت و گالت اني نويت و گلت
نص الي و نص لعيالك
هسه و الله حيره
شاقسم الربح بالنص لو كل الحصلته بالنص
يا رب عيني و اهديني
صفنت بعد شوية
كالت يلا اگسم الربح بالنص ❤

يعني طلعت راس المال 20 الف و بقن منهن 22
11 الف الها و 11 الف للفقراء (عيال الله) قررت توزعهن
و گالت الف دينار من الـ11 الي و 10 لامي و للبيت
انوب كلمت نفسها و گالت
بس هاي هم حيرة منو محتاج فعلا و يستحق انطيه تعبي و تكون فلوسي راحت بمحلهن !!؟
وره شويه اندگت الباب طلعت الام و رجعت
سئلتها غفران منو الدگ الباب گالتلها هاي فقيرة عالباب
كيفت غفران و راحت ركض
شافت البنية ، باوعتلها من فوگ لجوي شافتها لابسه لابس جوه الچبة احسن من لبسها و وجها مال وحده متعافيه مو معتازه انطتها الف دينار الي كان حصتها و رجعت
رجعت لامها
گالت ماما : اذا صارت عندچ فلوس شتتمتين هسه تشترين
الام على فطرتها : گالت اشتري بيت على گدنا و الباقي انطيهن لابو حمودي خطيه يعين نفسه شويه بيهن
غفران : هههه يمه مو كومة فلوس اقصد كم فلس تره
الام : هااا اي گولي هيج ،اتمنى اشتري گطره لعيوني
غفران : عززه بيش الگطره
الام : ب 7 الاف دينار
غفران : يمه صدگ تحجين متكولين خرب بليسچ مو اعيونچ يعمن و الگطرة مو غالية كلش
الام : يمه ما اهون باخوج و لا بيج
غفران يمه راح اروح للصيدلية اشتريلج الگطره
امها يا عززه ولج هسه يجي مصطفى و ما يلگاج  و يگطعنه
غفران يمعوده
هسه من يرجع يظل بس يحرمص لهاجر و لباچر الصبح ما يدري بنفسه
اخوي و اعرفه تعلميني بيه

غفران : لبسة العباية و طلعت عالسريع للصيدلية

و هيه تمشي شافت طفل بالترفيك يبيع علوچه
صاحت : تعااال يا ولد
الولد : هاا خاله تررررردينتشتررررين علچ (البسمه طشت ع وجهه يظن غفران تريد تشتري خطية منه)
غفران : هههه اي بيش العلج
الولد : 2 بربع
غفران : لا اقصد الباكيت كله
الولد : كلش فرح صدددددك خاله
غفران اي والله شبيك
الطفل 3 الاف دينار
غفران شكد تبيع باليوم كم باكيت اقصد تبيع
الطفل 3 خاااله
غفران زين انطيك 10 الاف بس بشرط
الولد شنو !!!
غفران : هسه ترجع للبيت
الطفل اي خاله هسه اعزل و الله

غفران انطت الطفل 10 الاف و شرطت عليه يعزل و يرجع لاهله

..... يتبع