نص ألي و نص لعيالك

بارت 6

بعدين شويه فكرت شافت روحها حلمت زايد و الفلوس الي الها قليلات بالمقارنه ويه الي تمنته
انوب فكرة بالنصف الثاني شون توصله لاهله ( لعيال الله ( الفقراء ))
و صورة الولد الي بالترفيك و اخته ممفارگه خياله
اليوم الي بعده  تركت اهم يوم بالاستثمار و هو عيد الحب و گعدت بالترفيك
تنتظر ابو الستوته الي يبيع مي ارو ،  جار فطومه و اخوها
و صدگ قريب الوحده الظهر مر ابو الستوته وگفته غفران
عمووو عمووو ابو التوك توك
ابو التوك توك عمووو تعذريني مخلص مي و رايح للبيت
غفران اي عمووو اني اريد اروح وياااك
ابو التوك توك شنوووو
غفران اي عموو تعرف الطفل ابو العلوجه و اخته فطومه
گال ابو التوك توك هااا قصدچ زيودي و اخته گتله ااااااي
گال عمووو ما اگدر اخذچ الهم گتلج ليش عموو
گال عموو ذولي عايشين بحي التنك يم الطمر الصحي
و المنطقه كلها ذبان و جريذيه و حيايه و حشرات و ريحة تخنگ و تسمم

غفران بتوسل .. ميخالف عمووو اروحلك فدوة ودينه مروتك
ابو التوك توك  براحتج تعالي وراي بالتكسي
وصلت غفران للمنطقه لگتها اتعس مما وصفها الها ابو الستوته
طبت للبيت شافها زيودي و ركض حظنها و صاح بوويه اجت البنيه السولفتلك عليها
الحجي يا هلا بنيتي شجابك لهنا خير  خوما زيد منعول الوالدين بايگ منچ شي لو ماذيچ
غفران لا لا عموو اني اجيت من وحدي اريد اشوف زيودي و فطومه و اشوفك
الحجي الله يبارك بيچ بنتي و يفتحها بوجهك بجاه الرسول عليه افضل الصلاة و السلام
غفران اگووول عموو
ليش گاعدين هنا وشلون عايش
الحجي عمي كان عنده بيت زغير بالعشوائيات و العام بالمطره القويه وگع السگف اني انعميت و ام اولادي و بنتي الجبيره انطوچ عمرهن و اني مثل متشوفين انضربت على راسي وفقت البصر
غفران زين الدولة ما انطوكم تعويضات
الحجي اي عموو كم فلس و صرفتهن على عيوني بلكي ارجع اشوف و لمن خلصن فلوسي ايست من عيوني و الحياة
و لما زيودي هسه اني الله يعلم شلون منتحر حارگ نفسي شانق نفسي الله اعلم
غفران لا عموو حاش لله مايضيع عبده
اسمع عموو
اني عندي جوه ايدي هسه 450 الف دينار
و هذا المبلغ طبعا كل الي جنته غفران من شغلها
  راح انطيكياهن هسه
و اريد بعد كم يوم  اسمع من ابو مناف ابو الستوته  انك ماجر بيت زين على گدك انته و زيودي و فطومه و گاعد بيه و اني كلما الله يرزقني اجيكم و اساعدكم بـ الي يقدرني الله عليه

الحجي عموو اشكرج اني مرتاح الله يرحم امواتچ و يخليچ و اذا جايه علمود انتخبچ  تره اني عمچ لا عندي جنسيه و لا اشوف و لا انتخب
غفران لا لا عموو فهمتني انته تره غلط
ذني فلوسي فلوس حلال و من كد و تعب و الله شاهد على كل فلس منهن شلون حصلته
و ما رايده منك الا تكون بخير و تعيش بسعادة انته و زيودي و فطومه

غفران هاي المره هم انطت كل الفلوس الحصلتهن بكدها و تعبها في سبيل الله
و رجعت ك عادتها سعيدة و طايره من الفرح لانها گدرت تساعد الناس بالفضل الي من الله سبحانه و تعالى عليها بي
رجعت لگت سجى ضايجه و منتظرتها

گالت غفران لسجى شبيك مو على عوايدچ گاعده و مهمومه

گالت سجى ضايجه عليچ اليوم كان يكون اعظم فرصة الچ اخوچ و مرته ماكو و باچر يرجعون من السفر 💔

و الفلنتايم اليوم خلص و خلصت وياه احلامنا
عاد ضحكت غفران و گالت يمعوده الله موجود و احنه شمحصلين من هاي الدنيا غير التعب و الشلعان الگلب متسوه الدنيه الواحد يضوج عليها
بهل الاثناء ردت عزيمة سجى و اضاءة بروح طاقة الحياة بسبب الطاقة الايجابيه الي بثتها بحديثها غفران و زادت محبة غفران بگلب سجى و احترامها و تقديرها

سجى غفرونه
غفران هااا

سجى تعاي اگعدي شوفي هذا الولد كل نشر الج يخبص الدنيا بس المشكله يحجز متاخر و ميحصل اي قطعه و يظل يزود بالسعر بلكي يحصل على وحدة اتصوري بالعرض الاخير انطه مبلغ 100 الف دينار و هم محصل شي

غفران لا رزقه و لا رزقنا

سجى زين لعد راح ارد عليه و اگله خلص العرض و كان عرضنا هذا هو الاخير حتى يأييس
غفران اوكه

سجى ردت على الولد و بعد ثواني

خله الولد تفاعل اني غاضب😡 على تعليق سجى و دخل عالخاص

الشاب السلام عليكم اختي الكريمه و لو تطفل مني بس ممكن اعرف ليش كان هذا هو عرضكم الاخير و انتم حققتم كل هذا الانجاز المذهل بفتره وجيزه ، بصراحه و بلا حسد اعتقد الاعلان الممول ما حقق الي حققتيه اختي

سجى يمممه 🙈 ولج هذا يحچي بس فصحه 🙊و مبين مثقف و ابن ناس

غفران ههههه حلوه هاااي مال ابن ناس ولج شعرفتي منه😂

سجى هسه شرد عليه
غفران گليله كان عدنه تحدي مو دا نسترزق حتى ياايس و يتركنا
سجى اوكه براحتج
الشاب باستغراب اگدر اعرف ليش ما راح تستمرين !!! بهذا العطاء

سجى وانت شلعيك و الله عجيبه هاااي😤

غفران لج عيب ادب سيز مو هيج الرد

الشاب اختي تره ما قصدي غير افيدچ بس اذا تردين الصدگ انتي مو وجه نعمه
سجى و انته وجهك مال وجهه زاحف تره ليش مخربه بالقاط و البدلة تره صراحه ابد ملايگ عليك و الله 😈

..... يتبع