قصة بعنوان " هموم قلبي" (قصة حقيقية)
باللهجة العراقية
~البارت الثاني
يعز على قلبي فراقك يا أمي
ويصعب على قلبي تصديقه
كيف لي أن أعيش حياةٍ، خالية منكِ
ومن حنانك!!
وكيف لكِ أن ترحلي وتتركي من كانوا لكِ حياةٍ
لمن سأنادي بـ أمي؟؟ بعد رحيلك
ولمن سأشكي همي؟
ولمن سأتحدث ياأمي؟؟ #بقلمي
بحرقةٍُ قلبٍ أُناديكِ
وبغصة في قلب مُحبيكِ
مازلتُ أذكر تلك اللحظة التي نادوا فيها
" أمك هي من ماتت "
#بقلمي
.
.
ما أعرف شحچي وماأعرف شگول بس الله يرحم ويحفظ أمهاتكم أمين يارب العالمين...
الدنيا أم...
وبلا أم، ماكو دنيا
أحبج يمه وأحب دعمج، الله يخليج ألي يا تاج راسي
صعب أكتب قصة لبنيه بعمري والأصعب من ذلك أحداث القصة، ماشفتو شي بعد هواية شغلات راح تصير للمسكينة غسق...
تحية محبة وأحترام ألها....
#رُبى_جمال
وأرجع أنطي قلمي لـلأبطال
غسق:شنو يعني أمي ماتت بعد ماأشوفها؟؟
وعلامات الصدمة بعيونها
رحمة:أبچي والطم وأگول، يي راحت أنهجم بيتنا شلون راح نعيش!
شلون نگدر بدونها
وأشوف بيبيتي (والدة أبويه) تحضني وتگلي يمه والله ماأعوفكم أني أمكم
رحمة: مستحيل ماكو مثل أمنا
غسق:أني ماأريد أحد ، بس أريد أمي وتبچي
رحمة:حبيبتي تعالي بحضني لا تبچين، محروگ گلبي وأحاول أسكتها
غسق:مامااااااا
وطبعاً هالشي كله أختي ذكرتني بيه لما كبرت لأني چنت صغيرة
حرگت گلوبنا شلون نوصفها ماأدري، فقدنا أمي اللي هي چانت سعادتنا، عائلتنا الصغيرة قلّت نفر، وأغلى نفر
يمه ياريت أني متت ولارحتي وعفتيني ويه أبويه ورحمة يمه ماأگدر بدونج، بعدني صغيرة
منو راح يقرالي قصة، ويشجعني أرسم؟؟
~ليت الأمهات، لايمرضون ولايكبرون، ولايشيبون
ولايرحلون
ليتهم يبقون معنا، طوال حياتنا
ليتهم يعلمون معنى وجودهم بحياتنا!!
وجودهم الذي أحياناً لانعرف كيف نُعبر عنهُ لكننا نُقَدِرهُ
بشدة #بقلمي
يمه ماراح أنساج بعمري، لأن أحلى أيام عمري وياج، فديت ترابج يايمه
كل يوم أگوم الصبح وحدي محد يجي يصبح عليه مثلها،،، ولا احد يقرا النا قصص ويلعب بشعرنا
كل خميس چنا نروح عالمقبرة لمدة أسبوعين
صحيح مرت هالأسبوعين...
بس الله وحده يعلم شلون مرت؟
مُرة، ومابيها أي طعم
لاچنا ناكل مثل البشر ولا ننام، وحتى الروضة كرهتها وكرهت حياتي مااريد أعيش ويه أحد غيرها
وطبعاً من بعد وفاتها
بيبيتي و أعمامي أصروا أنو نعيش ويه بيبيتي وأبويه وافق، گال ماأگدر أتحمل مسوؤلية بنات ثنتين وحدي وعندي شغل
وأختي همينه صغيرة رحومة صعب تتحمل مسؤولية نفسها ومسؤوليتي
أنت تقرأ
هموم قلبي (قصة حقيقية)
Romanceهموم القلب كثيرة بالنسبة لِفتاةٍ مُراهقة، تنجبر على تحمل المسؤولية بوقتٍ مُبكر! تُرى ماذا سيحصل مع هذه الفتاة؟ وما هي نصائحكم لها؟ (قصة حقيقية باللهجة العراقية) ❗ لا تنسون التصويت للبارتات لطفاً. أحبكم كلش هواية رُبـى جمال 🖤
