~البارت الخامس
بگلبي أضمك يا روحه لگلبي
أبعدك عنهم، لأنهم يحچون
مو بعينهم حبنا ويبغون (يريدون) يفرگون
أمسك أيديه،وأبقى وياي
وننسى كلامهم وسمهم الـ هواي
لتبعد عني وتخليهم يتشمتون
وجودك يمي مريحني هواي #بقلمي
سحر: لتصيرين ثولة، كبرتي ولازم تتزوجين، لشوگت راح تبقين على گلبي، ومحمد على حسب اللي أسمعه زين
رحمة : أمممم ، أني ماعندي مشكلة بس لازم بالأول بابا يسأل عليه وينطيني رأيه
سحر: ماعلييج منه، أني أقنعه أنتِ اللي عليج وافقي
رحمة : زين لعد أفكر وأردلج خبر باجر
سحر: فتحت حلگي وگلتلها شدعوووة، اليوم بليل رديلي خبر
رحمة : أني چنت موافقة بس ماردت أگللها خفت تشك بشي أو تگول شهالسرعة بس كلامها خلاني أگول
تمام لعد موافقة أذا أنتِ تشوفين هالشي صح بس گولي لأبويه
سحر: يي يي زين لعد شلون
رحمة : بس عندي شرط
سحر: هوهوو وشروط..!!
شنو هو؟
رحمة : أكمل دراستي
سحر: راح تصيرين مره، ماله داعي تكملين دراستج
رحمة: ماأتزوج إلا يوافق على اني أكمل دراستي
سحر : عوجت حلگي وگلتلها زين راح أگله
مر يومين ومرت أبويه گدرت تقنع أبويه بزواجي وسأل عنه گالوله زين وعلى هالأساس أجا يخطبني ويه أمه
وطبعاً قبل ميجي بيوم أجت عمتي وشافتني وحدها فگالت باجر راح نجي ويه العريس وهيجي يعني
رتبت روحي وأتمكيجت وغسوقة تباوعلي وفرحانة
وأعمامي شرفونا ويه نسوانهم
وبهالأثناء سمعت صوت عمتي ومحمد ووالد محمد
حسيت نفسي دااطير، وخايفة ومتوترة
ماادري مشاعر متلخبطة
وطبعاً رفضوا أني أدخل، بس ضيفتهم القهوة وعمي أشرلي بحواجبه بـ طلعي من الديوانية
طلعت وگلت أووف لازم كلشي يعظموه
وأتفقوا على كلشي وقروا فاتحتي وخطوبتي حسب كلامهم بنهاية أسبوع الجاي وعقد سيد همينه وبعده بشهر العرس لأن محمد عنده شغل ومن هالحچي
لذلك كانوا كلش مستعجلين
أبويه وافق على هالكلام وبعد ما راحوا طلعوا و باركولي ولازم ولازم دوخوا راسي
مره زينه، ومره تسمع الكلام والله فهمت
ومتهملين رجلج بسبب دراستج وطيحان الحظ ومن هالحچي الماله داعي
مر الأسبوع بسرعة وتمت خطوبتي على الشخص يلي چنت أحبه ويحبني
وماأنسى نظراته أليه بالخطوبة بحياتي وكلامه الحلو
وبعد الخطوبة بلشنا بالتحضيرات للعرس
وبما أنو محمد خطيبي وبيته قريب كلش من يمنا أحياناً چان يأخد أذن بابا حتى يجي أهنا ويشوفني
صحيح مو هواية أتذكر التفاصيل بس اتذكر نظرات نسوان أعمامي لأني راح أتزوج وبناتهم مو متزوجات وهواية حاولوا يفرقونا أني وحبيبي
لكن يحلمون بهالشي..
أنت تقرأ
هموم قلبي (قصة حقيقية)
Romanceهموم القلب كثيرة بالنسبة لِفتاةٍ مُراهقة، تنجبر على تحمل المسؤولية بوقتٍ مُبكر! تُرى ماذا سيحصل مع هذه الفتاة؟ وما هي نصائحكم لها؟ (قصة حقيقية باللهجة العراقية) ❗ لا تنسون التصويت للبارتات لطفاً. أحبكم كلش هواية رُبـى جمال 🖤
