~البارت السادس
" غسق "
يعز علي فراقك
لكنني سعيدة من أجلك
سعيدة، لأنكِ ستبتعدين عن أشخاص يتمنون لكِ كل شر
أبتعدي، ولا تخافي
فأني تحملتُ الكثير، والكثير، لن يصعِبُ على هذا القلب شيئاً أخر #بقلمي" رحمة "
لخاطر حبك ضحيت
وأبتعدت عن ديرتي
هو الحب للمخابيل!
شو أني تهت
#بقلميرحمة: مافهمت شقصده وگلت، يعني!!
محمد: هالمرة يتطلب مني السكن لفترة طويلة بأستراليا
رحمة: أنصدمت كلش وگلتله، شهالحچي!!!!، مستحيل شلون أعوف هلي
محمد : يبعد روحي، شسوي!، هذا شغلي وصعب أتخلى عنهرحمة: مو گلتلي بعد ما أسافر
محمد: صحيح!، گلت هالشي
بس بعدين شفت هالعرض وكلش مناسب راح يعيشنه أحلى عيشه
رحمة: يعمري أنت مو مقصر وياي بأي شي على شنو هالسفر والدوخة!
محمد: شبيج رحومة، عندي طموح بشغلي وأريد أطور من خبرتي شهالحچي!!رحمة: وأهلي؟، أختي غسق..!؟
محمد: شبيهم
رحمة: شنو شبيهم شلون أعوفهم وعيوني دمعت
محمد: مسحي دموعج الحلوة، ولتبچين
أبقي يمهم أسبوع علما أكمل المعاملات وكلشي وكلاشي وبعدها نروحرحمة: أووف محمد، ماأگدر والله صعب ودراستي!
محمد: تكمليها أهناك، يا عيني مو كافي مامليتي من حچي أعمامج ونسوانهم كم مرة صارت مشاكل بسببهم والله تعبت!رحمة: دنجت، صحيح چنت متفاجئة ومقهورة، بس مع ذلك كلامه صحيح، كل يوم يحاولون يسوولنا مشكلة
وهي مره ومادري شنو ليش تخليها تداوم ومن هالحچي
رفعت راسي وگلتله شوگت راح تبلش بالمعاملات وجواز السفر وهالحچيمحمد: اليوم، عندي صور الج وراح أرتب كلشي بس كوني راضية ونروح لأهلج نبلغهم أنو سفرنا بعد بچم يوم
رحمة:تمام لعد، أگوم أحضر روحي وديني عدهم وبعدها روح
محمد: يلا يروحي،، وبستها من راسهاگمت بدلت ورتبت روحي بالأخص أنو هالزيارة، هي أول زيارة لأهلي بعد زواجي
وبيني وبين نفسي أتذكر حُب ومعاملة محمد ألي سواء قبل أو بعد الزواج وأگول دائماً چان سندي ومعاملته ألي كلش زينة وميرفضلي طلبوهالشي كلش زين بالأخص سفري وياه لوحدي وبغير مكان وعيشة صعبة بس أحس وجوده يمي راح يسهل عليه الغُربة ويمكن لا،، الله يعلم
وأتصلت بمرت أبويه وبلغتها بزيارتنا
غسق: چنت گاعدة وأسمع خاله سحر تگول هلا بيج
گمت أركض من الفرحة گلت آكيد اختي جايه تزورناها خالة سحر منو راح يجي؟
سحر : أختج رحمة هي ورجلها
غسق: يي لعد أروح أبدل
جهزت روحي ومشطت وبعدها رتبت كم شغلة بالبيت لأن چان نظيف بس ناقصة تعديلات بسيطة وأندگ الباب رحت أركض علمود أفتحه وأشوف خيتي، چنت كلش مشتاقتلها
أنت تقرأ
هموم قلبي (قصة حقيقية)
Romanceهموم القلب كثيرة بالنسبة لِفتاةٍ مُراهقة، تنجبر على تحمل المسؤولية بوقتٍ مُبكر! تُرى ماذا سيحصل مع هذه الفتاة؟ وما هي نصائحكم لها؟ (قصة حقيقية باللهجة العراقية) ❗ لا تنسون التصويت للبارتات لطفاً. أحبكم كلش هواية رُبـى جمال 🖤