قصة بعنوان " هموم قلبي " (قصة حقيقية)
باللهجة العراقية
~بارت الثالث
ياحسرتي شصار بيه
يادنيه مو كافي عليه
هالگلب ماعاد يهمني
وبالـ هم نسيت فرحتي
فرحة طفل موهوم بالعيد
موهوم بالفرح وبگلبه عجزان
عجزان يعبر عن هالحزن
ليش هي الدنيه ترحم بيه؟
حتى هالفرحة اللي چنت موهوم بيها
خلتني أتندم
يي نعم، خلتني أتندم أني فرحت بيها....!!
#بقلمي
حياتنا أشبه بغابة، الشي الوحيد الزين، أني أروح وأداوم مدرسة ومامنعنا أبويه من هالشيء
مرات أستغرب شعجب، رغم كل محاولات عمامي
والمره مالها غير رجلها ولشنو دراستها؟ وسوالفهم
الما بيها خير على گولة مرت أبوية
ورحت للمدرسة يوم جديد وحلو
شفت هواية بنات ويايه فرحانين، ودايلعبون
گلت بگلبي شعجب متونسين ماأجاهم ضيم بحياتهم مثل يلي عندي بالبيت (چنت أقصد مرت أبويه)
ودخلنا الصف طبت معلمة للصف وگالت " قيام"
كلتنا أتذكر گمنا ع حيلنا وسلمت وبعدها سئلتنا عن أسمائنا وچانت كلش لطيفة بالحديث
وطلبت من كل وحده بينا نسمع الحچي يلي راح تگوله وگالت بعد فترة راح أرجع أسئلكم عالموضوع وأشوف منو سوت هالشي ومنو لأ
گالت جمعوا فلوسكم، عيدياتكم، وكلشي يجيكم خلوهم الكم باچر تكبرون وتحتاجوهن، لتضيعوهن على أي شي
وبعدها گالت أدري بيچن كل يوم تاخذون من أمچن كومة فلوس، وأني حابة أنصحكم بتجميعهم وراح تدعولي بالمستقبل،، باوعت للبنات كلهم يبتسمون وعاجبهم الكلام وهزينا براسنا بمعنى أي وبعدها تذكرت لما گالت أدري بيكم تاخذون هالفلوس من أمكم، دنجت وبچيت وحطيت أيديه على وجهي گلت بلكي ماتشوفني
ست مها : شبيج گلبي ليش تبچين
چنت دااحچي هالكلام وباوعت لبنيه بالصف گامت تبچي خطيه كلش كسرت خاطري رحت أراضيها وبيني وبين نفسي أگول معقولة ماعدها فلوس
تقربت منها كلش وهمستلها " حبيبتي لتستحين أذا ماعندج فلوس أني انطيج "
غسق : رفعت راسي وباوعتلها بألم
لا ست شكراً، أني عندي فلوس بس ماعندي أم تنطيني هالفلوس...!
مها: يعمري، والله ماقصدي أجرح وحده بيچن بس أني علمودچن، والله يرحمها، أي شي تحتاجيه گوليلي ولا تخافين أعتبريني مثل صديقتج، تمام؟
غسق: فرحت بكلامها وگلتلها يي بأبتسامة
مها: يلا حبيبتي نرجع لكلامنا
وگامت تنصح بينه وتسولف ويانه بالأخص هاليوم لأن چان أول يوم ما لحت هواية بالدرس وماأدري شنو وچنت صف أول لهذا
وبقيت ست مها تشجعنا على هالشي وأني مستمرة، بكل عيد أو مصروف يجيني أجمعه وإذا أحتاج شي أشتري منه وهيچي
أنت تقرأ
هموم قلبي (قصة حقيقية)
Romanceهموم القلب كثيرة بالنسبة لِفتاةٍ مُراهقة، تنجبر على تحمل المسؤولية بوقتٍ مُبكر! تُرى ماذا سيحصل مع هذه الفتاة؟ وما هي نصائحكم لها؟ (قصة حقيقية باللهجة العراقية) ❗ لا تنسون التصويت للبارتات لطفاً. أحبكم كلش هواية رُبـى جمال 🖤
