When The Sun Shines(U)

~နေခြည်ဖြာသော်~

~Until You Become Sweet (4)

နောက်ဆုံးတော့ ဒီနေ့ရောက်လာခဲ့ပြီ။Engစာဖြေရမယ့်နေ့။အစကတော့ Baekhyunက အေးဆေးပဲ။
အခုမှ ကျောင်းစဖွင့်တာ.. မေးချင်ရာမေး။ဖြေချင်ရာ
ဖြေလိုက်မယ်လို့တွေးထားတာ။ဒါပေမယ့်..ဒိုဘယ့်ဂီက...

"အမှတ် ၁၂၀ ဖိုးမှာ.. ၈၀ မပြည့်တဲ့ သူတွေက
နောက်တစ်ပတ် ညနေပိုင်း အချိန်ပိုတက်ပြီး ပြန်ဖြေရမယ်.. "

အတန်းထဲ ကျွတ်စိကျွတ်စိ စကားသံတွေထွက်လာတော့ ဒိုဘယ့်ဂီက သင်ပုန်းကို လက်နဲ့ တဖြန်းဖြန်းပုတ်ရင်း

"တိတ်တိတ်နေကြ..ရှေ့မှာ ဆရာမ စကားပြောနေတာကို...ဆက်ပြောမယ် နောက်အပတ်မှာ အမှတ် ၁၀၀ မပြည့်တဲ့သူတွေက.. နောက်လတစ်လလုံး စနေ၊တနင်္ဂနွေ အချိန်ပို တက်ရမယ် "

ဒိုဘယ့်ဂီရဲ့ ထပ်ဖြည့်စကားကြောင့် အတန်းထဲညီးညူ
သံတွေက စောဏကထပ် ပိုပြီး ဆူညံသွားသည်။

"တိတ်ကြ တိတ်ကြ ညီးမနေနဲ့.. စာအုပ်တွေသိမ်း
စာမေးပွဲစမယ် "

"ဆရာမ... ကျွန်တော်တို့အတန်းပိုင်က စနေ တနင်္ဂနွေတိုင်း ကမ်းခြေဘက်ကို သွားတယ်တဲ့.. ဆရာမ
ဆရာမလည်း အားလပ်ရက်မှာ အနားယူသင့်တယ်လေ "

အတန်းထဲက ခပ်ပြောင်ပြောင် ကျောင်းသားတစ်ယောက်ရဲ့စကားကိုကြောင့် ဒိုဘယ့်ဂီက ပထမတော့
ကြောင်သွားသည်။နောက်တော့မှ ဆိုလိုသည့်သဘောကို နားလည်ကာ ဒေါသပုန်ထပြီး

"နင်.. ဒီနေ့ စာမေးပွဲဖြေစရာမလိုဘူး အပြင်ထွက်ပြီး
မတ်တပ်ရပ်နေမယ်...နောက်တစ်ပတ် စာမေးပွဲမှာ အမှတ်ပြည့်မရရင်...နင့်ကို တစ်နှစ်လုံး အချိန်ပို တက်ခိုင်းမယ် "

ဘယ်လိုပဲ ဆူညံညီးညူကြပါစေ။နောက်ဆုံးတော့လည်း မတတ်နိုင်ဘဲ.. ဒီရထားကြီးက စာမေးပွဲဆိုတဲ့
ဘူတာမှာကပ်သည်။Baekhyunလည်း
ဘာမှမတတ်နိုင်ဘဲ ပြင်ဆင်ထားတဲ့အတိုင်း ဖြေချင်တာတွေသာ ဖြေလိုက်ရသည်။

Baekhyunတို့အတန်းထဲမှာ Engအတော်ဆုံးက
အတန်းခေါင်းဆောင်ကောင်မလေးနဲ့ နမ်ဒိုဝန်။ဒါပေမယ့် ဒီနေ့ စာမေးပွဲဖြေပြီးလို့ အဖြေတိုက်ကြတော့..
Baekhyunရဲ့ နောက်ခုံမှာ လူတွေ ဝိုင်းလို့နေသည်။