عفوا ايها الشبح ( احببتك)

البارت التاسع من روايه عفوا ايها الشبح احببتك بقلمي aya Elkhwaga

صباح الخير انا دلوقت صحيت وبحضر الفطار لاخواتي عشان ينزلوا من البيت وكدا كدا بابا مسافر ولسه مارجعش وهيبقي عندي فرصه كويسه عشان اقدر اعمل اللي انا عاوزاه بس انا لازم ارتب أفكاري عشان اقدر اكسب وقت انا اول حاجه هعملها هي اني اقعد اتكلم مع ماماواحاول اوصل لأي رقم تليفون او اي وسيله توصلني بالست سكينه بس اعمل كدة ازاي ٠٠٠٠٠ازاي؟!  بس لقيتها حطيت الفطار ع السفرة واخواتي خلاص بيفطروا ونازلين    ده صوت الباب شكلهم نزلوا  كويس اوي وماما كمان شكلها لسه نايم ع غير العادة وده حلو جدا هيكون عندي فرصه انزل الصيدليه اللي جنب البيت اشتري حاجه هتنفعني جدا الفترة الجايه المهم اتسحبت بالراحه ونزلت الصيدليه ورجعت بسرعه جدا واستغليت اني طلعت ع السلم مش في الاسانسير ودخلت اوضه ماما وانا بنهج وصحيت ماما وكأني مرعوبه من حاجه طبعا ماما اتخضت وقامت من نومها مفزوعه وقالت بسم الله الرحمن الرحيم مالك يالين فيكي ايه يابنتي قولتلها كابوس ياماما كابوس فظيع تعبان وجثه ومقابر وفضلت اترعش وطبعا ماما مافهمتش مني حاجه بس انا عارفه ان امي بيشغل دماغها جدا حوارات الأعمال وبتؤمن  بالسحر وان حد ممكن يعملها عمل وكدة عشان كدة قولت جثه ومقابر وتعبان المهم لقيت ماما بترد عليا وبتقولي اهدي بس يا بنتي وفهميني بالراحه قولتلها انا حلمت ان في حد ضربني ع دماغي فاغم عليا ولما فوقت لقيت نفسي جوة مقبرة وجنبي جثه وجنبي الناحيه التانيه تعبان ولما حاولت اقوم واهرب لقيت الجثه اللي جنبي اتحركت وقامت قعدت وطلعت من بوقها شعرة طويله ياماما وفضلت تسحبها لحد ماطلعت وكان في آخرها قماشه بيضه متخيطه في بعضها بخيط اسود وعليها بقعه دم ورميتها عليا صرخت من المنظر وقبل ماتحرك خطوة واخدة لقيت التعبان بيلف حوالين جسمي وبيتمدد  لحد مالف حوالين جسمي كله وكنت بتخنق  وبموت وسمعت صوت جاي من فوق التربه بيقولي هفضل وراكي لحد ماتتجنني او تموتي واحرق قلب سحر عليكي عشان اشفي غليلي وناري تبرد ودي البدايه ياسحر بس البدايه ٠٠٠ وفضلت مركزة اوي ع ملامح ماما عشان اشوف رد فعلها لاني ماعملتش عليها الفيلم الهندي ده عشان بس أقنعها باني معمولي عمل بس لا ده كمان عشان اعرف روايه المجرم اللي اتعدي عليا صح ولا لا وفعلا اهلي دمروه ومروا اهله وهل ماما تعرف ده ولا لا  ولاول مرة امي تسمع سيرة الأعمال وماتنطقش ولا كلمه وتسهم   وفجأه وهي سرحانه قالت طب ازاي  ازاي بس٠٠٠٠ عملت نفسي ماسمعتش هي قالت ايه واكتفيت بفهمي للموقف لحد كدة وقولتلها كان عندك حق ياماما انتي وخالتو انا في حد عاملي عمل وواضح كمان انه عمل خطير جدا وواضح كمان ان حضرتك المقصودة وفي حد بيغير من حضرتك هو اللي عمل كدة النفوس بقت تخوف اوي ياماما رجعت ماما تنحت تاني بس انا قررت اضرب ع الحديد وهو سخن واترميت في حضنها وقولتلها تعالي نكلم خالتو تشوفلنا حد يفك العمل ياماما او٠٠٠ او حتي نكلم الست سكينه حضرتك قولتي لخالتوا قبل كدة ان ماحدش هيقدر يفكلي العمل غيرها مش كدة ياماما وقالتلي مهو ع يدك يالين انا عملت ايه عشان اخدك ونسافرلها والست قالت مافكيش حاجه رديت قولتلها امال ايه اللي بيحصلي ده ياماما انا هتجنن لو فضلت ع الحال ده ويمكن اموت نفسي ولا اذي حد من غير ماحس  انا مرعوبه بجد ياماما وبعدين يمكن الست قالت كدة عشان اعصابها كانت تعبانه ع موت ابنها كلميها تاني ياماما وحياتي عندك وعرفيها اللي بيحصلي واحكيلها الكابوس المرعب ده وشوفيها هتقول ايه رجعت ماما وقالتلي طب ازاي بس انا مااقدر اكلم ابوكي واخدك ونسافر تاني ربنا سترها المرة اللي فاتت وعدت ع خير لكن المرة دي مستحيل قولتلها طب وليه نسافر مانكلمها ع الموبايل قالتلي انا مش معايا رقم المحمول بتاعها لان زي مانتي شايفه هي في بلد وانا في بلد ده غير اننا مش اصحاب عشان اخد رقم المحمول بتاعها وكمان هي اصلا ازاي هتفك  العمل في التليفون يافالحه قولت الحقها قبل ما تقول جملتها الشهيرة عوض عليا عوض الصابرين يارب وقبل كمان ماتقولش بلاها الست سكينه نشوف حد تاني وقولتلها دي ست مبروكه يعني اكيد ليها صرفه وبعدين  هي كمان ست مخاويه يعني الجن بتوعها هيقدروا  يعملوا كل حاجه سواء في التليفون ولا حتي المريخ ردت ماما وقالت بسم الله الرحمن الرحيم يجعل كلامنا خفيف عليهم والنبي يالين عندك حق بس هقولها ازاي بس ٠٠٠٠ ايوا افتكرت هي مرة زمان اديتني تليفون بيتها وانا كنت شايلاه بس يارب الاقيه ويارب كمان ماتكونش غيرته وقامت ماما من السرير وفضلت تقلب في الإدراج وفي الدولاب لكن للأسف مالقتش حاجه وكنت خلاص بدأت احس بخيبه امل لكن لقيت ماما بتقول ايوا افتكرت انا شيلاه في عليه الدهب ماصدقتش نفسي لما لقيت ماما بتمد ايدها في العلبه وبتطلعه لكن كمان لفت نظري حاجه تانيه في العلبه بس عملت نفسي ماشوفتش حاجه لان كان المهم عندي اني اوصل للست سكينه الاول خدت ماما الرقم واتصلت بيه فعلا وفرحت جدا لما لقيت ماما بتعرفها بنفسها ونازلين سلامات فقررت اني اكلمها انا قبل ماتقول لماما تاني اني مش معمولي أعمال قولتلها ممكن ياماما لوسمحت تديني الست سكينه احكيلها  الحلم وبعدين حضرتك تحكيلها الباقي٠٠ لحسن حظي ماما وافقت وقالتلي خدي احكيلها ع مادخل الحمام واغسل وشي وارجعلكوا وسابتني ماما وخرجت وقبل ما حتي اقول للست سكينه ازيك وصفتلها شكل الخاتم بتاع يونس لكن رد الست سكينه عليا كان صادم جدا عارفين قالتلي ايه لو عاوزين تعرفوا انتظروا البارت العاشر من عفوا ايها الشبح احببتك بقلمي aya Elkhwaga ولو البارت نال استحسان حضراتكم رجاء ادعموني فضلا 🙏