لقيت الروايه هيبقي لسه فيها ٣ بارتات قولت والله ماخساره فيكوا وجمعتهم في بارت واحد عشان يبقي الاخير ٠٠٠٠٠٠٠
بعد ماالدكتور حط الخطه اللي هيوقع بيها رامي قرر يبدأ بكريم وبدأ يحكيلي التمثيليه اللي عملها علي كريم بموضوع موتي لان كريم كان حبني فعلا عشان كدة قرر يوقف خطته في الانتقام مني ومن عيلتي لكن رامي طبعا رفض لان نار الحقد والانتقام كلت قلبه٠٠٠٠٠ ولما الدكتور نادر شاف كريم في حاله اكتئاب عرف ان خطته هتنجح وبدأ سرد تمثيليه موتي علي كريم وبعد ماقاله ان المستشفي كلمته عن طريق الكارت بتاعه وانه أتوجه للمستشفي فور تلقيه المكالمه وبعد مافكرته بنفسي
بدأت احكيله حكايتي رغم حالتي الحرجه وبدأ يحكيله وقاله لين الله يرحمها قالتلي انها ماعملتش حادثه عاديه لا دي كانت جريمه مدبرة للخلاص منها وقالتلي ان الشخص اللي عمل فيها كدة اسمه رامي٠٠٠٠٠وانك الشخص الوحيد اللي كان بيطمنها ويمكن لو كنت موجود ماكانش ده حصل معاها وقالتلي كمان اقولك تسامحها انها هربت من البيت قبل فرحكوا بس هي كانت مرعوبه ومش عارفه تفكر واللي حصل انها سمعت رامي بيكلم شخص في التليفون وبيقوله انا هخلص منها دلوقت وساعتها خرجت من البيت وفضلت تجري وهي خايفه وعندها انهيار من اللي سمعته لكن رامي شافها من شباك اوضته وهي بتجري وقدر يلحقها بعربيه باباه ولما استنجدت بالناس في الشارع قدر يثبت انه اخوها عن طريق بطاقتهم الشخصيه وقال إن لين بتعاني من حاله نفسيه ووقتها الناس تعاطفوا معاه وسابوها معاه ومشيوا وخدها بعربيه باباه لطريق معزول عشان يتخلص منها ويقتلهاوحاول يخنقها لكن هي قاومته وضربته ونزلت تجري من العربيه وفضلت تجري لكن الطريق كان معزول ورامي وقتها زود سرعه العربيه وخبطها بالعربيه وسابها مرميه علي الطريق تطلع في الروح ومشي وفضلت كدة لحد مافقدت الوعي٠٠٠٠٠٠٠٠ وفاقت في المستشفي وقالتلي الحمد لله ان حضرتك جيت عشان تقدر تبلغ كريم ودمي مايروحش هدر وقول لكريم اني حبيته اوي ٠٠٠٠٠٠ساعتها بس كريم انهار من العياط وفضل يقول انا السبب انا اللي قتلتها انا اللي قتلتها يادكتور لين ماتت بسببي بسببي انا مجرم ونزل علي ركبه وفضل يعيط زي الاطفال وهنا ادعيت عدم الفهم وقولتله انا مقدر حالتك جدا ياكريم بس ارجوك تماسك قالي انت مش مصدقني يادكتور فاكرني اتجننت صح ؟،قولتله لا طبعا بس الصدمات احيانا بتهزنا٠٠٠٠٠٠٠قالي انا كان عمري ٦ ست سنين لما شفت امي بتموت قدام عيني لما النار مسكت فيها ولما ابويا دخل عشان ينقذها مات معاها ووقتها مابقاليش اي حد امي اتقتلت قدام عيني قتلتها مرات عمي وواحدة ست كمان عارف مين الست التانيه يادكتور؟؟؟؟؟الست التانيه تبقي مامه لين٠٠٠٠٠ وساعتها فضلت اجري من الخوف والصدمه صدمه طفل ابوه وأمه اتقتلوا قدام عينه وخوف من القتل لو عرفوا اني لسه عايش وخوف من مصير مجهول فضلت اجري لحد ماوقعت من التعب صحيت لقيتني في بيت فيه اب وام و٣ عيال وانا كنت اضغرهم لكن ماتدلعتش خالص وسطهم ناس غلابه لكن للأسف ماكانش عندهم رحمه كنت بتضرب بسبب ومن غير سبب وكانوا بياكلوني اللي يخليني عايش بس ٠٠٠٠ اتحرمت من اي نوع رفاهيه شوفت الذل والشقي بكل صوره لحد مازهقت وقررت اهرب من الجحيم اللي عشت فيه اكتر من سنتين ٠٠٠٠هربت تاني وكمان ماكنتش عارف المرة دي هروح علي فين لكن فضلت اجري لحد ماطلعت علي محطه القطر وفضلت واقف وسط الزحمه لحد ماشوفت القطر بيتحرك ركبت فيه وانا جعان وبردان وخايف قعدت في ركن وفضلت اعيط لحد ماتعبت وغلبني النوم صحيت علي ايد بتغطيني ببالطوا تقيل وناعم واول مافتحت عيني لقيت ست طيبه وابتسامتها جميله بتقولي نايم كدة ليه ياحبيبي وفين ماما ؟؟؟؟؟؟بمجرد ماسمعت الكلمه انهارت من العياط وقولتلها ابويا وامي ماتوا خدتني في حضنها وفضلت تهديني وقالتلي قوم معايا وخدتني الكببنه اللي كانت فيها واديتني اكل فضلت اكل بسرعه لاني كنت جعان وماخدتش بالي من بصاتها هي وجوزها الا بعد ماخلصت اكل فقولتلهم انا اسف بس انا كنت جعان اوي ساعتها ضحكوا وقالولي عادي ياحبيبي كلنا كدة واحنا جعانين وسالوني عن حكايتي وحكيتهالهم لكن ماقولتلهمش عن ان اهلي اتقتلوا قولت ماتوا في حريق وما عنديش اهل اروحلهم وبس٠٠ ولحسن حظي انهم ماكانش عندهم اولاد فسالوني تحب تعيش معانا قولتلهم ايوا بدون تردد خدتني ماما امينه في حضنها وقالتلي من النهاردة انت ابني وفعلا عاملني بابا عادل وماما امينه زي ابنهم بالظبط وربنا عوضني بيهم عن الألم اللي شوفته وبعد سنه من السعادة٠٠٠٠كنت خلاص نسيت اللي حصلي من الدنيا٠٠٠٠لكن بدأت رحله تانيه من المعاناة بمجرد مااتولد اخويا رامز ايوا ربنا عوض علي بابا عادل وماما امينه ورزقهم بالطفل اللي بيتمنوا بعد ١٦ حرمان من الخلفه فكانت النتيجه اللي العقل بيقولها ان مافيش داعي لوجودي معاهم وده كان قرار بابا عادل٠٠٠٠لكن الحقيقه ان ماما امينه فضلت حنينه عليا طول عمري لكن بابا عادل اتغير معايا جدا ويوم ولادة اخويا رامز خدني بابا معاه و
دينا ماما المستشفي وبعدها خدني مكان وقالي ياكريم ياحبيبي انا هسافر انا وماما وهسيبك هنا ولمانرجع من السفر هنرجع ناخدك اسمع الكلام وماتعملش شقاوة فصلت اعيط واقوله ارجوك يابابا خدني معاك وماتسيبنيش هنا وانا هسمع الكلام ومش هطلب اي حاجه وعمري ماهزعلكوا مني ابدا وهبقي شاطر في المدرسه لكن للأسف سابني في الملجأ ومشي عليك ان تتخيل بيحصل ايه في الملاجئ وقتها رجعت احس باليتم تاني والأصعب من شعور الألم هو شعور الفقد بعد العوض فضلت اكتر من ٣ شهور في الملجأ لحد مافيوم جت ماما امينه وخدتني علي البيت معاها وخدتني في حضنها وفضلت تبكي وتعتذرلي والحقيقه ان ماما امينه كانت احن ام في الدنيا لحد ماتوفاها الله لكن بابا عادل مافضلش كدة كان بيفضل رامز عليا وده شئ طبيعي طبعا وكان بيعنفني ويعاقبني كتير عشان رامز المهم عدت السنين وفي يوم جالي تليفون من صاحب رامز انه وقع ورجله اتكسرت وهو في المستشفي رحت جري علي المستشفي وهناك قابلت رامي وعرفني بنفسه رامي ممدوح ساعتها حسيت اني رجعت عيل ٦ سنين تاني وحسيت باحساس مش ممكن يتوصف حاولت اهدي نفسي وقولت اكيد ده تشابه أسماء لكن عرفت بعدها من رامز تفاصيل تانيه عن رامي اكدتلي انه لا٠٠٠٠ وقتها حسيت ان جه وقت الانتقام واخد تار اهلي وقررت انتقم من رامي اللي كنت فاكره ابن سحر وممدوح فعلا وقربت منه عشان اقتله وفي يوم خدته وخرجنا انا وهو وشله زباله عرفته عليها عشان يخلوه يضرب ويدمن لكن واحنا في سهرتنا شرب كتير واترمي جنبي علي الكرسي من التعب وفضل يخرف بكلام اهبل زي انه بيحبني اوي عشان في نفس عمر اخوه وانه كان ليه اخ لو كان عايش كان هيكون قدي افتكرته بيهبل من حاله السكر اللي كان فيها لكن قالي انه اكتشف انه مش ابن الناس اللي عايش معاهم وأنهم ربوه بعد مااهله ماتوا كلهم في حريق وانه سمع ده بالصدفه من امه اللي اسمها سحر وهي بتتكلم في التليفون وكان بيشكر الظروف ان ربنا عوضه بأم وأب وعيله عاملته كأنه ابنهم ساعتها افتكرت كلام سحر وسكينه لأمي بأن اخويا مات لكن كلام رامي دلوقت بياكدلي انه اخويا٠٠٠٠٠ حضنته وقولتله حقك عليا انا اسف قوم معايا وخدته معايا البيت وسيبته نايم واول مافاق حكيتله الحكايه كلها وحكيتله ان سحر هي اللي ولعت في امنا هي وسكينه وساعتها اتفقنا اننا مانسيبش تار امنا وأننا لازم نحرق قلبهم زي ماحرقوا أهلنا ونعذبهم زي ماتعذبت انا وأهلي وبعدها ناخد تارنا بالخلاص منهم وبدأنا بيونس ابن سكينه ولين وبعدها بدأنا نحط لسحر وممدوح دوا في الشاي و العصير في خلال ٦ شهور بس يقدر ينهي حياتهم والوفاه تكون طبيعيه تماما لكن بحكم سفر ممدوح ماكناش بنقدر نديله الجرعه بانتظام وحاولنا نجنن لين ونعذبها عشان نحرق قلب أهلها عليها وحتي حادثه اغتصابها كانت فكرتي انا والحقيقه ان اللي عمل كده هو انا مش رامي رامي بس سهل دخولي البيت وهو اللي خدرها لانه رفض يغتصبها وكنا مكملين في غلنا وانتقامنا اللي زاد لما عرفت انها طعنت اخويا وانه في المستشفي بين الحيا والموت وساعتها قررت اندمها علي اليوم اللي اتولدت فيه وكنت ناوي اوريها العذاب بجميع ألوانه ولما حاولت الانتحار عملت كل اللي في وسعي عشان تعيش واقدر اتشفي فيها لكن ٠٠٠٠٠٠لكن اللي حصل اني اكتشفت ان لين بنت رقيقه وجميله قلبا وقالبا تشبه الملايكه قربت منها عشان تحبني حبتها انا حبتها اوي واتمنيت لو ماكنتش قابلتها من كتر حبي فيها وكنت هاتجوزها وابعد بيها لكن رامي هددني ان لو دا حصل هيكشف كل حاجه وساعتها هخسر مستقبلي وحياتي وأهم خسارة كانت هتكون لين خصوصا لما تعرف اني اغتصبتها ساعتها خدت رامي علي قد عقله وقدرت أقنعه اني اخطبها واكتب الكتاب عشان نقدر نتحكم فيها تحكم كامل لكن الحقيقه انا كنت بحاول اعوضها عن شرفها اللي ضيعته وحاولت اتكلم كتير مع رامي عشان نوقف لحد كدة لكن ماكانش بيسمعني هددته ان لو ماوقفش هبلغ عنه وعن نفسي ساعتها قالي انه خلاص مش هيجي ناحيه لين تاني لكن مش هيسيب لا سحر ولا ممدوح ولا سكينه وهيكمل اللي بداو في مقابل اني اطلق لين وانسي ان اتجوز بنت اللي قتلت امنا وكان ده تمن حمايتها فطلقتها قبل الفرح بيومين ويوم الفرح كلمني رامي عشان اجيبله جرعه جديدة من السم لكن انا رفضت وفضلت اتوسله يوقف قالي انا مش هسيب تار اهلي كفايه انت خيبت وقالي انا هكمل اللي بداته حتي لو لوحدي واول مابلغني رامي ان لين اختفت خدت العربيه وفضلت الف ادور عليها طول الليل لكن من غير فايدة وماكنتش اعرف انه كان بيضحك عليا ونجح في اخدان تاره وخلص من لين٠٠٠٠ وسحر وممدوح في المستشفي في غيبوبه واكرم بقي مدمن وخلاص مسأله وقت او اوفر دوز وينتهي هو كمان وكل اللي فاضله سكينه وفضل يعيط ويقول انا مجرم ولازم اسلم نفسي وبعدها فضل يصرخ ويقولي شايف يادكتور الدم دم لين علي أيدي٠٠٠٠ بص وبعدها بدا يشاور علي ناس مش موجودة وبدأ ينده علي سحر وممدوح ولين وأمه وابوه وكان ممكن نخلص من رامي بعد التسجيل اللي سجلتهوله يالين لكن للأسف بعد الحاله اللي دخل فيها كريم بقي لا يؤخذ بكلامه اصلا واتحول كريم علي مستشفي الامراض النفسيه والعصبيه لكن كمريض مش دكتور وكان لازم نسجل اعتراف رامي نفسه وعشان كدة احنا هنا عشان ناخد الاعتراف ده وانتي يالين دورك تستفزي رامي قدر المستطاع ٠٠٠٠٠٠ قولتله انا ابويا وامي في غيبوبه وبين الحيا والموت!!!!!!واخويا بقي مدمن !!!!!!قالي للأسف انا خوفت اقولك قبل السفر ترفضي تسافري وتبوظي كل حاجه ارجوكي تماسكي فضلت اعيط شويه وبعدها قرب مني يونس ومسك أيدي وبايده التانيه مسح دموعي وقالي دموعك نازله علي قلبي بتحرقه يالين يهون عليكي يونس ياقلب يونس ولاول مرة دكتور نادر يسيب يونس يتغزل فيا من غير مايصيح٠٠٠٠٠ وساعتها قالي يونس انا جنبك ياحبيبتي وصدقيني كل شئ هيبقي تمام وبعدين انا اتعودت عليكي قويه اوعي تضعفي عشاني يالين هزيت راسي وقولتله حاضر ياقلب لين وقرب مني ولسه هيح٠٠٠ضني لقيت دكتور نادر بيقول هوووووووب رايح فين انت يابني هي أم المشاعر الزفت اللي عندك دي مالهاش قفل ماتتحكم في نفسك شويه انا صاحب مرض ابتسمت من كلام دكتور نادر وخفه دمه وضحك يونس واتكسف وبص في الأرض وبدأ الدكتور نادر يشرحلنا ايه اللي مفروض يحصل عشان نقدر نسجل اعتراف رامي وقال يونس كلم رامي امبارح وقاله انه عايش وماماتش وانه عاوز يصفي حسابه معاه راجل لراجل او ٠٠٠٠٠٠او هخلص علي اخوك كريم ولو عاوز نتفاهم يبقي تيجي علي بيتكم القديم اللي لو مش عارفه هتسال اي حد في البلد هيدلك عليه قولهم دوار ابليس فين هيدلوك عليه علي طول اكمنيه مسكون يعني مستنيك بكرا الساعه ١٠بالكتير ولو اتاخرت ماتلومش غير نفسك وابقي خد تار اخوك ساعتها من نفسك وقفل في وشه السكه وطبعا رامي مش هيقدر يوصل لكريم وهيصدق انه اتخطف لان تليفونه مقفول ومش في البيت وواخد اجازة من شغله يعني جاي جاي واول مايوصل هجيني تليفون يبلغنا ونتحرك كلنا علي بيت اهل رامي فضلنا باصين علي الساعه ومستنين انها تيجي ١٠ وصوت ضربات قلوبنا كان اعلي من صوت تكات عقارب الساعه لكن الساعه ٩ وربع التليفون رن وبلغنا بوصول رامي البلد واتحركنا جري علي البيت اللي كان متجهز بكاميرات عشان تسجل كل كلمه ودخلت انا والدكتور نادر اوضه وفضل يونس برا في انتظار رامي واول مارامي شافه اتفاجئ وكأنه كان متخيل انها حيله من الست سكينه وماكانش مصدق انه ماماتش وبدأ يقول طب ازاي ردعليه يونس وقاله حكمت ربنا تقول ايه اصل ربنا عادل مابياخدش حد بذنب حد ردعليه رامي وقاله كريم فين ؟؟؟قاله علي طول كدة ياواد عمي مش لما نضيفك ونعمل معاك الواجب ونخلص حديتنا اللي جايبك عشانه رد رامي وقال عاوز ايه يابن سكينه اخلص رد يونس وقاله هفوتهالك دي المرة دي بس عشان الدم اللي بناتنا لكن لو عيدتها تاني مش هيحصل طيب٠٠٠٠٠٠ قالوا ايه هتولع فيا زي ماامك ولعت في امي قاله لا هسمك زي ماسميت امك وابوك اللي ربوك وفي اللحظه دي خرجت من الاوضه وقولتله لا يايونس احنا نفرجه علي فيلم الكرنك ونفهمه الاغتصاب بيكون ازاي عشان لما اغتصب اخته اكيد ماكانش عارف معني الكلمه وقف رامي متنح حبه وبعدها قال ااااااه دا الحبايب متجمعه اهوه لا وكمان بيخططوا ايه عاوزين تقتلوني اقتلوني انا كدة خدت تاري وخلصت من سحر وممدوح سمتهم والسم خلاص شربوا جسمهم من ٦ شهور يعني كلها كام ساعه ونسمع خبرهم دا اذا ماكانش دلوقت واكرم خلاص بقي مدمن بقاله سنه يعني خلاص مافاضلش غير امك يايونس واوعدك اني هقتلك واقتلها قبل مااموت والمرة دي هحرقك صاحي انت وامك زي ماحرقتوا اهلي وهنا دخلت الست سكينه وقالت لرامي صحيح اللي خلف ماماتش سماوي وفاجر كيف اللي خلفوك عاوز تاخد تار امك فاكرها كانت ضعيفه وغلبانه إياك امك كانت شيطانه وتستاهل الحرج الف مرة جتلت ولدي سليم اول فرحتي وهو حته لحمه حمرا كتمت نفسه جتلت فرحتي وفرحه عمك وضحكت علي ابوك خلته يضحك علي ابوه جبل مايموت٠٠٠٠٠ خلته سرج ورث اخوه من ابوه والسرايا المتحفمه دي كنت انا فيها هانم خلت ابوك طردنا بعد موت جدك وقالنا مالكوش ورث ابو يونس اشتغل اوجري عند الخلج وفضل حاطط في جلبه وساكت جوعنا وشوفنا الفقر والذل وخلفنا يونس نور الجلب والعين٠٠٠ وحبيب امه نزل عنده عيب في جلبه ويايعمل عمليه في خلال سبوع يايروح منينا ساعتها جري ابو يونس علي ابوك وفضل يتحايل ويبكي كيف العيال الصغيرة لكن كانت أمك خلاص نشفت جلبه بجي كيف الحجر الصوان لا يعرف شفجه ولا إحسان وطي عمك علي رجل ابوك وباسها وجالوه ابني بيموت ياخوي جاله مايموت ماليش صالح وجالوه ادخل كل مع الخدامين جوا يابدر ولما تخلص روح دارك لمرتك وولدك يومها جاني بدر مكسور نفسه نام ماجامش ابوك كتل اخوه الوحيد كسر نفسه وذله وجافت لحالي بدفن جوزي وحبيبي وانا لسه والدة بقالي يادوب ٣ ايام وعلي يدي ولدي العيان اللي لو معملش العمليه هيحصل ابوه نار الفراق والكسرة والذل اتحولوا لغل وكان لازم انتجم باي تمن يوم الدفنه ما قدرتش اسيب بدر لحاله فضلت جاره لحد الفجر اتونس بيه وانا راجعه علي داري سمعت اتنين بيتحدتوا انهم هيخطفوا ولد سعد بكير وده كان راجل حداه ارض ومال ياما في البلد اللي جنبنا وكانوا بيتفجوا علي الوقت وجالوا كمان اسم الراجل اللي كاريهم عليه وجالوا كمان الفلوس اللي وعدهم بيها هنا دبت في دماغي فكرة وروحت جري علي سعد بكير السرايا بتاعته وجلبيتي كات معفرة من الجعاد في الترب وشكلي كان يجول مجذوبه دخلت وحكيت اللي اعرفه وقولت هيدني حلاوة كبيره اعمل لابني بيها العمليه لكن اللي حوصول ان في نفس الوجت جاله واحد من رجالته وبلغه بنفس اللي جولتهوله فافتكرني شيخه وبعلم الغيب واتبارك بيا هو واللي في الدوار وخيته ماكانتش عتحبل سألتني هحبل ياست جولتها بإذن الله ربنا يرزقك الواد والبت فرحت ومدت ايدها وادتني ١٠٠٠ جنيه وجالتلي لو حوصل هوريك الهنا كلاته واخوها اداني ١٠ فدا لابنه ومشيت وانا مش مصدقه نفسي وعملت ليونس العمليه وطاب وبعد شهرين جاتني اخت سعد بكير وادتني ٥٠٠٠٠ جنيه وذاع صيتي اني بجيت مكشوف عني الحجاب من يوم مابت مع جوزي في المجابر وانا بجيت مخاويه وبجيت شيخه وبيجوني احللهم مشاكلهم وفي يوم جت امك يالين وجالتلي انها حبله في التاسع وانهاكشفت من ورا جوزها وأمه وعرفت انها حامل في بت وكلها يومين وتولد وهتكون مصيبه ورغم ان اول خلفها واد الا ان حماتها شارطه لو خلفت بت تاني جوزها يطلجها وجاتلي اشوفلها حل جولتلها يامخبله انتي اشوفلك حل كيف بس فضلت تبكي وعشان أهديها قولتلها خير بإذن الله وخلاص٠٠٠٠ لكن بعد يومين امك شيعتلي وكات بتولد وطلبت مني اولدها يمكن يحصل معجزة علي يدي المبروكه كات مخبله بس من كتر صراخها هاودتها وولدتها ونزلت بت ماشالله عليها كيف الجمر بس كات بت موت بعد ١٠ دجايج فارجت الدنيا ووجفت مش عارفه اتصرف كيف اجول للوليه اي؟؟؟؟ لكن سحر كات جامدة ومسكت نفسها لما سمعت الخبر كان جلبها جاسي بردك وكان كل اللي فارجلها انها تجيب العيل ان شالله تسرجوا وجالتلي ابوس ايدك جوزي هيطلقني وهترمي في الشارع وانا عاوزةاربي عيالي جولتلها طب أعمل إيه طيب واحنا بنتحددت جات الدايه عشان تولدها لكن جه وراها عيل بيجولها الحقي مرت سي بدير بتولد وهنا قولت لأمك اعملي غميانه ورقعت بالصوت وقولت انها قطعت النفس جريوا عليها كلهم حتي الدايه وطبعا قبل ماعمل كدة كنت شلت العيله في لفه وبعدها حطيتها في شنطه وجريت علي بيت بدير واستخبيت لحد ماجت الدايه وولدتها وخلفت واد زي ماحسبت وعلي ماخرجت تزغرط اتسحبت وحطيت البت الميته مطرح الواد وخدت الواد وهربت من غير ماحديحس وكان سهل عليا لاني كنت عايشه في الدار جبل كدة وروحت أديت الواد لسحر وانحلت ازمتها وحرجت جلب ابوك وامك يارامي لكن الدايه فهمت الحكايه وجات وهددتني وكان عاوزة فلوس كتير هددتها اني هسلط عليها الجان جالتلي مابكلش من الكلام ده قدامك مهله اسبوع شيعت لسحر ودفعتلها وفضلت الوليه تطمع وابعت لسحر جوابات وسحر تشيع فلوس لحد ماالوليه راحت وجالت لأمك العجربه وخدت منها شئ وشوايات وساعتها امك جاتلي وهددت بجتل يونس ولدي وادتني مهله يومين عشان ارجع الواد شيعت لسحر جات جري ولاني كنت عارفه انها مش هتسيبني لا انا ولا ولدي في حالنا وكات خلاص سحر اتعلجت بالواد وكمان كات خايفه من الفضيحه والطلاج اتفقنا ندفن السر واصحابه وشيعت مرسال للدايه ان مرت بدير عاوزاها ولما وصلت خبطتها علي راسها وجعت غاميه ودخلنا دلجنا علي امك البنزين صاحيه وولعنا فيها واتشفيت وناري بردت بعدها ولعنا في بجيت الدوار ولما لمحنا ابوك بيصرخ ويدور علي امك اتسحبنا وخرجنا جبل ماحد يشوفنا وبعدها جالي خبر موتهم وخلصت من بير الشر وخلاص كت نسيتكوا ونسيت اذاكوا لكن نار الماضي صحيت من جديد علي يدك يا ابن الشياطين انت واخوك ساعتها فقد رامي صوابه وطلع مسدس وقالها انتي صح٠٠٠٠ لازم السر يدفن وكلكم تدفنوا معاه بس هبتدي بالحيله ابنك عشان تموتي مرتين وعلي ما وجه رامي مسدسه تجاه يونس كانت الست سكينه جريت وفادت ابنها وساعتها البوليس أتدخل وقبض علي رامي لكن الست سكينه
ماتت فور تلقيها الرصاصه وانا رجعت مصر عشان اشوف اهلي لكن للأسف كان ابويا وامي كمان قبلوا رب كريم ومافضليش غير أكرم اللي دخل مصحه لعلاج الإدمان وبعد سنه خرج بعد ماتعافي من الإدمان ورامي اتحكم عليه بالإعدام اما انا يونس ماسابنيش لوحدي رغم حزنه علي امه٠٠٠ والدكتور نادر كمان وقف جنبنا لحد ماتجاوزنا حزننا وكان اب وأخ وصاحب وشهد كمان علي جوازنا كان معانا في فرحنا اللي عملناه بعد خروج أكرم من المستشفي وبدأنا حياه جديدة بقلوب جديدة او بالاصح بقلب يونس الشبح اللي حبيته من كل قلبي
تمت بحمد الله عفوا ايها الشبح احببتك بقلمي aya Elkhwaga
رجاء ادعموني دي اول روايه ليا شجعوني رجاء وانتظروا الروايه الجديدة (سكون)
أنت تقرأ
عفوا ايها الشبح ( احببتك)
Bí ẩn / Giật gânبيقولوا كل بني آدم له من اسمه نصيب بس انا نصيبي في اسمي كان زايد حبتين وكل اللي حصلي ووصلته كان بسبب نصيبي في اسمي
