الدكتوره النفسيه
الحلقه 3
راويه :دخلي يامني الحاله اللي عليها الدور
الممرضه :حاضر يادكتور
ودخلت ليلي
سلام عليكم يادكتوره
راويه:وعليكم السلام حبيبتي
اهلا بيكي
ليلي :انا مش مجنونه يا دكتوره ولا بتخيل اللي بيحصلي
روايه:طب اهدي بس مين قال عليكي مجنونه انتي ست العاقلين كلهم
لازم تعرفي ان المرض النفسي مش جنون بس دا مرض زي اي مرض ف الكبد ف الكلي ف اي مكان بس ده لان وجعه من عضوي لكن نفسنا اللي بتوجعنا فبنسميه مرض نفسي لكن مش جنون
طب ممكن تمددي ع الشيزلونج وتحكيلي نفسك بتوجعك من ايه
ليلي :يااااه يادكتوره اقولك من ايه ولا ايه ولا ايه
من غدر الزمن ولا ان سندك وظهرك هو اللي يوجعك مش عارفه ابتدي من اين ولا منين
من بيت مافهوش حد يسمعك
ولا من اخ بدل مايسترعرضه يهتكه ولا خال ولا عم
راويه:من الحته اللي بتوجعك
ليلي:اكتر حاجه بتوجعني ان اخويا اللي كنت بحبه وبرتاح معاه وحاسه انه هو اللي بيفهمني والمفروض هو اماني وستري يبقي مصدر خوفي ورعبي ويحاول يهتك ستري
لما الاقيه جاي شارب ف نص الليل ويحاول 😢😢😢 يتهجم عليا
ومش عارفه احكي لمين بدل ماترمي ف حضنه واحكيله لو حد اذاني
اخاف من الحضن ده لما ابقي نايمه ف امان الله والاقي اللي يحسس علي جسمي بطريقه بشعه
لما ابقي ف الحمام وخايفه انه بيبص غليا او بيراقبني
راويه:ماحاولتيش تقولي لوالدك والدتك
ليلي :مافيش حد بيسمع ولا حد بيعمل حاجه والاخر هيغلطوني انا
راويه:طب ليكي اخوات تانين او عم او خال
ليلي :ليا اخ كبير وكويس وبيصلي
راويه :طب حلو جدا مابتكلمهوش يساعدك ليه واكيد مش هيعجبه الكلام ده وهيقف جمبك
ليلي :هو اصلا انا مش عجباه
عشان بلبس بناطيل مع انها لاضيقه ولا حاجه بس هيغلطني
بس الحمد اخويا لما اتجوز ربنا هداه ومابقاش يجي جمبي
راويه:طب كويس اتحلت من عند ربنا اهي
ليلي:لا ماتحلتش
مش قلتلك احكيلك منين ولا منين
راويه :في حد تاني اتحرش بيكي
ليلي:خالي
انا نسيت اقولك اني اتجوزت وعندي ولدين ف الابتداءي والاعدادي
راويه :ماشاء الله ربنا يخلي
بس كويس بعدتي عن البيت بمشاكله واخوكي ربنا هداه
ليلي :طب وخالي اللي عامل فيها بيجي لبنت اخته اعمل فيه ايه
وبردو حاول كذا مره لدرجه اني عورته بالسكينه ف ايده
راويه :طب لازم تكلمي امك ابوكي اخوكي
ليلي:احنا قريه صغيره يادكتوره والكل عارف بعضه
داانا مره قلت لامي علي موضوع فضحتني والكل بقي عارف
اروح اقولها اخوكي بيتحرش بيا عشان القريه كلها تعرف
انا بطلت اكلم بقي عندي حاله استسلام للامر الواقع وعدم شعور ولا مبالاه ماحصلتش
راويه:بس دي مش حاجه كويسه
دي زي الهدوء الذي يسبق العاصفه
ممكن تؤدي لاكتئاب شديد ويوصلك للانتحار
ليلي:انتي بتقولي فيها حاولت قبل كده
راويه:لا حول ولا قوه الا بالله
ليه ياحبيبني كده مافيش حاجه ف الدنيا تستاهل ان الانسان يموت كافر
وكل مشكله وليها حل
طب ممكن اعرف جوزك فين من ده كله
ليلي :جوزي دا كوم تاني خالص دا سبب غلبي
انتي عارفه ان خالي مجوز اخت جوزي
اما جوزي بقي بليل يلملي البارتيتا بتاعته شويه اصحاب كده ويشربو
وممكن اخدم عليهم
ومره نزل يشتري حاجه واتهجمو عليا لولا اني هربت ف الشارع
راويه:يانهار اسود وماقلتلوش ليه
ليلي :ههههه قلت فكرني بقول كده عشان امنعهم يجو البيت
راويه:لا ماتاخذنيش دا مش راجل
ازاي اصلا يسيبك مع اصاحبه وينزل هو مافيش نخوه ولا رجوله خلاص
طب ولما بيجو بتروحي فين بعد اللي حصل
ليلي:بفضل قاعده ف الشارع قدام البيت لحد اما يمشو
راويه:طب مالكيش عمه او خاله تستريحيلها يمكن تكلم اهلك وتاثر عليهم
ليلي:جوز عمتي اصلا طلع عليا كلام ومع الاسف صدقوه
انا ماليش غير ربنا
انا عارفه ان مشكلتي مالهاش حل
راويه :طب ماتشتغلي
ليلي:جوزي رافض الشغل
راويه انتي مالكيش الا تطلقي وتشتغلي وتصرفي علي عيالك
ليلي:واروح بيهم فين انا تقيله علي اهلي اوي وبيضايقو من العيال
انا دوشتك يادكتوره وعارفه ان مافيش غير ان ربنا يخدني او معجزه تنزل من السماء
راويه:بعد الشر عليكي ربنا يحفظك ويحفظلك عيالك
لكن اللي اقدر اقوله حاليا قربي من ربنا اوي بالصلاه والدعاء وقراءه القران وربنا قادر انه يكشف عنك الضر احنا اسباب فقط لكن ربنا ف ايده مقاليد السماء والارض
وكل مشكله ولها عنده حل بس بالدعاء ربنا قادر يهدي زوجك
طالما مش راضيه تطلقي وتعيشي بامان مع اولادك
ليلي :يادكتوره انا ف بيت عيله
مش هيسمحو اقعد بعد الطلاق هروح فين واصرف منين وعيال ومدارس ودروس واكل وشرب ولبس
وماقدرش اتخلي عن عيالي دا انا عايشه بس عشانهم
راويه:انا موجوده ف اي وقت عاوزه تتكلمي معايا تعالي كاصدقاء بس عليكي بالدعاء هو اللي قادر يفرج كربك
"قل ياعبادي الذين اسرفوا علي انفسهم لا تقنطوا من رحمه الله"
رحمه الله واسعه جدا وقادر ربنا ينجيكي منهم ويكفيكي شرهم ويبعدهم عنك بس حصني نفسك بالدعاء والصلاه والاذكار والقران
فهو الرفيق وقت الضيق
وانا زي ما قلتلك هنا وتحت امرك ف اي وقت
ومشيت ليلي
راويه:في حد تاني يامني
الممرضه لا كده خلاص يادكتوره
***
القصه دي حقيقيه ارجو التفاعل وايجاد حلول للمشكله وبطلتها هتشوف اللي هتقولوه يمكن حد ف ايده حل المشكله****
أنت تقرأ
الدكتوره النفسيه
Aktuelle Literaturهي دكتوره نفسيه يأتي لها حالات مختلفه تحاول علاجها ويساندها زوجها الظابط في حل بعض المشكلات التي توقع نفسها بها بس هذه الحالات
