الدكتوره النفسيه
الحلقه 12
راويه:يلا ياسعاد اوصلك ف سكتي وانا رايحه المستشفي
سعاد:مش عاوزه اتعبك هتصرف
راويه:يلا بس حبيبتي كملي فطارك وحصليني
سعاد:الحمد لله وفعلا وصلت سعاد لامها وجدت المكان متشح بالسواد حزنا علي نوال فارتمت في حضن امها نوال ماتت ياامه شوفتي اخره عمايلكو فينا
امها :مش كنا بنستركو يابنتي
سعاد :انتو بتقتلونا ياامه مش بتسترونا الله يرحمك يانوال
وعزتها راويه وانصرفت
وذهبت للمشفي
د.جلال والدها :مالك كده ياراويه
راويه:مالحقتش انام
للفجر ف مواويل
جلال :خير
فقصت له ماحدث
جلال :لا حول ولا قوه الا بالله
طب ايه جابك كنتي اجزتي انهارده
راويه:بالعكس الشغل اللي هيضيع الي انا فيه انا ممكن بس استاذن بدري اقعد مع معاذ شويه قبل العياده
جلال :براحتك حبيبتي
ورجعت لمعاذ
راويه:حبيب مامي وحشتني
معاذ :مامي مامي
راويه:عيون مامي بتعمل ايه
معاذ:اعب بيب
راويه:بتلعب بالعربيه ماشي يلا نلعب سوا واتغدو وذهبت للعياده
دخلي الحاله يامني
مني:م. حسام
راويه :اتفضل يا باشمهندس خير
حسام :انا مش عارف ابدا منين بس انا تعبان وحاسس اني بتخنق مش قادر احس باي حاجه حلوه حواليا مدمر نفسيا وحاسس اني اتظلمت وطلمت
راويه :طب ممكن تهدا وتقولي من الاول حكايتك ايه
بس ثانيه واحده اتفضل ع الشيز لونج ورنت علي مني واحد ليمون وواحد قهوه
مني:حاضر
راويه:اتفضل احكي من الحته اللي حاسسها بتوجعك اوي
حسام :انا كنت بحب زميلتي ف الجامعه وكنا شبه متفقين نجوز لما نخلص بس ماقلتش لحد الي ان ننتهي من دراستنا
وبعد ماخلصنا رحت لوالدتي اقولها رفضت وبشده وقالتلي انا مواعده اختي اني اجوزك لبنتها اللي ف طب
وهتبقي دكتوره عاوز تخسرني اختي
والله لو عملتها لاانت ابني ولا اعرفك وغضبانه عليك ليوم الدين
طبعا الدنيا اسودت ف وشي وبقت زي الطين بنت خالتي دي اختي كنا نهزر سوا زي الاخوات عمري ماحسيت باي عاطفه تجاهها ازاي اجوزها وكلمتها وعرفتها اللي حصل طبعا اضايقت وقالتلي في عريس اتقدم والكل هنا موافق عليه
وانا عاجز حب حياتي بيضيع قدام مني وانا مش عارف اعمل ايه كنا اتعينا ف شركه البترول هي اخدت اجازه واجوزت وسافرت وانا اجوزت بنت خالتي طبعا عشان امي
هي بنت كويسه ومحترمه بس انا مش حاسسها حاسس اني بظلمها معايا انا بتعامل معاها بكل احترام وبديها حقوقها بس غصب عني الاحساس اللي انا فيه تخيلي وحطي نفسك مطرحي اخ بيقرب من اخته شيء مقزز انا مش حاسس انها مراتي بعمل كده غصب عني عشان مابقاش ظالم لها وخلفنا طفل وخلصت دراستها هي دكتوره جلديه
وكنت عايش وخلاص دون مشاعر او احاسيس انسان آلي مبرمج
لحد مافوجءت بيها قدامي ف الشغل رجعت من السفر واطلقت من جوزها وعندها طفل
مااكدبش عليكي اول اما شوفتها قلبي خفق ولاول مره منذ زمن بعيد
**حلوه خفق دي يا بنات داانا عليا تعبيرات تخبل ههه**
وتحدثنا سويا عما حدث لها وانها كانت في مشاكل معه وتطلقت واخذت ولدها
راويه :انا اكتر حاله بكرهها هي دي
حسام :ارجوكي يادكتوره خليكي مهنيه وماتتعصبيش لانثي مثلك
راويه:اوك هضغط علي نفسي وابقي محايده جاي عشان اقولك طلق المسكينه مراتك واجوز اللي بتحبها
حسام :انا اتظلمت ف الجوازه دي والله انا كنت بهزر مع بنت خالتي كاخت واضربها دلوقت حتي الهزار مابقدرش اهزره انا حياتي جحيم
حسام:علي فكره انت اللي عملت ف نفسك كده قفلت قلبك وعقلك وصميت اذنك عن مراتك وتقوقعت علي حبك القديم عملت هاله حواليك وكهربتها عشان ماحدش يهوب جمبها
وماديتش المسكينه دي اي فرصه حرام والله اللي عملته فيها وهي مش هتتحمل اللي بتقوله ده الا لو بتحبك وبتموت فيك لان صعب واحده تتحمل كده الا لو بتحبك بجد
انت حولت حياتك وحياتها لجحيم ودلوقت مكافاه تحملها العمر ده كله ليك عاوز تروح مع حبيبتك وتسيبها
حسام:لا طبعا انا مش هطلقها الا لو هي طلبت دي حاجه تانيه
راويه:وهتعرفها ولا هتجوز ف السر
حسام:مش عارف والله
راويه:حقها عليك تديها حريه الاختيار اما تقبل اوترفض
طبعا انا سمعت من طرف واحد
وعشان ابقي محايده لازم اعرف الطرف التاني هيقول ايه اللي اعتقد انعا محتاجه معالجه نفسيه اكتر منك
ماتفكرش ان الست مش هتحس ان جوزها مش معاها اكيد حاسه بس حبها ليك مخليها تستحملك
ياريت تطلب منها تيجي عندي دا اقل حق لها
حسام :حاضر هجبها
بس والله يادكتوره مابايدي انا لما بشوفها كل اللي بيحصلي غصب عني خارج ارادتي انا حاسس ان قلبي بدا ينبض يحيا مره اخري بعثت من جديد ورب الكعبه اصبحت عاشقا شاعرا مره اخري اسمعي
الا ياقلب قد بت اهواها
الا هدات يوم لقاها
الا ياقلب قد بت عاشقا
فقد عشقت حياؤها
فحياؤها هو سر جمالها
الا ياخلق من مربباها
الا يسقيني من خمر شفاهها
راويه :خلاص خلاص ياعم الشاعر الحبيب هتنظم ليا القصيده بحالها هنا
قال يعني مراتك قليله الادب عشقت حياؤها روح بوس مراتك ياخويا بدل ما بتدلل ع الناس تسقيك خمر شفاهها
حسام:بتقولي حاجه يادكتوره
راويه:لا انا بكح بس
حسام:تمام هقول لمراتي واجبها بكره
راويه:اوك
أنت تقرأ
الدكتوره النفسيه
Tiểu Thuyết Chungهي دكتوره نفسيه يأتي لها حالات مختلفه تحاول علاجها ويساندها زوجها الظابط في حل بعض المشكلات التي توقع نفسها بها بس هذه الحالات
