الدكتوره النفسيه
الحلقه5
راويه:دخلي يامني الحاله اللي عليها الدور
مني:اتفضل استاذ محمود
راويه:اهلا وسهلا استاذ محمود
خير لن شاء الله
محمود :تصدقي بالله
راويه:لا اله الا الله
محمود:انا مش عارف انا جايلك ليه
انا لقيت رجلي سحباني علي هنا
حاسس اني مخنوق ومش قادر اكلم واحي لحد
راويه:اتفضل اعتبرني نفسك
واكنك بتكلم نفسك هل في حد بيخجل لما يصارح نفسه بشيء
انا كلي اذان صاغيه واي حاجه بتقولها سر بينا مابتطلعش لحد
اعتبرني نفسك اوصديق مجهول لاتعرفه ولا يعرفك هتفضفض معاه شويه وكل واحد مايعرفش التاني بعد كده الا لو احتجت جلسات تانيه يبقي هنتقابل تاني
محمود:انا ارتحت لكلامك اوي وهعتبرك اخت وهحكيلك
اولا انا مريض سكر وانتي عارفه السكر احيانا له تاثير مع الرجال ع الحاله الجنسيه غيراني طالع عين اللي خلفوني ف شغل الصبح وبعد الظهرعشان اوفر لمراتي وعيالي حياه اقل من الكريمه بس اهومابنمدش ايدينا لحد ع الاقل وبتدبر
ومع ذلك مابشتكيش والله يادكتوره مع الغلو والمرار الطافح اللي شايفينه
وبعد دا كله ادخل البيت بدل مااسمع كلمه حلوه تهديني ولا تواسيني وتصبرني ع المرار الطافح ده الاقي نقوره وناوزه وياسبعي وبركاتك وكلام يحرق الدم ومحسساني اني بركه البيت زي مابيقولو مع اني مش مقصر معاها لكن المرض وزحمه الشغل
الانسان له طاقه بردو ومسيرها تفضي وهي مابترحمش لسان مبرد
لما احيانا ببقي عاوز افقع دماغها ف الحيط واقتلها واقتل كل الستات اللي من نوعيتها
راويه:خلاص قلت كل اللي ف نفسك
محمود:ايوه طلعت كل اللي جوايا
وحاسس اني شيلت جبل من علي كتفي مع ان المشكله مازالت قاءمه لم تحل
راويه:حضرتك شكلك متعلم وفاهم وواعي ومثقف كمان
محمود :الحمد لله
راويه:انت نظرت للمشكله بتاعتك من زاويه واحده
محمود:يعني ايه
راويه :يعني من منظورك انت ووجهه نظرك وحدك
مع ان مشكلتك اركانها اتنين
انت ومراتك
ماحولتش تلف الناحيه التانيه وتقف مطرح مراتك وتشوف وجهه نظرها وبتعمل كده ليه
محمود:اهي ستات نكديه وغاويه ارف
راويه:بالعكس الست طبيعتها عمرها ماتكون نكديه الراجل هو اللي ف ايده مفاتحها اما يخليها نكديه او فرفوشه ونعنوشه
محمود :ازاي بقي
راويه:جربت تخش بيتك حتي لو ف قمه زهقك تقولها كلمه حلوه
زي عاملنا ايه ياجميل ع الغدا
تسلم ايدك تيجي من وراها وتلف دراعك حواليها وتقبلها
محمود:يادكتوره انا باجي كفران وطالع عين امي عاوز اتغدي واتنيل اروح الشغل بتاعي التاني
راويه:ماهي كمان طالع عين ابوها
ف شغل بيت وترويق ومسح وغسيل وكذاكره للعيال وتدبير البيت بالقرشين اللي بتدفعهم كل شهر لها وتدبر بيهم حالها وتخبط راسها ف الحيط لو خلصو ومطالبه تاكلكو لاخر الشهر
ليه ماحستش ان انفجارها فيك بتقولك انا كمان مضغوطه زيك بالظبط ويمكن اكتر منك انت مجهودك عضلي تشتغل وتجيب فلوسهي عضلي ف البيت وشغله وفكري او عقلي ف تدبير شؤنه ومشاكل العيال
علي فكره مراتك مشكلتها مش جنسيه ابدا اطلاقا في ست بتشيل جوزها زي مابيقولو لو عظم ف اوفه وتبكي عليه
طب ليه بقي اشمعنه ده
محمود:ليه يادكتوره
راويه:عشان كان بيغمرها بحنانه وعطاءه واحتواءه مش بخيل ف مشاعره عليها عشان كده لو حصل ايه هتشيله ف عنيها
محمود :يعني اعمل ايه
راويه:ياسيدي بدل ماتدخل تشخط وتنتر وحضري الغدا وراكي ايه طول النهار
خش بابتسامه حتي لو جي علي نفسك وشك مش هيشقق ولا حاجه
وطبخالنا ايه ياست الكل
هي هتتخض اول مره وتقول ايه المصيبه اللي عملتها بس ماتخافش لماتتعود هيبقي طبيعي
ولما ترجع بليل طالما هلكان ومش قادر لو حتي تاخدها علي صدرك وتقولها يومك كان ايه والعيال عامله ايه
محمود:داانا باجي واقع بنام قبل ماادخل ع السرير
راويه:ياعم محمود مش لازم كل يوم خلينا يوم الجمعه حتي اجازه ونايم ومريح خدها علي صدرك نص ساعه اعرف مشاكلها ومشاكل العيال
حتي لو عامل ودن من طين وودن من عجين هي هتحسانك مهتم بيها
وبتحبها وتخاف عليها وع العيال وكلامها هيتغير 180 درجه حتي لو مافيش عمليه جنسيه هتلاقيها معاك ياعم زي السكينه ف الحلاوه
ويمكن الموضوع يتطور
لان انك تحسسها بانوثتها وانك الراجل اللي بيحتويها دا هيزود هرمون الانوثه عندها وتشعر انت بيه وينعكس عليك ايجابيا
وجرب وادعيلي
محمود :انتي بجد مش عارف اقولك ايه روحي ربنا يباركلك ياشيخه
انا هجرب واقولك
راويه:دا الكارت بتاعي جرب كده اسبوع شهر بالكتير ومش لازم تيجي اتصل طمني بس وانا واثقه ان النتايج هتبهرك
واستاذن محمود
راويه:في حالات تاني
مني :لا بس
الدكتوره امل المغربي بره وعاوزه تقابل حضرتك
راويه:اييييييييييه
امل المغربي خليها تدخل بسرعه
أنت تقرأ
الدكتوره النفسيه
Fiksi Umumهي دكتوره نفسيه يأتي لها حالات مختلفه تحاول علاجها ويساندها زوجها الظابط في حل بعض المشكلات التي توقع نفسها بها بس هذه الحالات
