الدكتوره النفسيه
الحلقه 7
ياسين:طب مانا عارف
راويه:نعم عارف ازاي يعني
فاسكهامن يدها تعالي كده لاني من زمان مستني اللحظه دي عشان مانتكلمش ف الموضوع ده ونقفله تماما وجلس علي الكرسي وحط رجل علي رجل وهي علي الارض تضع يدها وذقنها علي فخذه وتنظر له وتنتظر كلامه
ياسين:مش عشان انتي دكتوره وانا شرطه مفكره اني غبي انا كنت جايب 101 %ف الثانويه
راويه:والواحد ده جه منين
ياسين:رزق وجالي اعترض يعني
المهم ماكدبش عليكي بعد المحاكمه
كنت بفكر فيكي كتير جدا بس حكايه انك مخطوبه دي كانت منرفزاني
وكنت بطابعي البوليسي بحب اطقس كده كل فتره اعرف عنك.حاجه زي موضوع حبك انتي وهشام ولما اسمع افقد الامل اكتر لحد اما هرب المجنون
كانت حجه اجيلك واحرق دمك زي مانتي عايشه حياتك ومش حاسه بيا
وكنت سمعت طراطيش كلام انك فكيتي خطوبتك بس مش متاكد
فجتلك احرق دمك الاول لكن لما لقيتك بتعيطي ماقدرتش استحمل دموعك
ولما بصيت علي ايدك ومالقتش الدبله
انتهزتها فرصه وقلت اضرب ع الحديد وهو سخن ياصابت ياخابت وقلتلك تتجوزيني ولما وافقتي كده بالسرعه دي شكيت بس استغليت الموضوع لصالحي
وبدات اسال وعرفت انه خطب امل صحبتك وكان لسه جايلك الخبر طازه
وكمان سبب الفشكله انتي ورفضك انك تقعدي ف البيت
شوفي بقي يادكتوره واتعلمي من جوزك مش انتي بس اللي تعرفي ف علم النفس داانا تخصص علم نفس الجريمه
لما لقيت انك ضحيتي بيه عشان الشغل
اتاكدت انه عمره ماكان حب ممكن اعجاب انبهار لكن حب تؤتؤ
راويه:اشمعنه بقي مانا ضحيت بحاجات كتير عشانه
ياسين:صح لحد لما وصلك كده وكفايه
بصي حبيبتي اللي بيحب حد بجد
لو وضعه الدنيا كلها ف كفه والانسان ده ف كفه هيختار الانسان اللي حبه
لان دي اشياء بتروح وتيجي لكن الانسان او الحب الحقيقي مايتعوضش
ومن هنا قررت اكمل معاكي طالما مافيش حب بينكو فانا قادر اني اخليكي تحبيني ثقه بقي
راويه:ياسلام وايه اللي خلاك متاكد كده اني هحبك
ياسين:ثقه بقي وقدرات
انتي مش عارفه جوزك لما يحط حاجه ف دماغه
انا كنت متاخد ان موافقتك عليا عشان تغظيه ماهو لازم تاخدي واحد احسن منه هتاخدي مين غيري
راويه:لا والله
ياسين:اه والله
يعني هو دكتور هتاخدي ايه غير ظابط يجبلك الدكتور من قفا امه
راويه:هههههههه
فيمسكها من يدها لتقوم تجلس علي حجره
عرفتي اننا حافظك وفاهمك وعارفك اكتر مابتوصلي للحقايق اللي جوه نفسك انا بكون وصلتلها ومستنيكي ع الطريق لحد اما توصلي وتحصليني
فتحتضنه انا بحبك اوي ياسو
ياسين:شكلها مافيهاش عشا
استعنا ع الشقا بالله ويحملها ويطلع لغرفتهما
راويه:لا نزلني ياسو
ثم يدخلان حجرتهما فيصطدم بالناءم ع السرير
ياسين:مستعجله اوي ع النزول ايه اللي جاب الواد ده هنا وسايب اوضته ليه
راويه :تلاقيه صحي مالقاش حد جمبه فجه ينام هنا
ياسين ؛ طب اشيله ولا اعمل فيه ايه دلوقت
راويه:لا خليه حرام ونروح احنا اوضه تانيه
ياسين:هيقع كده استني نحطله مخدات حواليه عشان مايقعش
أنت تقرأ
الدكتوره النفسيه
Tiểu Thuyết Chungهي دكتوره نفسيه يأتي لها حالات مختلفه تحاول علاجها ويساندها زوجها الظابط في حل بعض المشكلات التي توقع نفسها بها بس هذه الحالات
