ဒေါက် ဒေါက် ဒေါက်။ အခန်းတံခါးကိုလာခေါက်ရတဲ့အကြောင်းအရင်းကဘာဆိုတာသိနေတာမို့လို့ လှမ်းနေတဲ့ခြေလှမ်းတွေက လေးပင်ပင်။
ဒါပေမယ့်သူသာဖြစ်နေရင် အနီးကပ်မမြင်ရတာကြာပြီဖြစ်တဲ့ လွမ်းနေခဲ့ရတဲ့မျက်နှာလေးကိုငေးကြည့်လို့ရသေးတယ်ဆိုတဲ့အတွေးကြောင့်ပဲလေးနေတဲ့ခြေထောက်တွေကို သွက်သွက်သွားဖို့စေခိုင်းလိုက်တယ်။
"Seungri ဟိုလေ....." ထင်ထားတာနဲ့လက်တွေ့မှာကတော့တခြားစီပါပဲ။ အခန်းတံခါးလာခေါက်တဲ့ Jiyongရဲ့Managerလဲဖြစ် အစ်ကိုဝမ်းကွဲလဲဖြစ်သူ TOP hyungက သူ့မျက်နှာကိုတောင်စေ့စေ့မကြည့်ရဲရှာဘူး၊ အင်းပေါ့ TOP hyungကလဲအကြောင်းစုံသိနေတာကို။
"ပြောလိုက်ပါ hyungရယ် ကျနော်သူ့ကိုဘာလုပ်ပေးရမယ်တဲ့လဲ"
"ဟိုဟာ..... Jiyongက သူရယ် သူနဲ့တူတူပါလာတဲ့ VVIPအတွက်ကို အအေးလုပ်ပေးပါတဲ့"
"ဪ ထင်တော့ထင်လိုက်ပါတယ် ဒီလောက်နောက်ကျရင်တစ်ယောက်ယောက်ပါလာမှာလို့"
"ငါလဲတားပါသေးတယ်, ည1နာရီထိုးနေပြီ Seungriနားပါစေလို့ပြောတာကို Jiyongက Seungriကသူ့ယောကျာ်းပဲ သူခိုင်းရင်လုပ်ပေးရမှာပေါ့ဆိုပြီးငါ့ကိုကောပါလေရော"
"Hyungရယ် ဘာလို့များတားနေသေးလဲ Kwon Jiyongကိုဘယ်သူကများတားလို့ရဖူးလို့လဲ ကျနော်သူလုပ်ခိုင်းတာပဲသွားလုပ်လိုက်တာမှပိုအချိန်ကုန်သက်သာဦးမယ်, hyung ပြီးတော့လေ..... ကိုကိုကမူးနေသေးလား?"
"မမူးဘူး Seungri, Clubသာသွားထားတာ မသောက်ထားဘူး"
"ဪ မတရားမသောက်လာတာတော်ပါသေးတယ်, ဒါဆိုနားတော့လေ hyung, ကျနော်တော့ကိုကို့အတွက်သွားလုပ်ပေးလိုက်ဦးမယ်"
"Seungriရယ် မင်းကတော့ခုထိကိုကိုဆိုတာကိုပါးစပ်ကမချဘူးနော်..... ငါမင်းကိုတကယ်သနားလိုက်တာ အားလဲနာတယ်"
"အားနာစရာမှမဟုတ်တာ hyungရယ် hyungဘာမှမလုပ်သလိုမှားလဲမမှားတာမို့အေးဆေးနားတော့နော်"
"အေးပါ တစ်ခုခုဆိုငါ့ကိုရင်ဖွင့်လို့ရတယ်နော် Seungri ငါကမင်းအတွက်အမြဲရှိတာသိတယ်မှလား ကလေး"