تبعثر الكلمات (اسكربتات)

اسكريبت

:مش فاهم انتي عاوزة اي دلوقتي

زفرت بألم وقالت : ولا عمرك هتفهم هقفل بقى عشان انام تصبح على خير

رد بلامبالاة : وانت من اهل الخير باي

قفلت معاه ورميت التليفون ع الارض ودفنت وشي فى المخدة وانا بعيط بقهر

متجوزة شخص عديم الاحساس هو لى فاكر ان الحياة كلها فلوس لى شايف ان الفلوس هتصد مكان الامان والاستقرار والحب والاهتمام والدفا والعيلة هااا الفلوس مبتعملش حاجة مبتعملش حاااااجة اااااااااه يا رب انا تعبت تعبت بجد

(اسمي جهاد ....يمكن كان اسمى نصيب فى حياتي بجاهد عشان اعيش بخير ...عندي ٢٤ سنة خريجة كلية حاسبات ومعلومات كنت بشتغل فى شركة وبعدين اتقدملي عمر واتجوزنا ووقتها قررت اسيب الشغل لاني مش شغوفة اوي بالشغل يعني ..جوازي بعمر كان جواز تقليدي ..عمر شخص جدي بطريقة لا تطاق فعلا ..فاكر ان اسعاد الست فى انك تكتر مصروفها ..وتديها فلوس اكتر ...متجوزين بقالنا ٥ شهور قعد معايا شهر وبعدين سافر شغل ..ومقاليش اي حاجة قالى حضري الشنطة مسافر تحت صدمتي وسافر ..ووقتها علطول بنتكلم فون وانا اللى برن كمان مش هو اكنو مش متجوز ..مامته ميتة ..وباباه متجوز عيلة قدي كدة ..ومعندوش اخوات ..وانا كاإنسانة عايشة قى مجتمع متخلف لما البنت تتعمق فى العشرينات من غير ما تتجوز تبقى عانس ...بابا وافق على عمر علطول وانا عايشة فى محافظة غير المحافظة اصلا ...عايشة لوحدي بين اربع حيطان ...وبينتهي يومي بالبكا والصريخ بكلمة يا رب )

خلصت وصلة العياط بتاعه كل يوم ..وقومت غسلت وشي واتوضيت وصليت وقعدت اقرا قران عشان ارتاح قفلت المصحف وبوسته وبصيت قدامي للفراغ بحسم ...واخدت الفون ورنيت عليه ..

.رد وقالى : انتي لسا صاحية مش قولتى هتنامي؟

تنهدت وقولتله: عادي مجاليش نوم قولت اكلمك

:امممممم

:انت مشغول ولا حاجة ؟

: امممم بخلص شوية ملفات قبل ما انام عشان عندي شغل بدري

: عمر هو انت ناوي ترجع امتى

: يوووووه بقى هو انتي مواركيش غير هترجع امتى هترجع امتى ...منا متزفت هنا عشان مين مهو عشانك ..عشان اوفر ليكي معيشة كويسة .

:انا اشتكتلك هااا ...انا قولتلك محتاجة فلوس ولا زفت ...انت عاوز تفهمني لني كدة عايشة كويس هااا د؟

:انتي بتتبطري بقا

: بتبتطر ؟! هتبطر على اي ها ...عمر انت لو متجوز كلبة مش هتعاملها كدة

قال بغضب: لي يا هانم هو عملتلك اي هاااا مش مخليكي محتاجة حاجة بتاكلي احسن من غيرك وبتلبسي احسن من غيرك ...وعايشة فى بيتك مستورة مش متشردة ...عاوزة اي اكتر من كدة