يقف فى تلك الغرفة ذات الاضاءة الخافتة ينظر إلى مجموعة الصور التى تملأ الجدار امامة بملامح يكسوها الجمود والسخط على جميع الأشخاص الموجودين بتلك الصور لا يصدق ان بعد طول انتظار
من الألم والعذاب الذى تعرض لة هو ووالدتة لسنوات طويلة، سنوات من العجز و ا...
احلى مسا على الصحبة الكويسة إلى كل متابعين رواية عذاب الحب الجزء الأول نقف انتباة عشان الخبر دة جد ومش هزار احم احم سيداتى انساتى سادتى وكل إللى موجودين برحب بيكم واحب اقولكم ان احنا رجعنا تانى بجزء تانى من رواية عذاب الحب ايوة يا جماعة بعد طول انتظار ابطالنا هيرجعوا تانى مش بس ابطال الجزء الأول لا دة احنا معانا ابطال تانين وشخصيات تانية كتير ودة لية عشان العيلة كبرت والعيال كمان كبرت فقرروا يحكوا حكايتهم إللى هى لا تقارن بحكاية الجزء الأول
نقول بقى أخبارنا الجديدة معانا ومعاكم العائلة الأولى مالك باشا واسرتة:.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مالك:. طبعا زى ما حضرتكوا شفتوا فى الجزء الأول من" عذاب الحب " احنا ازاى اتبهدلنا وطلع عين أبونا بس على قد ما تعبت واتعذبت ربنا عوضنى بحياتى ربنا عوضنى بحبها اللى حول الظلام إللى موجود جوايا إلى نور واللى فاكر ان حكايتنا انتهت احب اقولوا لأ احنا حكايتنا لسة بتبتدى وعمرها ما تنتهى طول ما حياة موجودة فيها طالما حبى مستمر ليها ، وطالما قلبى لسة بينبض بحبها
حياة:. حبيب قلبى يا لوكة يا جامد يا مشرفنى ورافع راسى دايما واللهى انا إللى بموت فيك يا قلب حياة من جوة بصوا بقوا يا جماعة فككم بقى من التلزيق دة نخش فى الموضوع على طول حكايتنا المرة دى حكاية من العيار التقيل هنواجهة فيها حاجات كتير ومصاعب اكتر ومشاكل اكتر واكتر بس على مين دة لما الباب يخبط بنعرف برة مين ، انتو عشتوا معانا مغامرات ومشاكل كتير جدا والحمد لله عدينها وادينا اتجمعنا تانى على خير الخبر الأكيد أن الجزء دة كوميدى وهنضحك فية من قلبنا بس ثانية واحدة لو فاكرين ان مفيش مشاكل ومغامرات وكمان مقامرات تبقوا غلطانين لان عيلتنا هى منبع المشاكل نبقى قاعدين كدة فى أمان الله والنصيبة تيجى لحد عندنا لوحدها من غير ما حد يدلها علينا بس هنعدى كل حاجة ان شاء الله وعلى رأى المثل إللى بيقول زغرطى يا انشراح إللى جاى احلى من إللى راح
و دلوقتى اعرفكم على ولادى قرة عينى سبب ضغطى وسكرى منبع المصايب فى حياتى اتفضل يا آمن يا حبيبى المايك معاك
آمن :. ألف شكر يا يويو تشكرى يا جميل على التقديمة الحلوة دى اهلا بيكم يا جماعة اعرفكم بنفسى انا بذرة الحب الأولى لمالك و حياة البكرى ياعنى انا بقى والحمد لله مختش حاجة خالص من ابويا غير "الحب والحنان و الرجولة والجدعنة " انا واحد جد جدا فى شغلى بس لكن برة الشغل مرح جدا مقبل على الحياة عايشها بطول والعرض احب الضحك والهزار من الآخر انا الباد بوى بتاع العيلة دى
