Your Eyes Tell

🍁 twenty six🍁

Jungkook p.o.v*****

Ka hmuh theih leh khawih theih i ni lo chung hian i ta ah ka in ngai hmiah a, engtia rei nge ka nghah la ngai dawn che tih lah ka hre hek lo. Mahse ka thinlung chuan ka lam pan in ilo kal mek tih min hrilh thung si,. Ka mittui hruhul tur hian ka hma ah lo in lan hram rawh. Min hmangaihna te kha a lem leh suangtuah ram mai ni tur chuan ka phal loa ka ring lo bawk. Ka rin awm chhun chu nang chauh i ni..

Ka ngaihtuah na vang chuan za lo tak in ka khi suk,. Ka mang lama a nui ri thum bal mai te hian ka hriatna thazam luah khat in an nghawr dawt² thin. Mahse a hmel ka hmu thei lo hian min ti na ngawih² thin..

Ka ngatuahna ka lo kawm lai chuan ka kawngkhar chu pawn lam atang in an rawn kik kharh² a. Lut tura ka tih rual in ka secretary chu a rawn lut zui nghal bawk.

" Sir,. Hei designing team lam in rawnna an rawn theh lut a."... File chu ka hma ah chuan a rawn dah nghal a.

" eng lam".. keu pah chuan ka han ti a.

" Tun tum kan design thar atan hian outing emaw trip neih ni se tiin rawnna an rawn siam a., Tah chuan tun design thar atan hian hamthatna awm ngei an ring ani".. ka bu nghut ringawt. An rawtna chu tha ka ti viau mai. Mahni ngeiina tih chhina englam nge kan siam chhuah ang tih ngaihtuah chu thil tha tak niin ka hria..

" A tha e,. Ka lo en dik dawn nia,. Chuan designing team bik kha,. Ban ah lo hnu fual rawh se"..

" Awle sir"... A chhuah hnu chuan ka han en nghal thuak² a. Thawkthar kan lak nual avang in kan tum ang dinhmun kan thlen theih ngei pawh ka ring., Heipawh atana ka tih ani. A sang ber leh a lawr fal ka nih chuan khawi² emaw atanga min rawn hmuh ke beisei ve vang ani...

Chhun chawlh azo deuh chiah a, Mr. William nen chawchhun kan kil dun dawn bawk, ka business partner niin mirin tlak tak ani a. Kan vawi khat in hmuh atang in kan thawk dun tha thei phian. Ka office atang chuan chhuak in department hrang² chu ka han en kual nghal thuak² a. Designing team te awmna zawn ka thleng chu an lo nui hawk² hlawm mai. Hnathawh laiin eng fiamthu nge an lo thawh. Dim te in ka kan hawng a, mipakhat hi dawhkan ah lo thu in fiamthu emaw alo sawi a, midang in an awm hmun atang in lo nui pui hawk² hlawm chu niin. Mahse min hnung chhawn avang in a hmel ka hmu thei lo. Kawngka chu ka han hawng zauh a, ka pen lut ta chhat² mai. Midang ho chuan min lo hmu vat in an hna chu an thawk nghal mawlh² a. Mahse chupa chuan ala hre ve lo ni ngei tur ani. Ala nui hawk² mai.

End of jungkook p.o.v..

**/

Taehyung p.o.v****

Ka nuih hak² lai chuan lisa chuan min rawn sik zauh a. A nui tawh hauh lo bawk., Hna thawh pah in tiin America a ka chatchhiatna te ka han hrilh chu an lawm phian,.mahse ti nge an va serious ta hlawm ve..

" Ti nge a Lisa,. Ka tlanbo pui ve ang che tih i hlau Ami".. ka nui hak² a. Mahse a nui tawh lo, a hlauhthawn hmel kher mai, ka hnung lam en tur chuan min mitmei a. Ka hrethiam lo,. Mahse ka hawi ta tho a. Ka han hawi phei na chu kan boss alo ding reng. A tihdan ngai in a tablet leh file keng in alo ding ran mai. Ka tho nghal zawk,,ka hma ah chuan ding in min melh kar a.,a thinrimna mitmeng chu hlauh han tum ngial mah ila a mawi ka ti lutuk chuan hlauh en ah pawh ka en thei lo. Ashhj,. Kim taehyung in ngaihtuah harh rawh,. Awm ang lo emai. Ti nge maw tia i awm leh thin le.

" Tun hi hna thawh hun ani tih in hria em".. kan ngawi kar mai. Hnathawh chauh atchilh an tih tak kha maw.

" Sir,. Mi thar ania,. Dah kan lo hrilh famkim lo deuh ani,. Bengchheng lo tur khan ka ti reng asin".. kan department head chuan thupha alo chawi vat a. A dawi in boss uipa khawi lai ang mai ani. Engtik laiin nge
bengchheng lo tura min lo tih..