الإنِتَرنت المظُلم

44-

كانت تقسم انها بخير ، وقلبها يَستغفر باكياً.

—

في بيت يارا

يارا : يا بنت الحلال ماما وبابا بيروحون بكره وسفرهم بعد ثلاث أيام احس مره ما اقدر اتجهز لسفره؟

ياسمين : يا بنت وش ذا كله !
يارا تناظر لها : ليش؟
ياسمين : ترا ماراح تهاجرين وش ذا؟
يارا : لا تكبرين الموضوع يا ياسمين ترا كلها ثلاث شناط يعني
ياسمين تتنهد وتجلس فوق السرير : اشتقت
يارا : لمين؟
ياسمين بتوتر : مو لاحد ، بس لجمعتنا انا والبنات بس

يارا : كنت بسألك وين جنى مو معك؟
ياسمين : اخخ اسكتي مادري وينها اتوقع عندها مقابله
يارا بستغراب : ايش؟ مقابلة وشو؟

ياسمين : تعرفين لازم تصرف على نفسها وطردوها من شغلها القديم بسبب انها يعني صغيره بالعمر وتعرفين سلطان كان ينهب كل فلوسها الله يخذه يا جعله يموت

يارا بضحكه : الرجال ميت خلاص
ياسمين : المهم خلينا من سلطان ابي تكشخين ونطلع ناخذ شهد
يارا : تمام عطيني بس دقيقه
ياسمين : الدقيقة راح تكون ساعه وقولي ياسمين ما قالت
يارا : ياسمين!
ياسمين : خلاص خلاص اوف شفيك؟

—

مكان ثاني

ابو إبراهيم : حكيم هز المملكه ؟ انا بهز العالم هههه
.......: طال عمرك شف بضاعة اليوم 
ابو إبراهيم : افتحها

يقاطعهم الشخص الي يفتح الباب وكان بيكسره

ابو إبراهيم يوقف : وش فيك؟
......: الشرطه الشرطه طال عمرك انشرت صورك في كل مكان

ابو إبراهيم بصدمه : ورب النفاثات مايمسكوني وراسي يشم الهواء يعقبون أوريك فيهم يا راكان ما قلت انك قدها ورني شطارتك ونفذ الي بقوله لك بالحرف الواحد الحين فاهم؟

راكان : ابشر

—

في المركز