———————————————————————
بداية اليوم
الساعه 6 صباحا تصحى على صوت المنبة
: اوف يليل مالي خلق داوم اليوم
تقوم للحمام وتتروش وتكوي السكراب حقها وتلبسه وتنزل تحت عشان تفطر
سارة : صباح الخير يبه
طلال : يابنت الذينا نزلتي راسي بالارض ماني براضي بتخصصك ذا وبتشوفين وش اسوي
"تعريف طلال" : ابو سارة متسلط جدا وهمه كلام الناس اكثر من بنته ومايهتم فيها وبخيل وعصبي
"ام سارة متوفية من 5 سنين "
سارة : بس يبه قلت لك ذا قراري وماهمني كلام الناس
طلال : قرارك ذا مايمشي عندي انا مخليك على راحتك بس اوعدك ما تتهني فيه
تجاهلته سارة عشان دايما يعيد الاسطوانة ذي وراحت المطبخ تسوي لها قهوة واخذتها معاها وطلبت اوبر متجهة للمستشفى .
وفي طريق المستشفى جاء اتصال لسارة
سارة : هلا هلا بالواحشني
لمى بضحك : توك امس شايفتني مسرع اشتقتي لي ؟
سارة : افا عليك ماشتاق لك انا مستحيل ، الا وش بغيتي ؟
لمى : اي صح انتي وينك يابنت انا ونور ننتظرك من اول تاخرتي الحين الدكتور المسؤول عننا يعطيك محاضره عن التاخير
سارة : تعرفين لازم اتضارب مع ابوي كل يوم واصلا ماقمت بدري
لمى : يليل ابوك ذا لازم ينكد عليك مايقدر يموت بنكاده ، طيب وش قال لك ذي المره ؟
سارة : مايقدر لازم ينكد ، والله قال انو مو راضي عن تخصصي وبيسوي شي الله يستر منه
لمى : بسم الله عليك حاسه انه مرح يخليك كذا
سارة : لا ان شالله مايسوي شي ، الا تبي شي قهوه او فطور ؟
لمى : يابنت انتي متاخره بس تعالي يلا كم باقي لك ؟
سارة : تقريبا عشر دقايق واكون عندك
لمى : يلا حبيبتي اشوفك بالمستشفى
سارة : يلا مع السلامه
قفلت الخط
تتنهد وتفكر بكلام ابوها قاطعها تفكيرها وصولها للمستشفى تنزل وتشوف الدكتور المسؤول عنها وتحاول تتهرب منه
شافت نور ولمى عند الزاوية وراحت لهم بسرعه
سارة : اوف الحمدلله ماشافني ماكان لي خلقه الصراحه
نور تضرب سارة ضربه خفيفه على كتفها: يابنت افا عليك انا وين رحت امردغه لك هنا ولا تزعلين
لمى : انتي ماتبتي يابنت لا يلغون عليك سنه التدريب ذي اهم سنه عندنا وبعدها خلاص نشتغل
نور : تبين اشوفكم خايفين منه واسكت لا طبعا
سارة تضحك : تضحكني البنت دي مو هامها الا الهواش خلاص يختي عدت على خير
نور : لو يقولك شي علميني عشان اوريك فيه
سارة : حاضر حاضر مرح اقولك شي
لمى تضحك عليهم : خلاص انتي وهيا مشينا
مشيو وفي الممر قابلو دكتور احمد
"دكتور احمد " : الدكتور المسؤول عن البنات شديد جدا وهمه سمعته ومايحب التاخير ولا يحب الاصحاب
عمره : 33
دكتور احمد : يا هلا وسهلا باستاذة سارة ، وش عندك متاخرة اليوم ؟
سارة بكذب : دكتور احمد تكفى تاخرت ماكان فيه سيارة تجيبني
دكتور احمد بعدم تصديق : اها اجل لو تاخرتي مره ثانيه راح اضطر اني انقلك لدكتور ثاني بعيدا عن صحباتك
نور بصوت مرتفع : نعم ! لا لا يادكتور ماتنقلها بعيد عننا
لمى تضرب نور بخفه : تمام يادكتور اخر مره ان شالله
دكتور احمد: نور حسني كلامك معايا واعرفي مين تكلمي ترا بيدي اقدر اخصم عليك
نور بعدم مبالاة: هه تمام
ساره تسحب نور : خلاص يادكتور وعد اخر مره ، يلا يابنات مشينا
بعدو عن الدكتور
سارة تضرب نور بخفه : ياغبيه كنتي بتروحين بداهيه
نور : ماشفتي كيف يكلمك قهرني ماقدرت
لمى : ماتعرف تمسك نفسها الغبيه ذي خلاص طنشيه مانبغا ينخصم عليك
سارة : اوف منكم يلا امشو المرضى كثير اليوم
بعد ما انتهى الدوام
الساعه 3 العصر
لمى : اه اليوم متعب بشكللل فضيع
نور : جدا المرضى كثاار
سارة بتعب : يابنات جيعانه خلونا نطلب اكل ونرجع البيت ، لمى ترجعيني البيت ولا اطلب سيارة ؟
" لمى تسوق "
لمى : تعالو كلكم معايا عشان نطلب اكل واوديكم البيت
نور : انا ماقدر ابوي بيجي تعرفونه مايحب احد يرجعني و يوديني غيره
لمى : تمام يعيني ، سارة هيا ويلا نور مع السلامه نشوفك بكره
نور : مع السلامه بنات
ركبو السيارة
لمى لاحظت انو سارة مسرحه ومو على بعضها اليوم
لمى : سارة فيكي شي ؟
سارة : ها اي احسني مو مرتاحه لكلام ابوي خايفه يسوي شي
لمى : ياحبيبي انتي ان شالله مايسوي شي واذا سوا شي كلميني اوريك فيه ، اقدر ارفع عليه قضيه وهو مهملك مو فالح الا يصرخ عليك ويتوعد فيك
سارة تحضن لمى : لمى احبك تعرفين تهديني وتهوني عليا
لمى : ياحبيبي انتي ، الا وش تبي اكل
سارة : اي شي اهم شي اكل
طلبو اكل ورجعت سارة بيتها
في بيت سارة تدخل وابوها منتظرها في الصاله
سارة : السلام عليكم يبه
طلال بصريخ : اسمعي يابنت صار لي ساعه انتظرك تخصصك ذا منتي مكمله فيه وانا قررت ازوجك ولد عمك
سارة بصدمه وبصور عالي: نعم والله ما اتزوجه
يتقدم ويضرب سارة كف على وجها
طلال : كلامي واضح وانتهى نقاشي معاك بتتزوجينه ورجلك فوق راسك !
سارة تبكي :
انتهى .
———————————————————————
"تجاهلو الاخطاء الاملائية "
السلام عليكم 👋🏻
كيف اول بارت ان شالله عجبكم ؟
احس بداية خير يارب تعجبكم 🤍
لاتنسون النجمه ⭐️
الانستقرام: eruw.x
أنت تقرأ
حَقق لي حِلمي
Mystery / Thrillerفتاة تظلم بسبب عادات المجتمع القاسية وتحرم من حلم طفولتها لكن تضع املها الاخير في زوجها الذي اجبرت عليه هل ستحقق حلمها المنتظر ام تستسلم للمجتمع ؟ الكاتبة : سارة 🩺
