———————————————————————
سارة ماطالعت فيه
المعرس بشهقه : انتي !!
سارة : انت وش جابك هنا !!
ايمن : انا ولد عمك معقول انتي بنت طلال ؟
سارة : مو مصدقه انت المعرس اخر واحد توقعت يكون
ايمن في باله : ياويلي الي خاق عليها خطيبتي
سارة : هيه وين رحت انت
ايمن : معاكي معاكي يعني الحين انتي بتصيري زوجتي ؟
سارة : ايمن بقولك شي تراني مغصوبة عليك تكفى ابي احقق حلمي وابوي مايبيني اصير ممرضة عشاني ارفض ذا الزواج
ايمن بكذب عشانه يحب سارة من اول ماشافها : انا كمان مغصوب من ابوي ماقدر ارفض لهم طلب سامحيني
سارة بترجي : تكفى ايمن تكفى
ايمن يمسك يد سارة : لا تخافين بعيشك اجمل عيشه
جات سارة بترد بس دخل عليهم طلال
طلال : اطلعي يابنت
طلعت سارة وتوجهت لغرفتها والدموع في عينها
______
اما عند ايمن وطلال
طلال : ها ياوليدي نقرا الفاتحه ؟
ايمن بتنهيده : اي ياعم البنت
"قرو الفاتحة "
طلال : متى تبغى الزواج والملكه
ايمن : عادي ياعم في اي وقت
طلال : تمام اجل الشهر الجاي الملكه والزواج في نفس اليوم وش قلت ؟
ايمن : تمام ياعم ماعندي مشكله
سلم ايمن على طلال وطلع من البيت وراح للبحر المكان المفضل له ويفكر بكلام سارة ونظراتها له وهي تترجاه ما يتزوجها يقول في باله : والله ياسارة انك اخذتي قلبي من يوم ماشفتك كيف ماتبيني اتزوجك
عند سارة
دخلت غرفتها وجلست بزواية تفكر كيف الصدف جمعتهم ؟
كيف الدكتور الي صرخ عليها قبل اسبوع صار خطيبها ؟
طيب وحلمها والتمريض هل بتحققه ؟ ميه سؤال يدور في عقل سارة ومافي اي جواب تنهدت بقوة وغيرت ملابسها واتصلت على البنات
سارة : السلام عليكم بنات كيفكم
نور : وعليكم السلام وش صار لك بشري ؟
سارة : وش اقول و وش اخلي يابنات ( قالت لهم السالفه كلها )
لمى بصدمة : يعني الحين دكتور ايمن بيصير زوجك ؟
سارة باحباط : اي اتوقع
نور : يابنت المحظوظه
سارة وصوتها فيه غصه : اي حظ تتكلمي عنه ؟ اتزوج واحد مغصوبة عليه صاحيه انتي
لمى : طيب سارة قلتي له على خطتنا ؟
سارة: اي بس قال هو مغصوب علي كمان
نور : شكله كذاب الا فيه رجال ينغصب على بنت
سارة : مدري حسيت انه صادق اي صح بنات قال لي بيعيشني احلا عيشه مادري هو صادق ولا
لمى تضحك : يابنت الرجال خق عليك
نور : تشووفين
سارة : افف منكم بقفل بشوف ابوي وش صار على الخطبة
قفلت سارة ونزلت تحت عند ابوها
سارة : يبه وش صار وافق ؟
طلال : اي وافق وان شالله زواجك وملكتك بعد شهر
سارة : شهر!! مايمديني اجهز اخرها
طلال : اعطيت الرجال كلمه يلا انقلعي من وجهي مصدع ومالي خلقك
سارة بصوت واطي : ياليتك مت بدال امي
طلال : وش ؟
سارة : ولا شي
طلعت سارة غرفتها وقامت تجهز ملابسها لدوام بكره وتروشت ونامت
صحيت بدري وفطرت بسرعه قبل ابوها يصحى وخرجت
"تسريع احداث"
في المستشفى عند البنات قبل تجي سارة
لمى ونور مع بعض عند الكافتيريا شافهم ايمن ومعاها صاحبه وتوجه لهم
ايمن : السلام عليكم بنات انتو صحبات سارة صح ؟
لمى ونظراتها لصاحب ايمن: اي احنا صحباتها وش بغيت
ايمن : ابي رقم سارة انا خطيبها
نور : تبيه اطلبه منها احنا مانقدر
ايمن : يليل منكم طيب اذا جات كلموها تجي عندي في المكتب
لمى : يصير خير
ايمن : لا تنسو مشينا يلا ياعزيز
بعد مابعدو عزيز وايمن
لمى : وايي شفتي الي معاه يجنن شكل اسمه عزيز
نور : خفيفه صدق اثقلي يابنت
"شافو سارة جايه من بعيد"
لمى : جات عروستنا اخيرا
سارة : صرت عروسه ويع
نور : سارة روحي لخطيبك توه جاء يسال عليك
سارة : مسرع ذا توه امس خاطبني
لمى : سارة بالله اساليه من صاحبه الي معاه ذا اسمه عزيز
نور بضحك : تراها خقت عليه
سارة : هه وامس تتريق على ايمن عشانه خق علي
لمى تضرب نور بخفه : اسكتي بس جذبتني نظراته
سارة : خلاص يابزوره خلوني اشوف وش يبي روميو
راحت غرفة ايمن ودقت الباب
ايمن : تفضل
سارة : هاذي انا دكتور وش بغيت
ايمن : لا تقولي دكتور قولي ايمن انا خطيبك يابنت
سارة : ولا تقول لي يابنت اسمي سارة
ايمن : يليل طيب تعالي قلت لصحباتك يعطوني رقمك مارضيو اعطيني هوا
سارة بتردد : ايمن انت مُصر ؟ قلت لك اني مجبوره عليك وماني براضيه بذا الزواج تكفى هون
ايمن : طيب انا برضو قلت لك انو ابوي يبي يزوجني من بنات عمي ومافي غيرك سامحيني بس مرح اخليك تندمي على ذا الزواج
سارة : تكفى ياخي حاول
ايمن يقرب من سارة : كيف تبيني الغي خطوبتنا وانا تفكيري ليل وصبح فيكي ؟
سارة تدف ايمن : ايمن احترم نفسك شوي مو قلت تبي رقمي ؟
ايمن يجلس على كرسيه : اجلسي على الكرسي خليني اعرف اتفاهم معاكي
سارة جلست على الكرسي : تفضل وش عندك ؟
ايمن : اول شي هاتي رقمك
سارة : سجل عندك 05***********
ايمن : تمام يلا ذلحين انتي رئيسك مين ؟
سارة : قصدك المشرف علي ؟ دكتور احمد
ايمن : راح احولك من دكتور احمد لي انا احتاج ممرضة متدربة معايا هنا
سارة : بس انا ابي مع البنات مابي معاك
ايمن : مو وقته بنات انا احتاجك هنا وانتي حتكوني معاهم اليوم كله بس وقت التدريب معي
سارة بتنهيده : خلاص طيب الي تشوفه وش اقول
ايمن : خلاص تمام بكلم الدكتور احمد يحولك
سارة : بغيت شي ثاني ؟
ايمن : اي صحبتك الي شعرها طويل وش اسمها ؟
سارة : لمى ليش وش تبي فيها ؟
ايمن : صاحبي عزيز سأل عنها
سارة : تصدق حتى لمى سالت عنه
ايمن بضحك : خلينا نجمع راسين بالحلال
سارة اول مره تضحك من ايمن : ضحكتني يلا مع السلامه
خرجت وتوجهت للبنات بسرعه
سارة : لمى لمى بسرعه بقولك شي
لمى : اشبك خوفتيني
سارة بحماس : عزيز سال عن اسمك
انتهى .
——————————————————————
حبيتو الكوبل الجديد ايمن وسارة ؟
وهل تتوقعو عزيز راح يحب لمى ؟
التيك توك : ixcern
لا تنسو النجمه ⭐️
وقولو لو عجبكم البارت ❤️
أنت تقرأ
حَقق لي حِلمي
Mystery / Thrillerفتاة تظلم بسبب عادات المجتمع القاسية وتحرم من حلم طفولتها لكن تضع املها الاخير في زوجها الذي اجبرت عليه هل ستحقق حلمها المنتظر ام تستسلم للمجتمع ؟ الكاتبة : سارة 🩺
